Ka Nupepa Kuokoa, Volume LXI, Number 33, 17 August 1922 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

He Moolelo no NA PUUWAI ELUA a i Ole

Ka Hewa o ka Wahine---He Moolelo i

Owiliia me na Haawina Hoopihoihoi

Noonoo o ke Au oka Manawa

 

"Mai manao ku hihewa oe e kuu kaikamahine, he wahi hana @aalahi, ka oao ana e komo aku iloko o kekahi oihana, aia @mau kaukani o na wahine e ake nei e loaa kekahi oihana ia kakou, aole nae he hiki, mamuli o ka nana aku, i ke poho, o ka poe makaukau maoli i ka lawelawe oihana ana, nolaila aole loa e loaa ana ka holomua ia olua, oiai aole olua i lawelawe @@a i ke kahiano oihana."

 

"Ke kanalua loa nei ko'u manao, no ka mama ae mai i keia kokua mai ka hui aku, a e hookaumaha loa ia aku ana kona @@@noo, no ka hiki ole iaia ke komo maloko okekahi oihana," @ia Ela, me ka uliuli ana ae o kona poo.

 

Nou ame kou makuahine, aole o olu makaukau, ma ka @a papale, a kuai i na papale a aole o'u manao e makemake a olua e kukulu i kekahi halekuai paka. O ka mea oiaio no aohe a olua hoao ana e lawelawe i kekahi oihana me ke @ka'i aku o ka hana ia nana e kokua mai i ko olua noho ana.  a dala apau a kou kaikunane i hookomo mai ai iloko o ka nei, o kou mama wale no ke kuleana, a ma ia kuleana aua-e hiki ole ai iaia ke hoole mai, i na kokua mai ka hui aku." Malia paha o kena i'o ka mea pono elike me kau e hoakaka nei e Mr. Kapa."

 

Ua manao au, he ekolu paona ka haawina kokua no kou a na o ka pule he wahi huima uuku loa keia ke hookukuia ae e na kaukani paoa ekolu a kou kaikunane i hookomo mai @@ @oko o ka hui' aka he elima pakeneka wale no keia maluna @ ke kumupaa."

 

"Ina aole ka nele maoli o kuu mamfa i na mea i maa iaia, a @e loa au e ae aku e lawe mai i kena mau dala kokua, @ ka nana ae nae, ua noho hemahema maoli oia, pela wale no au i konoia mai ai e lawe mai i kena kokua, aole ma kekahi @@@ e ae."

Noho iho la o Mr. Kapa, a kakau iho la he kikoo dala, no ka @@ina o ekolu paona, me ka pane ana mai:

 

"Ke manao nei au, e paa maoli aku no oe i keia kikoo, no ka @@awina kokua i kou makuahine, he mea hoopokole mai ia i ka @@na aole hoi e hookomoia aku malokoo ke ekeleka. Ke kakau @@@ au i keia kikoo, ma ko'u manao ponoi iho, me ka maopopo @le i ko'u ho-hui; a mai ka'u mau dala ponoi no, e ukuia aku a keia huina i kou makuahine, i kela ame keia pule, aole hoi mai na dala ae o ak hui."

 

Lalau aku la o Ela i ka bili kikoo dala, a opiopi iho la no ka hookomo ana iloko o kana eke dala, a iaia i ku ae ai iluna, no ka hoomakaukau ana e haalele iho i ke keena oihana o Mr.Kapa. Pan@ hou mai la oMr. Kapa iaia i ka i ana mai:

 

"Aole o'u makemake, e hookomo aku i na manaolana pohoI@ ko ou, aka ua paa maoli no ko'u manao, aole wale no e hoihoi @ @ ia mai ana kou inoa maikai, aka e naia aku ana kou makuakane, ma ke ano oia kekahi o na kanaka pookela loa, ma ka hana hoopukapuka waiwai, i ka wa e holomua loa ai kela @@ gula ma Kaleponi.

 

"I ka manawa i holomua ole ai kou makuakane ma kana @@@ hana, ua nanaia aku oia, ma ke ano he kanaka ino, a he kanaka kolohe, aka nae, i ka holomua ana o kela lua gua ma Kaleponi, ua hololi loa ia ae kela mau inoa maikai ole mai iaia aka; a in a no paha i hoomanawanuiia eia, aole e kau mai ka p@@no maluna on a, ame kona ohana, aka nae me ka nana ole i na mea i hala aku la, ke lana loa nei kuu manao, e oili mai ana na hana e hookahahaia aku ai na mea apau."

 

Ua hoohauoli loa ia ko Ela manao, mamuli o kela mau hoakaka a Mr. Kapa, alaila haawi mai la oia i kona aloha hope o kona haalele aku la no ia i ke keena o ke kanaka i haawi mai i kana mau kokua ana iaia nei, a i kona hoea ana mai i ke alanui, kau aku la maluna o kekahi kaa, me ke kauoha ana aku i ke kalaiwa, e lawe iaia no ka Paka Haida, ma kahi he mile ka mamao mai kela wahi aku.

 

He nui na kumulaau maloko o kela paka, me na meaulu uliuli e hoihoi ai ka maka ke nana aku, nolaila hooholo iho la ua o Ela, e hoohala i kekahi mau hora ma ka nanea ana malaila, mamua o ka huli hoi ana aku no ko laua home.

 

"Ina e loaa ia mama he manawa e hele holoholo ai, ma na wahi elike me keia ke ano, e loli loa ae ana kona ano, aole hoi, o ka pili mau o ke kaumaha ame ka ehaeha o ka noonoo," i nalu wale iho ai no o Ela iloko ona.

 

Malalo o kekahi kumulaau malumalu, i noho iho ai ua o Ela, maluna o kekahi noho laau loihi, me ka noonoo ana no na la i kaahope aku, na la aole he mau ao hakumakuma eleele nana i alai ae i na alahele o ka hauoli, no kona ola ana. Me he mea la ke ike okoa aku la no oia i ka helehelena o kona kaikunane i ke ku mai imua ona, me kona hoolohe aku hoii na olelo hoolana mai iaia mai.

 

Hala ae la na hoomanao ana no na hana a kona kaikunane imua ona, ia wa i ala mai ai kana mau hoomanao ana no Ivana @conada, a mai kela manawa mai, i nana aku ai oia ia mua o @@na ola ana, me he mea la, e kau okoa mai ana na kahoaka, o ka nani, ka hauoli ame ka maemae, alila puana ae la oia i keia @@@ huaolelo.

 

"Aole loa he mea nana e ake'ake'a mai i ko'u manaopaa me ka hilinai ma luna o kuu aloha, aia no he la e hoea mai ana, e @@lohia aku auanei na ao hakumakuma e halii nei i ko'u ola ana."

 

Me kela mau huaolelo i punanai ae, eueu ae la kona mau la elehe, pohina ae la hoi kona mau maka, o kona ku ae la @@ ia a haalele iho la i kona wahi e noho ana, a hele holoholo aka la me ka manao, ma ia ano e nalohia aku ai na manao haku'iku'i hoomanao no kana aloha mai iaia ae, me ka hooholo a@a iho, e hele aku oia no ka home o Kauka Mudoka, no ka ike ana i kana haumana.

 

@ua o Ele nae i haalele aku ai i ka paka, a hele mai la no ke @@@nui, ike mai la oia i na kanaka e hele ana ma ko lakou mau @@@wae a maluna no hoi kekahi o na kaa, me he mea la, aia ke@@@i mau hana ano nui, nana i kono aku i na kanaka e hoa@@@koa ma kela wahi o ke alanui.

 

Ku iho la oia, no ka nana ana i ke kumu nui o na kanaka @@ ke alanui, a iloko o kona nanea, ua hoopuiwa loa ia oia i ka @ @@ pono ana aku i kekahi leo i hele a kamaaina i kona mau pepeiao i ka pane ana ae.

 

"Auwe no ka hoi e! O kela ke konela o ko'u pualikoa, e @@u mai la maluna o ka lio ahinahina e Ropa, aole o'u makemake e ikeia mai au e kela kanaka."

 

"Mai hopohopo iki oe, aole oia e ike mai ana ia oe iwaena e keia aluka kanaka," i pane ae ai o Mr. Ropa.

 

Huli koke mai la o Ela i hope, a ike mai la me ka hoohewahewa ole i ka helehelena o kana ipo aloha, Kapena Ivana, a me kona nana ole ae i na maka he nui e kau pono mai ana maluna o@a, o kono holo mai la no ia, a puliki aku la ia Leonada oiai o ua kapena opio i'o nei no kela a Ela o ka ike ana aku.

 

"O e kuualoha, ua kakali au ia oe me ka hoomanawanui no na la loihi, akahi nae oe a loaa hou ia'u!" i pane ae ai o Ela me ka mau no o kana pulikiana ia Kapena Leonada.

 

Aole he wahi hoomaopopo iki iloko o Kapena Leonada, no Ela, ke nana wale mai la no oia, i kana aloha, me he mea la o kona ike ana mai i kela wahine opio, a o ia kana o ka pane ana ae ia Mr. Ropa.

 

"Ua kuhihewa loa ia keia lede opio," wahi ana me ka luliluli ana iho nae i kona poo, no ka hiki ole iaia ke hoomaopopo iki, i kekahni mea o ka wa ihala.

 

"Pela no ko'u manao, ua kuhihewa oia ia oe, no kekahi kanaka okoa aku ana i kamaaina ai," i pane mai ai no hoi o Mr. Ropa.

 

"E hoao kaua ma na ano apau e kaawale mai keia wahi aku, mamua o ka piha ana mai i na kanaka; e hoopakele hoi kaua i keia lede opio, mai ke kau ana aku o kekahi mau hoomkaumaha ana i kona manao. Ua maopopo loa me ka hoohewahewa ole, ua kuhihewa loa keia lede opio," i kamailio hou mai ai o Kapena Leonada.

 

Ua pa pono loa aku na huaolelo a pau a Kapena Leonada o ke kamailio ana mai ma na pepeiao o Ela; a koho iho la oia iloko on a, ua haalele maoli no o Leonada iaia, elike me ia a kona makuahine, i kamailio mai ai, aka nae nana ae la kona mau maka iluna ma ka helehelena o ke kanaka ana i aloha ai, a pane ae la:

 

"O e Ivana! E Ivana! Aole anei ou hoomaopopo mai ia'u? Owau no hoi keia o Ela, ka mea i haawi aku i kona aloha ame kona puuwai e hookauwaia malalo ou."

 

Ke hamohamo la o Kapena Leonada ma kona lae, ke imoimo la hoi kona mau maka, me ka hele a pupuk@ ka ili okona lae, a laila hui ae la ia Mr. Ropa, a kamailio aku la:

 

"Ke kahea mai nei oia i ko'u inoa, o ka mea apiki nae aole o'u wahi maopopo iki, no ko'u ike mua ana iaia. He mea pono e noiiia aku keia mea ano nui. O e Ropa, ua hele kuu poo a poniuniu maoli!"

 

He hapa wale no o kela mau huaolelo a Kapena Leonada o ka hoopuka ana ae, i loheia mai e Ela, o ka nui aku aole oia i lohe mai, no ka mea ua maule aku la oia, i ka wa a kana aloha i hoole ae ai, aole loa oia i ike i ua o Ela mamua.

 

Alakai aku la o Ropa ia Kapena Leonada no kekahi wahi kaawale, me ka hoonoho ana aku iaia maluna o ka noho ma ka paka, alaila kauoha mai la o Leonada iaia e hele mai e nana i ka lede opio me ka i ana mai:

 

"E hele aku oe e kokua i ka lede opio, a e ninaninau pono aku i kona inoa ame kona wahi e noho nei. Aohe o'u hoomanao iki no ko'u ike ana iaia mamua, eia nae he keu aku kela a ka wahine huapala. No keia hiki ole ia'u ke hoomanao, i na mea o ka wa i hala, ua hele maoli au a kokoke e pupule!"

 

Aole i emo kela nalo ana aku o Ropa, oili hou mai la ua kanaka nei, me ka hoike ana aku i kona kokoolua, aole kela wahine opio, aka ua hookauia aku oia maluna o kekahi kaa, a hoihoiia aku no kona wahi, me ka maopopo ole, i kekahi mea o kona ame kona wahi hoi i noho ai.

 

"E lawe koke ana au i na mea a Kauka Mudoka i ao mai ai, no kona kaha mai ia'u, ua hoopilikia maoli ia mai kou noonoo, no ka hiki ole ke hoomaopopo i kekahi, mau mea, a i wahi e auhee aku ai kela pilikia, pela au e makemake loa nei, e hoomaka koke mai kela kauka i kana hana ma kuu poo."

 

Ma kela ahiahi, ua kakau iho la o Ela i kekahi leka; a hoouna mai la ia Mr. Kapa me keia mau manao i kakauia:

 

"E kuu Mr. Kapa: Maloko o keia leka, e loaa iho ai ia oe kela kikoo dala au i haawi mai ai ia'u na mama, ke hoihoi hou aku nei no au, no ka mea hiki ole ia'u ke lawe mai i kela mau dala malalo o kekahi mau kuu ko'iko'i loa. aole au e hoike aku ana i kela kumu, aka nae iloko o kekahi manawa kupono, ma keia hope aku, e lohe ia ae i na mea oiaio loa. Ke hoihoi hou aku nei no nae au i kela mau dala, me ka nui no o ko'u maumanao mahalo no kau mea i hoao mai ai e hana no'u me mama."

 

"Aole loa e hiki ia'u ke hoopa i hookahi keneka o kana mau dala, ua lohe maopopo loa aku nei au i na olelo lokoino mai kona waha mai. Heaha la hoi, e ola aku ana au, me ka ike hou ole ia mea he hauoli, aka o ka ehaeha, ke kaumaha ame ka luuluu, ke ukali mau ana mahope o ke koena o kou mau la o ke ola ana.

 

Ua hoole mai oia no kona ike mua ana ia'u, a ua kamailio mai hoi oia i na olelo a ke kanaka, i nele i ka puuwai iloko ona. Pehea la, e hiki anei ia'u ke ola aku me keia ano? Iloko o kuu puuwai, ua nele maoli ia i ka pana ana, he hu'ihu'i pu wale no."

 

Noke okoa iho la laua o Ela i ka hookahe i kona waimaka, i kau a mea o ka ehaeha, i oi aku imua o na ehaeha e ae ana i auamo ai mamua aku.

 

MOKUNA XXIV

 

I kela huli hoi ana aku hoi o Kapena Leonada no kona rumi ma kela la, aole e hiki iaia ke hoomanawanui iho, i kona manao, e kahakoke ia kona poo, a e nanaia kahi o ka pilikia, nolaila kakau iho la oia i kekahi leka na Kauka Mudoka, e kauoha ikaika aku ana iaia, e helemai imua on a, i ka manawa maikai e loaa ana.

 

Aia iloko o ua o Kapena Leonada ka noonoo nui, he hana maikai nana, ka hoike ana aku imua o kekauka, i kana mea i ike ai ma kela la. Ua piha maoli oia i ke kaumaha, no ka maopopo ole o kela lede opio, o ka holo ana mai a puliki iaia, me ke kahea ana mai i kona inoa, a olelo okoa mai hoi, he ipo aloha oia nei nana. Ua hoomaopopo aku oia, aia iloko o kela wahine opio ka manaoio maluna oia nei, o kona wahi nae i ike mua ai iaia, he ninau hiki ole loa ke paneia.

 

"Ina aole au i ike mua i kela wahine, a o keia no ka makamua loa o ka halawai ana me kona helehelena, e haulehia no au i ke aloha iaia, i pane aku ai o Kapena Leonada ia Ropa. He kanaka o Mr. Ropa i kahiko kona mau makahiki, aole no oia i mare i kawahine, a no kona ilihune no iloko o kona mau la opiopio, nolaila aole oia i ike ia mea he hooipipo, nolaila aole on a noonoo nui mai i na olelo e kamailioia aku ana e Kapena Leonada.

 

"Pehea ua haawi aku anei oe i kuu leka ia Kauka Mudoka?" wahi a Kapena Leonada i huli mai ai a kamailio imua o Mr. Ropa.

 

"Aole o Kauka Mudoka ma ka hale ia'u i hoea aku nei, aka ua haawi aku au i ko leka, i kekahi o na kauwa o ka hale, a in a e hoi ae ana ke kauka, a heluhelu i ko leka, e hoea mai ana oia i keia po, a i ole ma ke kakahiaka paha o ka la apopo."

 

Ma kela mau la a Kapena Leonada ame Mr. Ropa e hoohala la ma Ladana, he elua manawa i hele ai o Leonada e hui pu me ka Loio Malo, a ua hele no hoi oia a ukuhua, no ka lohe aku i ke kamailio mai o ka Loio Malo; no Bela kalani, ame kana mau hana, me he mea la, aole he maopopo iki ia Leonada, o kela mau mea e komailioia mai la iaia.

 

"Aohe he kanalua iki no ko'u hoea ana i Biare no ka mea malaila au i loaa ai me kuu poo ua eha, a me kuu poohiwi hoi ua haki ka iwi. Aole nae keia he mea e hooiaio mai ana, ua halawai au me kekahi poino, i hookauia mai maluna o'u, mamuli o ka manaoino a ka enemi. Aole e hiki ia'u ke manaoio, no ko'u hopoino maoli ia ana mai e kekahi mea, ahiki i kuu ike ana i na hooiaio maopopo loa. Ina e hoi hou mai ana ka noonoomaikai iloko o kuu poo, e hiki auanei ia'u ke hoomaopopo i na mea apau. I kamanawa hea la o@ i manao ai, e loaa ia'u kekahi mau hoakaka no na mea e pili ana i na moohelu o ko'u mau waiwai, ma na mea pili dala."

 

"Mai noonoo nui oe ia mea he dala, aka e hoolilo oe i kou manawa, ma ka hoomaha ana. Ua hiki ia'u ke hoolako aku ia oe me ke dala, i na manawa apau au e makemake ai; a ke kokua nei au i ka manao o kou kauka, e loaa nui ia oe kamanawa hoomaha, pela wale no e hoihou mai ai kou mau ano kahiko.

 

(Aole i pau.)

 

KE ANO O KE KALAIAINA.

(Kakaula e Z. P. K. Kawaikaumaiikamakaokaopua)

(Hoomauia mai.)

No ko lakou makemake ole i ka hana, hele lakou a pili aku me kekahi mea hana, he mea waiwai hoi, a hoowalewale iaia, a lilo ua kanaka hana nui nei, i meahana ole. Nolaila, ono e kaawale lakou. Aole pono e hui pu ka poe paahao, me na kanaka pono, aole pono e kamailio pu lakou.

 

Eia kekahi, o ka poe i hoohanaia ma keia aina, aole i nui ka lakou hana, ua uuku wale no. AOle pono e ai wale lakou i ka aia ka poe hewa ole. Pono e nui ka hana, i uku no ka hew kekahi, a i uku no ka ai kekahi. Ina i like ka hana ana me keia mau mea i oleloia maluna alaila, makemake no na kanaka i ka hana, a o ka poe makemake ole, e mak'u auanei lakou, o pololi a nolaila aemai no i ka hana.

 

Ina i nui ke kumuwaiwai, o ia kekahi mea e ikaika ai na kanaka i ka hana.

 

Eia ka mea e maopopo ai ka oiaio o kela olelo i oleloia ma ke poo. Ina aole hui pu ia ka hana me ke kumuwaiwai, a laila, he mea ole wale no ke kumuwaiwai. Ina he aina ko kekahi, makemake no oia i kela aina i wahi e mahiai ai. Ina makemake kekahi i ka pulupulu ua makemake no oia ia mea i mea lole.

 

Ina makemake kekahi i wauke, makemake no oia ia mea i mea kapa. Ina makemake kekahi i mea paahana, makemake no oia ia mau mea, i mea e hiki ai iaia ke hana. He mau mea waiwai ole keia, ina aole i hui pu ia me ka hana. Eia kekahi. Ina he kanaka mahiai, ua makemake nui oia i ka aina. Ina he kanaka hana lole, makemake nui oia i ka pulupulu.

 

Ina he wahine kukukapa, makemake no oia i ka wauke. Ina he kamana, a he mara paha, ua makemake nui laua i na mea paahana. Ina i nui ka aina, a nui na kukuwaiwai, alaila, ikaika na kanaka, no ka mea, nui ka loaa. Ina uuku ka aina, aole hiki i ke kanaka ke hana i kela la i keia la, no ka uuku. O ke kanaka hana lole, in a uuku ka pulupulu, aole hiki iaia ke hana i keia la ame keia la.

 

Pela na hana apau. Ina aole kumu e waiwai ai na kanaka, alaila, molowa lakou, no ka mea, aneane makehewa ka hana ana. Ma na aina apau, in a i nui kekumuwaiwai, ua ikaika no ka hana ana a na kanaka. eia ka mea e @kaka ai, ina hune ke kanaka, aole kumuwaiwai, hooikaika paha oia e kanu ko. Ina o kona lima wale no, elima paha eka e pau iaia o ka makahiki hookahi.

 

O na dala i loaa ma kela ko, e lima paha haneri, a lilo paha kekahi i ka wili, ame ke puhi ana, a i ke kuai ana i na pahu, a koe $300. Ina maheleia kela dala, ua like ia me ke dala hookahi i ka hana ana i ka la hookahi, apuni ka makahiki. O ia ka waiwai loaa i ke kanaka ka nuko i kela la, keia la, ke hana ikaika oia, oia wale no. Aka, ina he wahi kumuwaiwai ko kekahi kanaka, alila loaa iaia eha dala i ka la hookahi.

 

Penei no oia e hana ai. Kuai oia i kekahi mau bipi kauo, a hana pu kekanka me kela mau bipi. Ina pela ka hana ana, alaila, pau no iaia na eka he iwakalua. A o na dala maloko olaila, e lua tausani. A lilo i ka wili ana, a i ke puhi ana, a i na mea e, ewalu haneri dala, a koe $1200. Ina i maheleia kela mau dala, ua like ia mea na dala eha no kela la keia la ana i @ana ai.

 

No keia loaa nui ana, ikaika no oia i ka hana, aole loa oia e molowa. Ma na aina i uuku kekumuwaiwai, malaila, aole i uku nui loa ia ka poe hoolimalima e hana. Ina i nui ka waiwai ma kekahi aina, ua pomaikai ka poe hana, o lakou ka poe pomaikai nui. Aole nae e waiwai nui ka aina ma ka loaa mai o ka waiwai wale no.

 

Eia ka mea e waiwai ai ka aina, ke hapa ka lilo aku a nui ka loaa mai. Ina he umi tausani dala i loaa mai i ka makahiki hookahi, a he umi tausani i lilo aku, aole no e waiwai ka aina, hana mau pela, ame na kanaka hana like me ia. Nolaila, e nana kela kanaka keia kanaka i kahi e lilo makehewa ai ka waiwai.

 

Ina e laweia mai 100 pahu rama maanei e kuai, a kuaiia maanei, ua poho ia waiwai apua. I kekahi makahiki mamua aku nei, ua oi aku na pahu i ka haneri, he mau pahu nui loa hoi. He umi tausani paha dala i lilo i kela rama. A ina pela kekuai ana i kela makahiki, i keia makahiki, alaila, ina makahiki he umi i hala aku nei, hookahi haneri tausani dala i lilo. Ua poho wale ia waiwai, a o ka ma'i o ke kino, ame loaa mai.

 

Ina ua malamaia kela haneri tausani dala, i mea e hooponopono i ka aina, i kumuwaiwai, e waiwai hou ai, ina ua pono ka aina. Ina waihoia ma Honolulu kekahi o ia mau tausani, a ma Waikiki kekahi, a ma Ewa kekahi, a ma na wahi o Maui kekahi, a pela no hoi ma Hawaii, a ma Kauai, ina ua lilo kela mea elike me ka hua i kanuia a ulu, a hua mai i ka hua a nui loa. Aloha ino i kela waiwai lilo wale!

 

Eia kekahi hemahema nui ma keia aina, aole i malamaia ka mea loaa i kumu e waiwai hou ai. Ina loaa i ke kanaka kekahi dala, ame kekahi waiwai, hoopau koke no oia, no kona manao e loaa hou mai. Aole pono pela. Pono e malama i kekahi, i kumu e waiwai hou ai, a in a pela ka hana ana, waiwai koke no na kanaka, a waiwai koko no ka aina. Hookahi no mea e waiwai ole ai kekahi poe, o ka uhauha ame ka hoomaunauna no.

 

O ke kaua kekahi mea nui loa i waiwai ole ai na aina. Pau ke kumuwaiwai i ke kaua, a haalele na kanaka i ka hana. Ina e  waiho ana ma Beritania na waiwai apau, a lakou i hoopau ai i ke kaua, i ka haneri makahiki i hala, ina ua like ke dala malaila me na pohaku unu alanui, hiki ole e pau i ka heluia, no ka nui loa. Helelei liilii ka waiwai i ke kaua, elike me ke oka i ka makani. Nolaila, pono i ka poe kalaiaina e imi ikaika i mea e pale aku ai i ke kaua.

 

(Aole i pau.)

 

OLELO HOOLAHA

 

E malamaia ana ka halawai makahiki o ka Hui Kuai Aina o Haena, Halelea, Kauai, maka Hall o Haena, ke hiki aku i ka la o Sepatemaba, 1922. hora 10 a.m.

 

Ma keia, ke kauoahia aku nei na lala apau o ka hui  i hoikeia maluna, e hiki kino ae ma kahi i kauohaia

 

Kou oiaio,

WM. H. RICE,

Peresidena Hui Kuai Aina o Haena.

Lihue, Kauai, Aug. 1, 1922.

6516--Aug. 10, 17, 24.

 

E ka Poe Hookuonoono

Ke Makemake Oukou i na Lako--

NO KA HOME A NO KA AINA MAHIAI PAHA E KIPA

AE MA K KEENA O NA LAKO PILI HAO O KA

AMERICAN FACTORS, LIMITED

 

no na mea elike me keia:

Kapuahi. Meahana mahiai. Uwea Pa Moa me Pa.

Lako Mahiai. Meahana Kamana. Pena me na Palaki.

Lako Halekuai me Pa. Pili Hao a Ane e Ae. Aila me Vaniki.

 

O ke Kanaka Kuai i na Lako Hana Maikai ua Lanakila e no Oia i ka Hapa o ka Hakaka

 

Aole hiki ia oe ke lawelawe i na hana maikai me na meahana inoino. O ke kanaka e hoao ana e hana me na meahana inoino, e hoea mai ana i kona wa e kiola ai, a kuai i na mea kupono, ina he noonoo oia Ake nae ua pho wale ka manawa ame ke dala ma ka hana ana pela. Kekuai nei o Lewers & Cooke, Ltd., i na lako hana maikai wale no.

 

KE MALAMA NEI MAKOU HE AHUA PIHA PONO LAULA O NA

LAKO MAHIAI AME NA LAKO KUKULU HALE

 

He Makemake Paha Kou i

KO'I, KIPIKUA, KOPALA, HO, HAMARE, PAHIOLO, KO'I LIILII, NA LAKO KAMANA PIHA PONO, HOANA HOOKALA, PAKEKE.

 

Papa o Kela âme Keia Ano, na Lako Hao, Pena, Aniani

 

Kakau mai a i ole kipa mai no na hoakaka. E hookoia no na kauoha apau ma ka leka me ke akahele ame ka hikiwawe loa.

 

LEWERS & COOKE, LIMITED

HONOLULU

 

Lawa Pono ka Poe i na I'o Hipa ma ke

Kuai Hoemi a ka Makeke Metropolitan

ma ka Poakolu Aku Nei

 

Nui na ohana i hoolawa maikai ia me na i'o hipa hou a palupalu, ma ke kuai hoemi a ka Makeke Metropolitan ma ka Poakolu nei no ke kumukuai haahaa loa o 7 keneka o ka paona. Eia na Makuahine o na Home ke komo mau nei malaila i kela ame keia la, no ka haawai ana i ka lakou mau hoomaikai ana i ka Lunanui, Mr. Lui, no kana mau hana kokua nui loa, ma o kela kuai hoemi ana e haawi mau nei malaila i kela ame keia pule.

 

He Kuai Hoemi Hou no ko Keia Poakolu Ae

 

Ina he makemake kou e hoolawa i kou Ohana Nui me na I'o Bipi Ku Momona, e hele mai no keia Makeke, a e loaa no ia oe me ke Kumukuai Emi Loa i loaa mua ole ia oe ma na Makeke e ae apau.

 

METROPOLITAN MEAT MARKET

 

E ninau no LUI; he oluolu na kuka'i ana ma ka kaua olelo makuahine.

Hele mai, mai hilahila!