Ka Nupepa Kuokoa, Volume LXI, Number 33, 17 August 1922 — E HANAIA KEKAHI KANAWAI IKAIKA LOA. [ARTICLE]

E HANAIA KEKAHI KANAWAI IKAIKA LOA.

Ua ku maoli no i ka hoonaukiuki, me ka inaina pu, na hana limanui a hoopomo i na kaikamahine ame na wahine opio, i lawelaweia hialoko nei o keia kulanakauhale, a ma kekahi mau wahi o na mokupuni mawaho aku o Oahu; no ia kumu, ke manao nei ke Kuokoa, o kekahi o na hooponopono ahaolelo, e pono ai e noonooia ma keia kau ae o ko kakou ahaolelo kuloko, 0 ia no ka hana ana i kekahi kanawai ikaika loa, no ka poe o kela ano, e hopuia ana, a e ahewaia ana imua o ko kakou hiau aha hookolokolo. I ku ka hoonana me ka maka'u ole o kela poe kolohe, ma ka lakou mau hana hoopilikia, i ka lahilahi o ke kanawai, i hanaia no ka hewa o kela ano; ina e ku mai ana he kanawai ikaika, ao|e ana e nele ke kau o ka weli ia lakou; a he mea no hoi ia e. wiwo ai, a ha'o, ka lawelaweia o kē karaima o kela ano. Ma kekahi mau wahi ma Amerika, ua kauia na kanawai ikaika loa, no na hewa o keia ano elike me ke kupono e ikeia ana, ma ke oki ana i kekahi wahi o ke kino, o ka mea i pili ka hewa iaia ; o na kanawai o keia ano, na kanawai e pono ai e laweia mai no Hawaii nei; no ka mea ke manaoio nei keia pepa, e hookauia aku ana ka weli, maluna o ka poe limanui a hoopoino 1 °a kaikamahine opio; a mawaho ae olaila, e hookau pu ia aku ana ka hilahila maluna o lakou, no ko lakou hoohalikeia aku me na holoholona, ka mea i hana ole ia pela mamua ma Hawaii nei. A°he hooponopono hou ana aku i koe, ua oi loa aku mamua, 0 ka mea hiki' ia kakou ke hoomanawanui, no na hana hoopoino! 1 'awelaweia maluna o ko kakou mau opio wahine. O ka maluhia o na home, o ka lanakila o ka hele ana ma na alanui, a ma na wahi mehameha, aia no ia ma ke ano o ke kanawai e kauia ana, no ka hewa limanui, a hoohaumia; pela hoi ke ano o ka hooko ana aku i ke kanawai. Aole he mea i ne^e iwaena ō kakou, ika makee ame ka hiipoi, e ike aku ika nohoalii mai o ka maluhia, me ka palekana o ko kakou mau kaikamahine, ame na wahine opio; i wahi nae e hookoia ai ia nni o kakou, e hoouna aku i na kanaka, i hiki ke hana i na kanawai kaulike, no ka ahaolelo, na kanaka hoi, e mihi ole ai kakou, no ka hanohano ame ka hilinai, i hookauia aku maluna o lakou- * He hookahi mea ano nui, i nele ka hoolakoia ana ma Honolulu nei, o ia no na kauhale pili, o kela au kahiko o Hawaii nei, ame na hana apau i pHi aku i ka noho ana o na kanaka o ia au. O na malihini i kipa mau mai i keia kulanakauhale, e ninau mau ana lakou, no kahi e ikeia ai na mea o ke au kahiko © ka . nol J°. ana . ° keia lahui oka mea apiki nae, aohe wahi e hiki ai ke hoikeike aku ia lakou; a no ia nele,' i huli hoi aku ai kela mau malihini, me na manaolana poho. Aole keia he hana nui, ina e hapai ae ana ko kakou poe kuonoono; a ? o1 *' °ko «akou ahaolelo paha, e hookaawale i kekahi haawma dala, no ka hoolako ana aku i mau hale pili Hawaii me ho °lako ana, ina mea Hawaii apau, e makepono ai ke 'kipa ana mai o na malihini makaikai, no ka Paredaiso o ka Pakioika