Ka Nupepa Kuokoa, Volume LXI, Number 32, 10 August 1922 — HE MOEUHANE HOOPAHA'OHA'O. [ARTICLE]

HE MOEUHANE HOOPAHA'OHA'O.

Mr. Luaahooponopono, Aloha 06: —E. oluola hoi kou ahonui e hookomo Hio i keia mea huna pohihihi apuni na moku ewalu, ou e Hawaii, ahiki loa aku i ka mole olu o X«hua, i ike mai hoi na kini makamaka, lehulehu, ame na loea huli i kela poomanao e kau ae la maluna. Oiai ko 'u 'mama, (Mr«. Hoaona Kaeo,) e hiolani ana me Niolopua, ka aina moeuhane, mawaena o ka hora ekolu ame k& hora eha o ka wanaao o -ka Lapulo Ia 3(» # o lulai 1922, hele aku la kona uhane ma kekahi aekai, i kana hoomaopopo iho, o ke ano o keia aekai ana e hele nei, ua like me tfaho o Waikiki,

iloko nae o kona uhane am« ke ano; o kana hele .ana e lulumi ia ana, oia e na haawina o ke' kaumaha j luuluu, ame ka ehaeha, lohe ana no kona uhane i kekahi leō i ke kahea ana mai„ *Eia-nei e, huli ino aku nei ka hana ana a kona uhaae ma kahi i pae mai ai o ka leo, ike aku nei oia i kekahi wahine aoo e aahu ana i ka lole mai ke poeP" ahiki i na wawae, o kona mau helehelena ua like me ka makuahine 0 ko kakou Haku le»u Kristo„ ua pane koke mai oia, "E hele ana oe 1 hea! Hele mai oe maanei." Ua hele aku kona uhane ahiki malaila, ike aku nei kona uhane nui ino na kanaka e moe ana ilalo, apuni kela 'wahine, e uwe ana keia poe uhane i ka pololi, ame ka noho honua ana, o ka wa ia o ua wahine nei i olelo mai ai ia nei, "O ia ke kumu o ko'u hoōunaia ana mai nei ilalo nei, no ke kokua ana i ka poe uwe i ka pololi, hune, nele, kaumaha, ame ka luuluu, o ka wa ia i olelo aku ai ka uhane o ko 'u mama, "No makou he nui ka pilikia, he nele, he ilihune, he luuluu, kaumaha, ame ka aie, -o keia noho honua ana," o ka 'lnanawa no ia o kona uhane i ike aku ai, i ka la, ame elua kamaa hao, e kau ana iloko o ka La, me na hua gula i kuni ia mahina, o ke ano o ke kau ana 0 kela mau kaama hao elua, hookahi huli ka waha ilalo, hookahi huli ka wahā iluna, o ke ano o na hua palapala maluna o ua kamaa hao nei elua me ka. moakaka penei: "Kokua no ka poe pololi, Nele, Ilihune, ame ka poe kaumaha. Ma keia wahi ana puoho ae la oia, me ka paa naau o keia moeuhane hoopaha'oha'o iaia—o ka makemake o ko'u lnama i na he mea hiki 1 ka oluolu o na poe loea ke wehewehe mai i keia moeuhane me ka pololei.. Me ka Lunahooponopono ko'u mahalo, ame na keiki oniu hua kepau ko'u aloha nui. Owau no me ka haahaa, LUI HOANA, JB. 659 Keawe ftalekauwila St., KaKaako, Honolulu T. H. OKALANA, Aug. I.—Elua mau kanaka hana o ka Banako o Italia i hopuia a ninaninauia no ka pokole ana o $49,600. Ma ka olelo a na luna nui ua nalpwale keia huina ma ke dala maoli ame ke dala pepa iloko o kekahi puolo hookahi ma ka la 17 o lulai.