Ka Nupepa Kuokoa, Volume LXI, Number 33, 17 August 1922 — Kulike Ole na Manao no ka Wa e Pau Ai o na Noi Paa ka manao o R. C. Brown ma ka la 6 o Sepatemaba e Pau ai na Noi Holo Moho. OKOA NAE KA MANAO O KEKAHI POE MAANEI Manao Lakou o ka la 7 o Sepatemaba ka la Pololei e Pau ai na Noi Holo Moho. [ARTICLE]

Kulike Ole na Manao no ka Wa e Pau Ai o na Noi

Paa ka manao o R. C. Brown ma ka la 6 o Sepatemaba e Pau ai na Noi Holo Moho.

OKOA NAE KA MANAO O KEKAHI POE MAANEI

Manao Lakou o ka la 7 o Sepatemaba ka la Pololei e Pau ai na Noi Holo Moho.

Ua lilo ka ninau, no ka la hope loa e hookomo ai i na palapala noi holo moho no ke kulana elele lahui, i Wakinekona, ame na hoa o ka ahaolelo kuloko, i ninau huikau iloko o keia mau la, me ka maopopo ole 0 ka la oiaio loa, e pau ai ka waiho ana i na palapala noi holo moho. Ma ka manaoio o ke Kakauolelo Raymond C. Brown, ma ka po o ka !a 6 o ka ae nei o*Sepatemaba, ka la hope loa e waiho ae ai 1 na palapala noi holo moho, aka ma ka manao nae o kekahi poe, ma !ca po o ka la 7 mai ka manawa pololei loa, nolaila, ua ano huikau maoli keia mau la a elua. Eia nae ka mea e hoomalamalama mai ana i ka lehulehu maluna o keia ninau pohihi: Ma ka Pauku 33 o na Kanawai fiooponopono Hou ia o Hawaii, a ma ka aoao 102, ma kahi e pili ana i ka waiho ana ae i na palapala noi holo moho, penei na hoakaka ana: "No ka elele i ka ahaolelo lahui :ime na hoa o ka ahaolelo, me ke 'eakauolelo o Hawaii, he kanakolu a ka haahaa mamua ae o ka la e aalamaia ai ke* koho baloka wae moho." ' E malamaia ana ke koho baloka wae moho i keia makahiki, ma ka a 7 o ka mahina o Okatobaj noaila ma ka helu hoihope ana, e hoo* maka ana mai ka 6 mai o Okatoba ihiki i ka piha ana o na la he 30, ) ikeia auanei, t ka la 7 o Sepatenaba ka la hope loa e waiho ae ai i aa palapala noi holo moho; no ka nea o ka piha ana ia o na la ho :anakolu, mamua ae o ka la koho oaloka wae moho.