Ka Nupepa Kuokoa, Volume LXI, Number 33, 17 August 1922 — Nuhou Kuloko [ARTICLE]

Nuhou Kuloko

O William C. Vannatta o Paauilo, Hawaii Hikina, ka i hookomo mai nei i kana palapala noi holo moho, no ke 'kulana senatoa, ma ka Poalua iho nei. Eia ke nee mau nei na hana hoomaemae i na aina o Kalamaula imua me ke kokoke loa mai i ka manawa e hoi aku ai ka poe i waeia, a noho maluna o na apana, i mahēleheleia no lakou. E malamaia ana he papa ahaaina kuikawa a ka Haku ma ka Ekaleaia o Kalihi ame Moanalua ma keia Sabati e hoea mai ana; no ka pono no ia o na hoahanau o ka Ekalesia o WaiaYiae, e noho nei ma keia kulanakauhale o Honoullu nei. Ma nehinei iho la i weheia ae ai ke alanui holopuni, no ka holo ana 0 na kaa "apuni o Oahu nei, no ekolu a eha wale no nae la e weheia ai, alaila papa hou ia, no ka ninini ana aku i ka puna kameki, ma kahi e hanaia mai nei o kela alanui. Oiai kekahi keiki Kepani uuku o elima makahiki e paani ana mawahd o ka lapai o kekahi hale hoolimalima, ma ke alanui Beritania, m ake ahiahi o ka Poakahi aku nei 1 hala, i haule ai oia mailuna aku o ka lanai, a naha ke poo, me ka haki ana o kona u-ha hema. No ko ki ana i kekahi Kepani me ka pu panapana, a make ma ke kakahiaka o ke Sabati aku nei i hala, ma Kapahulu, i kauia ao ai ke kumu hoopii no Y. Kino, ma ke degere ekahi o ka hewa pepehikanaka, ma ke kakahiaka o ka Poa* kahi nei. Ma ka Poalua iho nei i hookomo mai ai o Thomas Pedro Jr o Hilo i kona palapala noi holo moho lunamakaainana mai Hawaii Hikina mai, ma ka aoao Repubalika. He Dcmokarata oia mamua, ua haalele aku la nae i kela aoao, & komo mai la i ka aoao Kcpubalika.

O na moho no ke kulana senatoa ma ka aoao Repubalika i maopopo i keia manawa oia o Charles F. Chillingworth, S. P. Correa, Robert W. Shinglo ame J. F. Wōolley, no ka Miokupuni Oahu nei, a koe aku na moho e holo mai ana ma ka aoao Depiokarata. He uuku loa ka poe i hookomo ae i ka lakou mau palapala noi holo moho ilpko o ka ahaolelo i keia manawa, me he mea la, aia a kokoke aku i ka manawa e paa ai ka puka, no ka waiho ana i na noi holo moho, ia wa e ikeia aku ai ka o ka waihoia ae o na palapala noi. Ma ka mokuahi Matsonia o ke ku ana mai no Honolulu nei, ma ka Poalua aku la i hala, i hoea mai ai ke kumupoo hou no ke kula o Punahou, ame kona ohana, nona ka inoa o Arthur Arnold Hauek. O keia kekahi o na kumnpoo a peresidena no kekahi kula kiekie />piopio loa, oiai he iwakalua-kumamaiwa wale no ona makahiki. Ma ka Maunakea o ka Poalua iho nei i hoea mai ai ka Hon. Nonnan K. Lyman, kekahi o na moho elele lahui, ma ka aoao Eepnhalika, no keia kulanakauhale, a ma ia la no i hoea kino aku ai oia imua o ke kiaaina, a koi aku la e waihoia mai iaia, he hoike no na dala a ke Komisina o na Home Hawaii i hoolilo ai, ma na hana a ke komisina. Ma na mea i hoomaopopoia iloko o keia mau la, ua hoouna mai nei o Jack Milton, ka lunahoomalu o ke komite kuwaena Demokarata, a lunanui hoi o na i.ana hakoko kalaiaina, ma ke kau koho baloka kuikawa i hala aku nei, i kona palapala waiho kulana, mamuli o kona hiki 010 ke lawelawe i na hana no ka pono o ka aoao, oiai oia i kaawale aku ai ma Amcrika.