Ka Nupepa Kuokoa, Volume LXI, Number 33, 17 August 1922 — E HOOMAU MA KA HANA MAIKAI. [ARTICLE]

E HOOMAU MA KA HANA MAIKAI.

Ma ka hoike a ka Puuku A. Le\vis Jr., o ke Teritore, no ke kuw.na o na lahui ma Hawaii nei, ma na mea e pili ana i ka ln-ahu dala ana ma na banako kuloko; ua kauia ae kakou na ]i; \vaii/ma kekahi anuu kiekie loa, ka mea i ike ole ia pela, :.,;i na makahiki aku nei i hala. Ala keia ano iho la, ua maopopo loa ke ku ana mai o na īi;;\vaii imua, a hoikeike ia lakou iho, ua hala na la o ka hoo:ri:.unauna wale anfe ka uhauha, aka eia keia lahui ma ke alae loaa ai ia lakou he noho ulakolako ana, a he nohona kueleoa ana no lakou iho. M.i ka mea oiaio maoli, iloko o na makahiki lehulehu ae uei i hala, he kakaikahi loa na ohana Hawaii i loaa he mau home ponoi no lakōu e noho ai; o ka hapanui, ua noho ma na hale hoolimalima, āka iloko o keia mau makahiki pokole wale mai nei no, ua nui maoli na ohana Hawaii i loaa na home, a ke kukulu mau nei na hale ma na wahi like ole o keia kulanakauhale, a kakou e hewa ole ai ke olelo ae, aole i loihi loa na jr.akahiki e kakali aku ai, e ikeia aku ana keia lahūi, he lahui kuokoa, e noho ana no lakou iho, me ke kaa ole aku malalo ka. malu o na lahui malihini.

Ma ka helu waiwai, maloko o ka hoike a ka Puuku Lewis, no na auhau i ohiia e ke aupuni, mai na Hawiii aku, ua leleoi ae ka huina auhau, i ko na makahiki i hala, he hoike keia, no ka nui o na Hawaii, i loaa na aina ponoi no lakou, a i ku hoi na home kupono, e hauoli ai ka noho, ana o ka ohana* He hui nae na alahele, i hoea mai ai keia hopena na' Hawaii iloko o keia mau makahiki. Oke kaawale ana aku oka waiona, kekahi kumu, i emi mai ai ka uhauha ame ka hoomaunauna ona Hawaii, ika lakou mau dala. Oko lakou a'o maoli ana i ka homakaulii, ma ka hoahu ana i na dala maloko o na hanako, kekahi kumu oka hiki e loaa ke kuonoono; oke kokua ana mai no hoi kekahi o na hoaloha'haole ia lakou, ma ka haawi ana mai i na kokua pili dala; aka nae maluna ae o keia maū mea apau; na ka ike maoli iho no o kakou na Hawaii ika pilikia o ka noho hoopiliwale ana, ka noho nele me ka pilikia, me ka nana aku hoi i ke kulana ulakolako o ko kakou mau hoa lahui, na ia mau mea, i hapai ae ia kakou, mai kela ano kahiko mai, a i ko kakou ake ana aku e kaulike me na lahui e ae. Ua loaa aku ka noho kuokoa 'ana i kekahi poe uuku loa o ka lakou dala, ma ka hoao ana e hoahu, i kekahi hapa o ko lakou ukuhana, i kela ame keia pule, me ke kaohi ana i na makemake o ke kino i kekahi manawa, o ka hopena nae o ia hooikaika anat, he poe lakou i lanakila maluna o na hoolilo nunui o ka mahina, a lakou e uku mau ana i na hale hoolimalima. He nunui na ukuhana o kekahi poe o kakou e noho hana mai nei i keia manawa, aia no nae lakou maloko o na hale hoolimalima, pipii o ka uku hoolimalima, o ka mahina e noho mai nei, me ka loaa ole o ko lakou mau home ponoi. Heaha mai ke kumu o ko lakou noho kuokoa ole ana? Mamuli no ia o ka hoao ole e hoomakaulii; ka hoao ole e kaohi mai iā lakou, mai na hana vjhauha mai o keia noho ana. Ina i hiki i ka poe liilii o ko lakou mau ukuhana, ke hoomanawanui, ahiki i ka loaa ana o ko lakou mau home ponoi; nokeaha iho la ke kumu e hiki ole ai e loaa na home, i ka poe nunui g.-ko lakou mau ukuhana? He hookahi no pane maopopo loa ua kaawale na hana uhauha mai ka poe liilii aku o ko lakou ukuhana, a ua pipili mau hoi ia ano, i ka poe nunui o ko lakou ukuhana; aka ina e hookaawale mai ana kela poe nunui o ko lakou uku, ia lakou iho, mai na hana uhauha mai; aole he loihi mai keia manawa aku, o lakou pu kekahi e komo like iloko o na hauoli ana, no ka nohona kuokoa, a ko lakou mau hoa kanaka, e hauoli nei*i keia la. He mea na kakou na na kanaka Hawaii e haaheo ai, ma ka ike ana i ka hoike a ka puuku o ke Teritore, no ko kakou kulana oiaio, e pili ana i ka hana hoahu dala, ame ka noho ona ana maluna o na waiwaipaa; o ke a'o ikaika a keia pepa, e hoomau aku ia mau hana maikai, mai ike i ka loaa ana o na home, ame ka noho kuokoa ana, a pau kela ano hoomakaulii, aka ma ke ku mau ana aku auanei ma ia kulana, e loaa mai ai ' na pomaikai oi ae, na haawina i hiki ole ke loaa, i ka poe e pale ! ae ana i keia mau a'o ana a ke Kuokoa.