Ka Nupepa Kuokoa, Volume LXI, Number 33, 17 August 1922 — HAULE MAILUNA MAI O KA LANAI A NAHA KE POO. [ARTICLE]

HAULE MAILUNA MAI O KA LANAI A NAHA KE POO.

He keiki Kepani o elima makahiki, nona hoi ka inoa o Tetsuto Ynmamoto, ka i haule mailuna mai o ka lanai o kekahi hale hoolimalima he umi-kuinamalua kapuai ke kiekie, a waawaa ke poo a puka ia ka wawae hema aneane ma ka hora 6 o ke ahiahi Poakahi nei, a no ia eha i laweia aku ai oia no ka halema'i Kepani ma ke alanui Kuakini. E paani ana ka oia maluna o ka lanai, ke ano hana mau no a kamalii, ma kona manawa i halawai ai me keia poino mauwale, i ke kapeke ana o kona wawae ma kekahi wahi ana e lalama ana ua haule Iho la oia iluna o ke alanui kameki paakiki e waiho ae ana malalo. Na F. G. Robello, kekahi o na ma,kai mokokaikala i ninaninau i ka 'nea e i>ili ana i keia ulia.