Ka Nupepa Kuokoa, Volume LXI, Number 33, 17 August 1922 — 997 KA NUI O KA POE I HOPUIA NO KE KU-E KANAWAI. [ARTICLE]

997 KA NUI O KA POE I HOPUIA NO KE KU-E KANAWAI.

Mai ka mahina mai o lanuari o keia makahiki he 997 ka nui o ka poe i hopuia jio ke ku-e i na kauawai i kauia e ke aupuni, e piU ana i ka holo ana o na kaa, he 705 o ia huina i hoopa'iia a Jie 7035 i ohiia mai no na hoopa'i ame na koina o ka aha mai ka poe ku-e kanawai ae, elike ma ka hoike o na buke a ka oihana makpi. 0 ka huina o $2280 i ohiia no na hoopa'i ame na koina 0 ka aha iloko o ka mahina o lulai 1 hala aku la ka oi loa aku o ka nui i ikeia no kekahi mahina hookahi. 0 ka huina o ka poe i hoo' pa'iia no ia mahina he 227. Ma ka mahina o Aper;la i hala ka hoomakaia ana e hoomahuahua loa ia aku ka makaala ana no ka poe haihai kanawai no ka holonui ame kekahi mau hana haihai kanawai e ae, ma ka manawa a ka Makai Nui Charles H. Kose i hookohu ae ai ia Bob Lilis i kapena no ka hopuhopu ana i ka poe hoolohe ole. Mai ka hoomakaia ana mai e haawiia ka makaala loa ana i ka poe haihai kanawai ua oi aku mamua o ka averike i ikeia mamua aku ka nui o ka poe i hopuia. Iloko o na mahina mua ekolu he 71 ka nui o ka poe hookuli i hopuia a he $497.55 i ohiia e ke aupuni no na lioopa'i ame na koina o ka aha. Mai ka la 1 mai o Aperila ahiki i ka la hope o ka mahina o lune he 631 ka nui o ka poe i hopuia a he $4§36.73 i ohiia mai ka poe haihai kanawai a i komo ae i ka pahuhao a ke aupuni kulanakauhale ame kalana. Ua ike hou ia jna ka hoike iloko o na mahina ehiku i hala aku la o keia makahiki o ka oi aku o ka lahui haihai kanawai o ia na Kepani, he 50 ka nui. oha Pukiki aku he 32 i hopuia, na Pake aku me na Hawaii 8, a no na lahui huikau e ae, komo pu na Amerika, Poko Kiko, Korea ame na lahui e ae 132.