Ka Nupepa Kuokoa, Volume LXI, Number 33, 17 August 1922 — HOOKU'I HE KAA KALAKA ME KE KAA UWILA [ARTICLE]

HOOKU'I HE KAA KALAKA ME KE KAA UWILA

Hō elima poe i eha ,ekolu o ia poe i laweia mai a lapaauia ma k| liale* ma'i o na poino ulia a elua i manaoia He lahilahi mai ko laua eha a ua hoi aku i ko laua mau hale, a i 010 ua laweia aku paha e kekahi poe mamua o ka hoea ana aku o na makai e ninaninau i ke kumu o ka hooku'i ana, a no laua na inoa i maopopo ole, ma ka manawa o ka hooku'i ana o kekahi kaa kalaka me ke kaa uwila mawaho iho o ka pukapa o ka Paka Kapiolani ma ka auwina la o ka Poakahi. nei. O ke i kaa uwila ka i nui na wahi i na-1 haha, o na pou o ke kaa uwila e kuku ana ma ka aoao hema, a pela hoi me na noho ka.i haalele i k« pili, a i kulike me ka ka Lunanui H. S. JohnBon p ka hui kaa uwila 0 ka hoike ana ,ae aia ma kahi o $200 ke poho no keia ulia iho la. O ka poe i kukonukonu loa ka eha he Norewai o A. Ramberg ka inoa, nona na makahiki he 27, a ma ka-Hokele Occidental kona wahi noho; o kona wahi i eha aia ma kona maka hema, malalo iho o ka lihilihi maka hema hookahi iniha kahi i moku. Aia oia maloko o ka Halema'i Moiwahine mahope o ko--Ina lapaau mua ia ana maloko o ka hr lema 'i o na poino ulia. Aole i manaoia e na kauka ,clike me ka hoike o ka loaa ana ac, e lilo ana ia eha i mea hoopoino kona ola. O ka lua o na kanaka i eha he Pilipino nona ka inoa o Areuio, nona na makahiki he 22, a ma ka hale hoolimalima o Yee Wo kona wahi noho; ma kekahi wahi o ka lima hema kona wahi i eha. Ke kolu, he Pukiki, nona ka inoa 0 Abel Moniz, a nona na makahiki he 21, a ma ke alanui Alapai konn wahi noho; ma ke kuli kona wahi 1 eha. Elua mau kanaka e ae i eha pu ma kela hooku'i ana o na kaa, a ma ka oleloia he liilii loa ko laua eha, a ua haalele mua laua i ka wa i hooku'i ai na kaa mamua o ka ninaninau ana a na kanaka o ka hui uwila ame ka makai.

Ho ulia keia i maa mau ole ka ikoia. Ma kela auwina la e ho!6 aku ana ke kaa uwila helu 47 ma ke alanui Kafokaua no ka palena o ka laina kaa uwila malalo mai o Laeahi, o Jack Bell ke kiakaa a o Thomas Young ka mea ohi dala. Ua holo aku ke kaa kalaka o kalaiwaia ana e Fernandez ahiki i ke alanui e holo ana no kahi fibikeike o na holoholona, a i kona iko ana i ka haule an aaku o kekahi apana papa iluna o ke alanui hao o ko kaa uwila, ua lelo iho la oia ilalo me ka paa pono ole o kona kaa i ka hoopaaia o ke peleki, a iaia i hoi mai ai ike mai i ka peki mau aku o kona kaa kalaka a o hooko koke loa aku ana i ke alanui; kaa uwila; mamua nae o kona kau ana iluna o ke kaa no ka hōopaa ana i ke peleki ua hoea pololei aku la ohope o ke ka« kalaka i kahi o kc alaiiui hao kaa uwila, o ia 210 ka manawa 0 ke kaa uwila i holo mai ai a hooku'i me hope o ke kaa kalaka a nahaha na pou ku o ka aoao hema 0 ke kaa uwila mamuli 0 ka hooku'i ana mai me na pakeke kameki e lewalewa ana mahope o ke kaa kalaka. O na noho ma ka aoao hema 0 ke kaa uwila ua nahaha, a i ke kaawale ana aku o ke kaa uwila ma kahi matflao iki mai kahi aku i hooku'i ai, haule iho la kekahi o na pakeke kameki iluna o ka lepo. O ke kiakaa uwila Jack Bell ame ke kanaka ohi dala Thomas 0 laua kekahi mau kanaka kahiko loa i hana me ka hui kaa uwila, no na makahiki he 21 ko laua hana ana me ia hui, elike me ka hoakaka a ka LunaliooJiana Johnson 0 ka hoike ana ae ma ka Poakahi nei, a o keia iho la no hoi ka mua loa 0 ka ulia i halawai me laua ,elike me ka mea i hoomaopopoia.