Ka Nupepa Kuokoa, Volume LXI, Number 33, 17 August 1922 — E HOOKAAWALEIA AKU ANA KA MOKUAHI TANGAROA [ARTICLE]

E HOOKAAWALEIA AKU ANA KA MOKUAHI TANGAROA

Mmuli o ke koikoi o ke kanawai a ke aupuni Amerika i kau ai e loa ana i ke komo ana mai o ka waiona i HawaiL,nei mai na aina e mai e hokaawaleia aku ana ka mokuahi Pelekane Tangaroa i hoolilo i ke awa o Honolulu i kahua nona e hoolulu mau ai no kekahi mau makahiki lehulehu aku la i hala mahope o kona holo ana aku i ka Mokupuni Fanning ma ka la 12 ae nei o Sepatemaba, a e holo aku ana ia no Aukelana. Mamuli o keia kanawai kakauha i kauia e kaawale aku ana mai Honolulu aku kekahi moku nana i hoolilo i kekahi huina ds.la manuunuu ianei. Na ka Papa Hoomoe uwea ikelekalapa e hoohana nei ia moku |a ua manaoia ia he moku no ke aui puni malalo o ka hae Peiekane, a | malalo hoi o ka hoomalu ana a kona kapena C. Mell Mennuir he mau ia mai ianei mai Aukelana mai maluna o na mokuahi e holo ana mawaena o Kanada ame Auseteralia, a hoahuia ae ma ka Uwapo 7 no ka hoopiha ana aku maluna o ka moj kuahi Tangaroa no ka lawe ana aleu i ka Mokupuni Fanning. Aole o keia wale no na mea i hoolakoia aku maluna o ke Tangaroa, o na meaai ame na mea e ae kekahi e kuaiia ana ma Honolulu nei. 0 ka waiona no ka hoolako ana aku i na kanaka hana o ka halehana hoomoe uweaolelo ma Fanning mai Nu Kilani i laweia mai ai ianei a hookauia ae maluna o ka mokuahi Tangaroa, he waiwai hoi i ku-e na kanawai oke aupuni Amerika. Ma kekahi manawa aku nei i hala ua hoalaia ae he ninau e pili ana i ke kupono ole o ka laweia mai o ka waiona i Hawaii nei, ma ke kanawai ua hookapu loa ia ka ioopaeia ana mai o keia ano waiwai, eia nae, ua haawiia aku no he ae ana no ka manawa no ka Tangaroa e hoomau aku ai i ka lawe una ia mau lako no na kanaka hana ma ka Mokupuni Fanning. Ma kekahi manawa kokoke aku nei i hala, ua loaa mai he kauoha mai Wakinekona mai e hookapu loa ana i ka hoopaeia mai o ka waiona, a mamuli iho la o ia i kapu loa ai ke komo hou ana mai o ka waiona. 0 keia wale iho no ke kumu nui o na akena, o ia ka Hui o T. H. Davies & Co, amfe ko ka Papa Hoomoe Uweaolelo hookaawale ana aku ia moku mai nei aku, elike me ka moolelo i hoikeia ae e pili ana ia hookaawaleia ana aku. Aole keia o ka mokuahi Pelekane wale i hookaawaleia mai nei aku, o ka mokuahi Kestorerer kekahi, ka moku hoomoe uweaolelO kelekalapa, he moku ia i hoonohoia maanei no ka makaala ana i ka uwea kelekalapa, i ka manawa e moku ai ka uwea o kana hana ia o ka hana hou ae a paa, a oiai o Hawaii nei ke kikowaena o ka Moana Pakipika o keia kahi kupono loa no ia moku e ku mau ai r eia nae mamuli- o kekahi mau auhau koikoi i kauia aku maluna o ia moku ua hookaawaleia aku ia ipai nei aku, o ka hope ua hoihoiia aku ka Bestorer i na kai o Kanada.