Ka Nupepa Kuokoa, Volume LXI, Number 33, 17 August 1922 — HE 886 KA NUI O KA POE MA'I AKEPAU. [ARTICLE]

HE 886 KA NUI O KA POE MA'I AKEPAU.

Ho 886 ka nui o ka poe ma'i akepau i hoopaaia ae na inoa me ka pnpa ola, i nei manawa e kaa mai nei hoi malalo o kana hoomalu a lapaau ana. I ka makahiki i hala he 927 ka nui o na ma'i, i malama a i lapaauia e ka papa ola ma ka Home Leahi, a he 470 a oi aku poe i make. I kulike me ia a Mrs. M. C. Piegley o ka hoakaka ana ae, ka mea hoi malalo o kana hookele ana ka hana e pili ana i ka malama ana i ka poe ma'i malalo o ka papa ola,' ua hoonuiia aku ka hana a na kahuma'i i kela ame keia makahiki a he heluna nui no hoi o na ma'i akepau i hoikeia ae i ka papa ola. Ma kana hoike ua paono aku ka nui o ka poe i loaa i ka ma J i akeIpau maloko o ke Teritore mamua o |ka huina i hoikeia ae. | Elua ana mau kumu oka hoakaka ana ae no keia manao ona; ka mua, no ka maka'u o ikeia ae auanei ko lakou loaa ana i ka ma'i akepau, ua huna na Kepani i ko lakeu poe ma'i, o ka lua, no ko lakou maka'u 0 lioihoiia ae auanei i !:a Home Leahi. 0 ka heluna nui o ka< poe 1 loaa i ka ma'i akepau o ia na makua Kepani. No ka maka'u o na Kepani i ka ma'i akepau, i ka manawa Q loaa ai o kekahi ia ano ma'i ua hoomamao kona mau hoaloha mai iaia mai, a ma kekahi mau manawa ua kaiehuia ka mea i loaa i ka ma'i akepau e ka haku hale i maka'u ia ano ma'i. Ke hoao mai nei na kahuma'i 0 ka papa ola e a'o i ka poe i Ipohia 1 ka ma'i akepau ame ka poe e launa aku ana me lakou, ina e haawiia ana np. lapaau kupono loa ana i ka manawa kupono e hoomaka ae ana o ia ma'i, aole e lilo ana ia ma'i i mea maka'uia e ka lehulehu, e lilo ai i mea hoopilikia aku i ko lakou mau ola kino.