Ka Nupepa Kuokoa, Volume LXI, Number 32, 10 August 1922 — HE UUKU KA WAI MA KAIMUKI I KEIA MAU LA. [ARTICLE]

HE UUKU KA WAI MA KAIMUKI I KEIA MAU LA.

Ua lilo ka lawa kupono ole o ka wai ma Kaimuki i mea hoomaka'uka'u i na kini o ia apana, o ke kumu mai ina he pauahi ke puoho ae ana maloko o ia apana, elike me ke ahi nana i luku i ka hale o Sylvester Ferreira ma Kalihi-uka ma la o .ka pule aku la i hala, e hiki ole ana ke kinaiia no ka lawa ole o ka wai e hiki ai ke hoopio. I ka manawa ka i pau ai ka hale o H. T. Waity ma ke alanui 16 ma Kaimuki ma kekahi mau maliina aku nei i hala ua laweia ae he manao imua o ka papa o na lunakiai, e hanaia kekahi hana i mea e loaa nui ae ai ka wai ia apana, elike me ka hoakaka a kekahi o na makaainana o ia apana, eia nae, o ka papa o na lunakiai ka i apono ia inanao, a ua hanaia he bila no kekahi haawina dala no ka hoomahuahua ana ae i ka pono wai o ia apana, ua holo ka bila imua o na hoa o ka papa, i ka waihoia ana ae nae imua o ka Meia ua vlfo ia ia bila. He laina paipu wai elua inilia wale uo ka ka i hoolakoia ae no ia apana i nei manawa elike me ka lioakaka a kekahi o na makaainana o ia apana, a oiai ke hoomahuahua mau aku la ka heluna kanaka o ia apana a oiai hoi aia pu kekahi kula a'o koa o Honolulu malaila,, he kumu maikai no ka hoomaka'uka 'u ana 0 na o ia apana no kekahi ahi e puoho ana i ka manawa 1 maopopo ole, o ka oi loa aku o ka mea pilikia, wahi a ka mea nana i hoike ae, aohe ka he mau kiwai nui ma kela apana. Aoho i lawa ka wai ma ke alanui 18 e hiki ai i kekahi ke auau a e lioloi iaia iho, elike me ka olelo a ka mea uana i hoike ae i ka Advertiser. O keia no ka pilikia liookahi i ikeia ma ka apana o Kalihi ame ke Kiekiena o Makiki, a oiai he mau la papaala keia, aole no e nele ana ka hoomaka'uka'uia o na makaainana o noho ana ma na wahi lawa ole o ka wai, a malrfna wale no o ka oihana wai ke kau ana ae i na manaolana no ka hoopauia ae o keia pilikia.