Ka Nupepa Kuokoa, Volume LXI, Number 33, 17 August 1922 — LOAA AKU HE IPUHAO PUHI RAMA MA KEMOO [ARTICLE]

LOAA AKU HE IPUHAO PUHI RAMA MA KEMOO

Ua kaulana ka apana o Kemoo o keia mokupuni i kahi nui hewahewa o na moa i hanaiia malail,a a pela hoi me na huaai o kela ame keia ano, a ua kaulana pu no ke puhiia o ka okolehao malaila, no ka mea, ua loaa aku he puhi rama malaila i na makai hookapu waiona maloko o ka pahale o kekahi Kepani o K. Miyamoto ka inoa, a ua paa ae oia i ka hopuia a noho ana i kauhale mamuli o kona hoopiiia ana ae no ke ku-e i na kanawai hookapu waiona. Aohe okolehao i loaa aku, 0 ka ipuhao puhi wale no, a ma ka noho ana o ka aha federala e hoolohe i kona hihia ma ka Poaula nei, ua hoopaneeia ka hoolohe hou ia ana a kekahl manawa okoa aku. Ma kauhale o ka poe mahi halakahiki ma Halemano, kokoke i Kemoo, malaila i loaa aku ai i na makai hookapu waiona he 17 galani okolehao ,a he wahine Kepani nona ka inoa o Mrs. K. Arawa ka i paa ae i ka hopuia. Ua hoea ae oia mamua o ka aha federala ma ka Poalua iho nei ,eia nae ua hoopaneeia mai ka hoolohe ana i kana pane ahiki i ka la 18 o Sepatemaba. Ma ke alanui Kukui ae nei i paa ae ai he Kepani o S. Koga ka inoa, 1 ka hopuia no ka loaa ana aku he ipuhao puhi rama ma kona wahi me elua mau galani okolehao. Ma ka manawa o ka hoaloheia ana o kona hihia mamua o ka aha federali ua ae ae oia i ka pili i ka hewa a ua hoopaneaia e ka Lunakanawai

De Bolt ke kau ana mai i ka hoopa'i maluna ona Jihiki i ka la 30 o §epatemaba.