Ka Nupepa Kuokoa, Volume LXI, Number 33, 17 August 1922 — Nuhou Kuwaho [ARTICLE]

Nuhou Kuwaho

KNOXVILLE, Tenn., Aug. 13,— He umi-kumamalua mau kanaka oli lanahu i hoikeia mai ■ ianei ua paa loa malalo o ka honua i ka manawa i hiolo ai ka pali o na lua lanahu a ka hui Eli Lanahu o ka Black Mountain mawaena o St. Charles ame Pennington, Va. i CRESTLINE, Ohio, Aug. 12.—Me he mea la no ka manawa mua loa iloko o ka moolelo o keia mokuaina i hookohuia aku ai na kanaka olohani i mau makai kuikawa. Ua hookohuia aku e ka Meia Milton C. Beed he umi mau kanaka hana olohani oloko o na halehana kaaahi i mau hoa no ka puali makai o Crestline nei, e hana ana me ka uku ole, aka nae ua hoohikiia lakou e malama a e hoopakele i na waitvai. CLEVELAND, Ohio, Aug. 13.—0 Louis Newark, N. J., ame James Ray, he mikanika, na kanaka i make i keia la i ka manawa o ka mokulele a laua e kau ana i haule iho ai iloko o ka nahelehele ma kahi kokoke i Medina, Ohio. DUBLIN, Aug. 13.—Ma na lono i loaa mai Cork ianei, kahi o na ki pu ko'iko'i loa i hoikeia mai ai ma ka la aku la i nehinei, mahope o ka lilo ana o ke kulanakauhale i na koa o ka Free States, ua loaa hou ka maluhia mālaila elike me mamua. PORTLAND, Me., Aug. 13.—Na ke ahi o keia la iho la -i luku he umi-kumamalima mau kaa otomobile n aliui kaaahi o na laina Maine Central amo ka Boston & Maine ame ka hale poepoe. Ma kahi o ka miliona dala ke poho i kohoia.

SAN FRANCISCO, Aug. 13,—Ua hoolahaia ae e ka hui mokuahi laweleka o ka Pakipika i keia la o Manila ana ka pahuhopu o na laina mokuahi "502," aole hoi ma Hongkong, elike me mamua. E mana ana keia hoolaha ma ka la 2 o Okatoba ina ka manawa e holo aku ai ka PeteBidena Pierce no Manila. SAN ANTONIO, Tcxas, Aug. 14. —Ma ka la 1 o Sepatemaba e hiki mai ana e hoap hou ana ka Lukanela Doolittlo c lele maluna ae o ka ainapuniole o Amenka no hookahi manawa i koe, me ka hoomaha ana hookahi manawa maluna o ka mokulele mua ana o ka lele ana a i nahaha ai i ka manawa i hooku'i ai mo ke one aeae ma Pablo Beach, Florida, ma ka mahina i hala. WASHINGTON, ' Aug. 14.—Ua hoounaia aku e ke kakauolelo o ke aupuni Charles Evans Hughes he lono kelekalapa i ka elele aupuni Amerika ma Ladana, e hoakaka aku ana ma ka aoao o ka Peresidena ame Mrs. Harding i ko laua aloha no ka Lcdc Northcliffo ifcko o kona mau la o ke kanikau ana no kana kane i haalele mai la iaia.