Ka Nupepa Kuokoa, Volume LXI, Number 33, 17 August 1922 — IKEIA KEKAHI AWAKUMOKU MAIKAI MA MOLOKAI. [ARTICLE]

IKEIA KEKAHI AWAKUMOKU MAIKAI MA MOLOKAI.

Mahope iho 0 ka hoohala ana i kekahi mau la ma ka mokupuni 0 Molokai, no ka nana ana i,kekahi awakumoku kupono, i huli hoi mai ai 0 Mr. Lyman H. Bigelow no Honolulu nei, mo ka hoakaka ana ae i kona ike ana, i kekahi wah} maikai loa, i awakumoku hou no Molokai, ma, ka aoao ma Honolulu npi 0 Pukoo. He mau. wahi lehulehu kana 0 ka hele makaikai ana, aka nae, ua koho oia i kela ma Pukoo, mamuli 0 na hooia mai a na kapena moku ame kekahi mau kamaaina, o kela kahi kupono loa, no. na mokuahi e hoolulu ai, a e hanaia ai ka uwapo, no ka pili ana aku o na mokuahi. O ka pilikia nui wale no ana i ike ai no kela wahi, 0 ia no ke alaiia ana ae 0 kahi e komo aku ai 0 na mokuahi, e kekahi puko'a, aka ina e hoopa-liuia ana kela puko'a, a eliia hoi kela wahi, alaila e loaa ana kekahi awakumoku nani loa no Molokai. Ile kanalima kaukani dala, i hookaawaleia no kekahi awakumoku, me ona' uwapo no Molokai, wahi nae a Mr. Bigelow, aole i lawa kela mau dala, no na hana i manaoia. No ka eli ana i ke awa, e pau ana kekahi mahelo nui o kela mau kaukani dala, nolaila aole e hiki ana e kukuluia aku i uwapo, mamuli 0 ka nele i ka haawina e hookoia ai ka makemake, i uwapo pu kekahi e hanaia, ma kela wahi. Ua hoea pu 0 Mr. Bigelow no ke Kaikuono o Pauwala, a ma kana nana ana i kela wahipma ke ano i awakumoku he wahi kokoke loa keia i kahi kanu halakahiki, eia nae, hfe huli kela wahi i ka makani;

aka he wahi nae e maalahi -ai ka hoouna ana mai i ka halakahiki no Honolulu nei.