Ka Nupepa Kuokoa, Volume LXI, Number 34, 24 August 1922 — Page 3
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
MOANALUA I KELA AU A O MOANALUA I KEIA AU
(Kakaui e J. .K Mokumaia)
(Hoomauia mai)
Ma ka nana aku'i ka nee ana mai o ka manawa'ahiki i kela manawa o kou meakakau nei, he nui na loli ana o ke kulana o ka aina, oiai, ke hoomanao nei au i ka uni pu ia ana o na lokoi'a e ke kaihoee nui, o ia no hoi ke kai i uhi pu ia ai kekahi mau wahi o Hawaii, a kela pele nui i hu ai ia manawa.
Nolaila mai kela kaihoee i hiki mai ai a uhi pu ia ai na lokoi'a, oiai o kekahi o ko'u makuakane ka mea nana e malama ana ka lokoi'a, o Mapunapuna, oiai kela kai e hoomaka mai ana e pii i ka auwina la ia. he pii mai ia la a uhi pu ia na kuapa. a i ka hoi ana e hoonee ana ua pohaku ame ka puka pu hoi o ka i'a. i ka pii hou ana mai, oiai au ame ia e ku ana i ka hapalua like o ka loko, maiuna o ke kuapa i ka @@aa hou ana mai i ke kai, o ia hele @o ia la ahiki i ka opu ke kai maikahi a'u e ku ana, a hoi no hoi ke kai peia iho la e hana mau ai.
Ina paha he kokoke keia mau loko i na kooka, manao au aohe mea koe, @ i ke ao ana ae e ike ana eo, i ke kolili o ka i'a mawaho o kuapa, o ia no hoi ka i'aloko ame ka hanee @@ hoi o kekahi aoao o ke kuapa.
I ka hooponopono hou ia ana o na hemahema i ala mai ai ka manao o ka kahu aina e hooponopono hou ia ka lokoi'a, o ia hoi o Kaihikapu.
O keia lokoi'a, aia no ia mauka @ kahi mokupuni o Mokumoa, ma ka aoao ma Ewa, kekahi keia o na loko kupanaha nui wale, ua hanaia n@, aka o ke ano o ka i'a he ku i ka hoomaka'uka'u, o ia hoi o ka amaama, he ano kuapuu, wiwi kahi hiu ohope, o ka awaaua aohe hi'u o kekahi, a pela no hoi me ka awa; o ka puhi kekahi mea nui, a o ka mano kihikihi kekahi mea nui, i ka hana ia ana o ka pa pohaku, o ia hoi he kuapa ame ka makaha, ame ka nono, kahi hoi e hoomaha ai ka @'a. a i ole e mikokoi ai i ke kai, i ka wa e pii mai ai.
I ka nahaia ana o kaia loko, he nui maoli ka hana, oiai o ko'u luaui makuakane ka mea nana i hoolala i na mea apau ame S. Kipi, eia no oia ke ola nei ame Mr. Kahoohuli, @'a kekahi mea makaukau loa ma @ hana ame Mr. J. Kealoha e noho @ i i Pua Lane, a o kana keiki hoi @ hana nei ma ke ano he mea nana @ @@ maikai o ka malamaia ana o ka @@@ waiu o keia mau keonimana @@ ko'u makua ame kekahi mau @@@, o lakou ka poe i hooholo mua @@@@ loko ahiki i kona paa ana, @@ ka maikai, e hiki ai ke hoopiha @ ka i'a.
Eia kekahi o na hana akamai a ko'u noonoo i ike aku ai, i ka ha@@@ mai, o ia hoi ka hana ana i ka @ kaha me ka maikai, ame ka hoomakonoho ana i na pou ohia, me ka maikai. o ia hoi e loaa kahi o komo mai ai o ke kai ame ka hoi ana aku @@@ ua kaulana keia ano, o ia hoi ka make o ka i'a ame na mea i hoike @@@ ia ae nei, ame kekahi lua hokona iwaenakonu o keia loko.
Aia hoi ma kahi e pili ana i ke kakai pali, aneaue kanakolu kapuni mai ka lihi pali mai; aia hoi he pohaku palahalaha, e kokoke ana i keia lua, ke nana aku oe, he uliuii ia wahi i kekahi manawa o ka la wela, a maikai no hoi, maloo ke kai. @ ikeia ana kekahi puhi ulaula, @@ wili no hoi ia la a poepoe.
He nui kona kino, he ula no hoi kohu laumilo ke ano, oiai e hanaia ana u aloko nei, ua lohe wale aku n@ au i ka olelo o ko'u makuakane @@@ Kahoohuli, e pili ana i keia puhi, o ia hoi he kiai ia no ia loko, @ @ mea e hooiaioia ai o ka'u mea @ lohe ai, o ia ka hana o laua i ke@@@@ mea a'u i ike ole aku ai, aka @@@@ mea o ke kuahiwi, o ia ka i @@@@@@ mai a ku i kahi o ua loko @@@, a i ka manawa i hanaia ni ka @akaha a maikai, heaha ka mea i @@ia i ka manawa e pii mai ai o he. @@ maloko o ke kuapa, o ua loko @@, nana aku oe i ka i'a mai ka @@@@ma a ka mano ame ka puhi, o @@@oi ke kupanaha o ka i'a i ka @@@muu ame ke kuapuu, aka aia @@@ laue o makaala aua ma kahi o @@@ makaha e pili ana i ke kae pali, @@ mamua o keia makaha he uliuli @@ @ana aku, i ka po laua e hana ai i ka laua hana, a i ke ao, e nana @@@ ana laua i ke ano o ke komo mai.
He nui maoli ka ike ke nana aku, u ke ano o ia nana ana, a ke kana@@ mawaho, o ia kona kilo ana i ka i'a i ke komo mai, oiai ke kai e @@lolio ana me ka ikaika, aia ka i'a ke komo la, oiai o ka loihi o keia kai e kololio ana, aia paha ma kahi o kanaha kapuai.
Nolaila he ikaika kela e huki ana i ka i'a e komo iloko, a i ka puehu @@ o ka i'a, aia kekahi kupua na@@ e hoohaunaele ana i ka i'a, o ia @@i o ka i'a maa i ka uhai ana i ke hai, e kahe malie ana o ia no ka @@aama, a i ka puoho ana o ka haua, a ke kanaka e hiai ana mawaho, o ia ka hoonou ana aku i ka pohaku, o ia hoi e hookuke ana iaia, aole e komo iloko o ka loko, oia mau ia, o ia ka awaaua, pauu, kaku, ame ka mano kihikihi.
Nolaila e makaala loa ana ia kanaka, a pela no hoi ke kanaka maloko e makaala ana oia i ka hookokoke mai o ka i'a i ka makaha, oiai o ka loihi i kekahi manawa, hookahi nora a oi, alaila pau ke komo ana mai, ma keia hana hoopiha ana i ua loko nei, ua nui ka i'a, pela mau ka hana ana, aia hoi laua ke hana mau la i na mea e pono ai ka loko.
(Aole i pau.)
NUI IO NO KA NAAUAO.
Mr. Solonion Hanohano, Aloha oe a nui:-Oka manao e kau ae la maluna, h @ mau manao keia i hoiliiliia, mailoko mai o na mea i haioleloia e ka moho Elele a ka Ahahui ka Hale o na Alii, i kakoo ai oia hoi ka mea Hanohano ka Norman K. Lyman o Hilo, o keia ka moho tuitui hanau pele peepee akua a ke alakai o ka Ahahui ka Hale o na Alii i pakaukau hele aku ai ma na huli Koolau o kakou nei.
I ka manawa i hoolaunaia mai ai ka moho Elele Norman K. Lyman e ka lunahoomalu o ka halawai, ma Aala Paka, oia hoi o Georage Wright, o ka mea mua loa i ikeia aku ai, i ka hele ana ae e ike, a e lululima me ua moho elele nei a lakou ma he kanaka makapaa lima muumuu, a koi aku la e lululima laua.
Ua nana mai la ua moho nei ma ke ano kuha'u a no ka hiki ole ke alo ae ua haawi mai ia oia i kona lima, no ke aloha ana.
I ko'u ike ana i keia mau mea i hoikeia ae la maluna, i ke ku ana a hele ae mamua o ka hale, puhiohe o Aala Paka, ko'u pane aku la no ia i ka poe e noho pu ana me a'u aole oia nei e puka ana, oia hoi o Norman K. Lyman, pane mai no hoi o D. P. Keawehaku, pela io no o ka hiki mua la hoi keia o kona mea nana e ike mua, a puka ae ia no hoi na olelo maa mau o na huakai ano nui apau i manaoia e pono ana, a hui me keia ano poe, e pakalaki ana; pau ia.
I ka haiolelo ana mai o ka moho elele, ua nui no na mea i oleloia, a o kekahi o ia mau olelo, o ia ka'u i manao ai na kakou aku e loaa ai kana; i ko'u nana ana nae ma na mea i oleloia mai e ka moho elele ike aku la au o kana olelo ponoi no ka mea nana e pepehi ana iaia oiai ua elieli iho oia i lua ponoi nona iho no penei:
He nui na manawa a'u i noho ai iloko o ko kakou hale kaukanawai, a he nui ka'u mau kanawai maikai i hokomo aku ai iloko olaila, mai ka makahiki 1913 mai, 1915 mai, 1917 ahiki i ke kau i hala aku la, ua pau wale no nae i ka pepehiia e na hoa o ka hale kaukanawai, a o ke kumu mai no, aole i kike ka naauao a in a i kke ka naauao, aole lakou e ku-e i na kanawai maikai.
Ma keia mau manao o ka mea hanohano, ka mea e manao nei e holo no kona waeia ae, i moho, i ke koho mua e hiki mai ana, ia wa hookahi, ke kapa aku nei oia i na lunamakaainana i puka a noho pu me ia iloko o ka hale kaukanawai, o ia mau makahiki i ka hupo, o ia ke kumu i huli mai ai a ku-e i na kanawai ana i hookomo aku ai i ka ahaolelo ia mau kau, a in a i like ka naauao me kona in a aole lakou e ku-e i ua mau kanawai la.
Ua hoike mai oia i kona hele ana e huli i ka naauao, a ua loaa iaia, a ua hoi mai oia me ia naauao, a ua makaukau oia me ka naauao no ka hele ana aku i ka ahaolelo o Amerika Huipuia, no ka hana ana i ka pono, o oukou o ka poe ilihune, ua piha ku naau me ke aloha no oukou, a he nui wale aku na mea i olelo ia, ke manao nei no hoi au he mau manao maikai io no paha ia, eia nae o loaa paha ia N. K. Lyman ia mea he ae, a me ka hoole, a aole paha, aole au i maopopo aku
Ke kukulu aku nei au imua o ke akea i ke kii o na mea i hana mua ia nona ka loaa aohe kanaka i hiki aku ilaila, a ike nona iho nona hoi ke kiekie aohe kanaka i pii aku a ike i kona welau o kona hohonu hoi, aohe kanaka hiki ke luu ilalo, oiai he ihu pohue wale no a o kona laula hoi, e holo wale ke kanaka a palaha a mene ka ihu, aole e maopopo kona palena a o ia kii la, o ia ka'u i manao ai e kukulu aku imua o ke akea.
I ko J. Kuhio Kalanianaole kukulu ana iaia iho noloko o ke kahua kalaiaina, maluna o ka ninau elele, aole oia i hookahua iaia iho maluna o ke kahua o ka naauao, aka ua hoike mai oia i kona manao imua o ka lehulehu e kakoo aku iaia a e hele oia e hana i ka mea e hiki ana iaia ke hana, a o kona kahua i ku ai, o ia hoi ke kahua o ke aloha aina oiaio.
Ina oukou e koho a puka au (J. K. K. ) i elele e hele no au a hana i ko oukou makemake, a o ka oukou mea e hana ae ai maanei a pono haawi ae ia'u o ka'u ia e hana mai ai, aole loa au i manao e hoolauwili maluna o ka hana a oukou e haawi mai ai aole loa au i manao e hoolauwili maluna o ka hana a oukou e haawi mai ai ia'u.
Aole loa on a manawa i ku mai ai imua o ke akea, a olelo mai he kanaka naauao oia, ua huli aku oia ia mea he naauao a ua loaa iaia, aole loa, aka nae ua hele aku oia i Wakinekona, me ka hoomaopopo i ke ano o ia mea he pono, a he hewa i ka ae hoi ame ka hoole aole loa oia i kaena mai he naauao oia.
Malia paha, ua naauao io no o N. K. Lyman, ka moho elele a ka Ahahui ka Hale o na Alii i apono ai, a pau pu me Kuelo, kekahi moho lunamakaainana, o ka apana 5, e holo ana, i keia kau me ka noonoo ole ae i na baloka o na hoaloha o J. H. Wise i manao a e kokua aku iaia; eia nae huki e ia aku la ke kaula a moku hemo ka pili hooko-o ialoko, a e maopopo iho ana paha auanei iaia, ka like ole ka haawina i loaa ia Kaiwi ame Lazaro, pau ia.
Ina ua loaa io ia N. K. Lyman, ka naauao, he mea e ka pomaikai i ka nana ana iloko o ka buke o na buke, ua loaa ia Solomona keiki a Davida ka naauao mai ke Akua ponoi mai mamuli o ke noi ana ia mahele nui, ka naauao, kaulana ma ia mea he naauao, paa na olelo noeau a Solomona, hana i ka hana me ka holopono ahiki i ka paa ana o ka luakini o ke Akua, a paa a hoolaa me ka nui o ka mana o ke Akua.
Eia nae me ia nui no o ka naauao o Solomona mai ke Akua mai hoopehu ia i kela maauao a hala na makahiki he umi a oi, a i ke pahu ana akahi no oia a ike, ua pakeu io ka kona naauao.
Heaha mai ke kumu, ua nele hoi ia mamala olelo he No, he hoole, a i ole ae paha, ua nele maoli no o Solomona.
I ka Iesu hana ana hoi i kana hana, ohi mai la oia i ka poe naaupo'i mea mai la oia i ka poe naaunaauao, a in a o ia ka oiaio maoli alaila o ka kakou hoi e wae aku ai i keia hana ana i elele na kakou i elele ike ole. Elike me wai@ Elike me John H. Wise, ka nunu maka onaona o ka aoao Repubalika. Sure kela! pau kela.
Auwe no ka hoi e! Heaha mai nei hoi keia o kakou@ Hai a! No pale gudi kalai kela aina pehea waiwai, makou kela alii, kela hale no lika kakoo kela John, kela Wise no like kalai kela aina makou mao hele pau kela Pele makou makai hele hele pau kela Mano, ia makou hele hele pau kela Mano, ia makou hele kela auau ia pi mai kela Moo kaukau makou, no more hanahana kela aina kalai no like.
O ka pilikia wale no o keia hana o ka holo a haule lalau i ka pahi eia nae ka Iesu olelo ia Petero i ka wa i oki ai i ka pepeiao o ke kanaka koa o Roma i kii mai ai e hopu ia Iesu huli aku o Iesu a pane ia Petero:
E hookomo i kau pahi i kona wahi lalau iho la o Iesu i ka pepeiao o ke kanaka hoopili aku la a pili a huli ae la a pane ia Petero; o ka mea e paa i ka pahi e ao o moku oia i ka pahi.
Me keia mau wahi manao liiiii, ke hooki nei au me ka mahalo a nui i na keiki o ka papapa'i ame ka Lunahooponopono ko'u anoai.
C. K. KEALOHA,
O KINNEY J. MAHOE UA HAALELE MAI I KEIA OLA ANA
Ma ka hora 1:30 o ka auwina la o ke Saba@i aku la i hala, Augate 20, i pauaho mai ai o Kinney J. Mahoe, i keia ola ana, mahope o ke kaama'i ana no kekahi mau pule lehulehu ae nei i hala, ma kona home ma ka Helu 728 Alanui Mokauea, Kalihi.
Ua hanauia oia ma ka la 7 o ka mahina o Dekemaba, 1874 ma Kapalama, mai ka puhaka mai o kona mau makua, Joseph Haiku Mahoe, ame Kaumealani Mahoe, a ma kona manawa i hala aku la ma kela aoao mau o ka honua, ua piha iaia na makahiki he 47, me na la k@u.
Iloko o kona mau la kamailii, ua hoonaauaoia oia ma ke kula olelo Beritania o Kaluaaha, Molokai, malalo o ka noho kumupoo ana a David Kahaulelio, a mahope mai, maloko o ke Kula o Lahainaluna, a puka pono mai oia mai kela kula mai, iloko o ka makahiki 1894.
Iaia i hoi mai ai a noho ma Honolulu nei, ua komo aku oia i ka hana, me ka hui o Allen & Robinson, ma ke ano he kupakako, ua paa ia kulana no na makahiki he iwakalua, a o kana wahi i noho hana hope ai, a haalele wale mai la oia i keia ola ana, maloko o ka hale olopapa o Johanson Mill, i noho lunanui ia e William Ahia.
Ua malamaia kona anaina haipule hoolewa maloko o ka Lale waiho kino make o M. E. Silva ma ka hora 4 o ka auwina la o ka Poalua nei, a laweia aku kona kino wailua, a hoomoeia ma ka pa ilina o Kawaiahao, me ka ukali ana aku o Lona mau ohana, na hoaloha ame na makamaka, ma kana huakai heleloa.
Ua waiho iho oia mahope nei, i kona kaikaina James A. Mahoe ame kona kaikuahine, Julia Mahoe Anahu, e noho u aku me ke kaumaha nona.
Ma ka aoao o ka ohana, ke haawi aku nei i na hoomaikai palena ole, i na ohana, na hoaloha ame na makamaka, i komo pu mai me maua iloko o ke kaumaha; a i haawi mai hoi i na ho-ke pua, no ka hoohiwahiwa ana iho maluna o ke kino'wailuna o ko maua kaikuaana, a ke nonoi aku nei ia oukou apau, e lawe aku i ka maua mau hoomaikai he nui, mailoko aku o ko maua mau puuwai, a na ke Akua, ko kakou Makua ma ka lani, e haawi mai i na hoomaikai oi ae.
O maua iho no iloko o ka luuluu ame ke kaumaha.
JAMES A. MAHOE,
JULIA MAHOE ANAHU,
NA LEKA KII OLE IA MAI AHIKI I AUKATE 19, 1922.
Aana, Miss Christina
Akana, Mrs. J. A.
Apa, Eddie
Iao, Miss Elizabeth
Ole, Mrs. L.
Haia, Mrs. Moses
Halekalani, Joseph
Hapai, Miss Irene
Hulu, Mr.
Kaai, Sam
Kaaihue, Mrs. Kaakau
Kaehu, H.
Kaipo, William
Kaonohi, Gregory K.
Kahalau, Mr. & Mrs. David
Kahananui, Miss Mary
Kahue, Moses
Kalauokaaea, Daniel G. K.
Kaleo, Isaac
Kaloio, Mrs. Hattie
Kamae, Mrs. Sam
Kamakea, Joe
Kealoha, Mrs. Mary
Keiki, Hon. F.
Keoni, Mrs. Kanoho
Kiilehua, S.
Kipola, G. M.
Kuai, John M.
Kuku, Mrs. J. K.
Maunakea, Mrs. Ellen
Makanui, Miss M.
Makepa, John
Namaialoha, Kekino
Napahi, Mr.
Pa, Mrs.
Paahana, Miss Abbie
Paulo, John
Waiwaiole, Mrs. Becky
E ninau mai ma na leta i hoolahaia ke kii mai.
D. H. MacADAM,
Lunaleta
HE WAHI HOALOHALOHA NO KO MAKOU MAMA HELELOA
Mr. Lunahooponopono o ka Nupepa Kuokoa, ke Kilohana Pookela o ka Lahui Hawaii; Aloha oe a nui:-E oluolu mai kou ahonui i kekahi wahi keena kaawale o kou oneki, no kela mau wahi lalani e kau ae la maluna; i ike mai ai no kini na makamaka, ame na hoaloha o ko makou luaui makuahine, e noho ana, mai ka la puka ma Ha'eha'e, a ka welona o ka la i ka mole o Lehua.
Ma ko make home aloha ma Kahua, Hilo, i kipa mai ai ka anela o ka make, a kaili ae la i ka hanu ola o ko makou luaui makuahine, a niau aku la ma ke ala polikua a Kane, ke alahele o na mea apau i hanauia mai e ka wahine, he pokole na la, a ua piha hoi me na popilikia he nui.
Ma ka auwina la, hora 2 me 30 p.m., Poakahi, Augate 7, 1922, a hookoia ae la ka olelo a ka Buke Nui; Nana no i haawi mai a Nana no i lawe aku la. E hoomaikai ia Kona inoa ma na lani kiekie loa, he malu ma ka honua nei' he aloha no i na kanaka.
Ua hanauia mai ko makou luaui makuahine, Mrs. Kailihune Ah Change, ma Kahua nei, mai ka puhaka mai o Kamaka Kauina (k) ame Peleaumoku Kaaua (w) i ka la 10 o Iulai, makahiki 1856, nolaila, ua piha iaia na makahiki he kanahiku, ame iwakalua-kumamhiku la me na hora keu he umi-kumamaha me ka hapa.
Mailoko mai on a i hoea mai ai makou eha wahine ame ko makou kaikunane e ola nei; a mai ia makou aku hoi he 24 ana moopuna kuakahi, ame 8 moopuna kualua e ola nei. Nolaila, ua hiki aku i ke 37 ola uhane i hoea mai i keia ao mauleule mailoko mai o kona puhaka.
I kona hala ana aku la, ua haalele mai oia ia makou kana mau keiki me na moopuna e paiauma aku ma keia aoao, o ka muliwai eleele o ka make, Luuluu wale!
Aole loa e hehi hou ana na wawae o ko makou mama aloha maluna ou e ka lep aloha o Kahua, aole hoi ka lep o Koupakuea, a oke loa aku hoi ka lepo o Makahanaloa, Pepekeo, ame Kulaimano, kahi ana i holoholo ai i kona mau la heu ole. Aole loa oia e lohe hou ana i ka leo hone o ke kai o Alia; aole hoi ke ehukai o Kulani e pehi hou ana maluna o kona mau papalina, aole hoi e inu hou ana i ka wai hu'i o Makakaualii, ua pau ua nalo na maka aia i Hiikua i Hiialo i ke ala hoi ole mai.
E ae mai e na makamaka ame na hoaloha e lawe aku i ka makou hoomaikai a nui, no na makana bo-ke pua, ame na lei a oukou i haawimai ai no ka hoohiwahiwa ana i ke kino lepo o ka makou mea aloha he makua, a na ko kakou Makua Lani, e haawi mai i na hoomaikai oi ae.
O ke aloha o ko kakou Haku o Iesu Kristo, me kakou apau, Amene.
O makou iho no me ka luuluu,
MRS. ILIHIA NAMALO,
MRS. LUUKIA, LUDLOFF,
MRS. SERA NIHOA,
MRS. LOUISA, AH SAM,
DAVID KAUINA,
HE LEKA HOOPAHA'OHA'O I KO'U NOONOO.
Mr. Lunahooponopono, aloha kaua:-E ae mai i kauwahi @umi kaawale no'u, o ka hiwahiwa a ka lahui, no kahi poomanao e kau ae la maluna, i ike mai ai, na kini, ame ka lehulehu, a pela pu no hoi, ka mea nana i kakau mai keia leta ia'u, me na manao i kulike ole i ko'u lunaikehala. Eia iho na manao o keia leta, i kakauia mai na'u.
He pule kahiko, Aug. 5, 1922, E ka Haku e Iesu, ke nonoi aku nei au ia oe, e hoomaikai mai i na kanaka; e malama ia makou i na ino mai apau, ma kou koko maemae, a e lawe aku hoi ia makou e noho pu me oe, iloko o ka wa mau loa, o kou hoaloha nui. Amene.
He leta keia e hoike ana, i kekahi pule kahiko o ka hoouna ana ia mai i kekahi mea i kakau ole ia ka inoa, e ka mea nana i hoouna mai ianei. Ua hoounaia mai keia ia'u; a ke hoouna aku nei au ia oe. E kope ae ia mea, e nana aku i ka mea mahope e hoea mai ana!
He kope oiaio keia; pule kahiko ana; oleloia ma Ierusalema; o ka mea e kope ole ana ia mea, e halamai ana me ka ulia pakalaki, aka o ka mea e kope iloko i na ia eiwa, mai ka la i Ioaa ai ia oe, e hoouna pakahi aku i kou hoaloha oiaio, nele hune i kela i keia la, apau na la eiwa; a ma kekahi manawa mahope iho, e halawai ana oe ma ka hauoli nui a e hoopakeleia ae mai na pilikia aku.
E koho a i ole, e kuko iho oe, i makemake i ka manawa e kakau ai i ka pule, a mai uhaki i ke kaulahao. Aole kakauinoa ia.
O keia ae la na manao o keia leta i kakauia mai ia'u, i loaa mai ia'u i ka la 11 o keia mahina ma Poipu.
Me ka Lunahooponopono no ko'u mahalo nui, ame na keiki oniuhua kepau ke aloha no,
Kou me ka haahaa,
MALAKIALI KAHUKINA,
Koloa, Kauai. T. H.
HOPUIA AE NO KA HOOHUI I KA WAIU ME KA WAI.
Mamuli o ka hoopii i hookomoia ae e M. B. Bairos, ke komisina o na meaai, i hoopukaia ae ai ekolu mau palapala hopu no kekahi poe he mau halehana waiu ko lakou ma ka Poakahi nei, no ka hoohuihuiia o ka waiu me kekahi mau mea okoa mahope o ka hoaoia ana o ka momona o ka waiu.
O ka waiu i laweia ae i ka Ahahui Honolulu Dairymen's Association ka i hoaoia ka momona ma ka pule aku la i hala, mailoko ae o 20 mau mea hoohalike i anaia he 10 i ikeia ua hoohuihuiia me ka wai a i ole me kekahi mea okoa, aole kela momona o ka waiu elike @e ia i puka mai ka bibi mai. He nui aku paha o keia ano hana kolohe e hanaia mai nei ma na kuaaiana o ka ike oloia aku. Ma kekahi manawa i hala ua a'oia aku o Frank Campos o ka halehana waiu Campos ame Marin ame S. Uyehara, he mau kanaka hana a kuai waiu, e ke komisina meaai Bairos aole e kuai hou i ka wai i ana a i ikeia ke emi iho o ka momona malalo o ka momona o ka bata, ua kauohaia aku keia mau kanaka e hoea mai mamua o ke komisina a ninaninauia ke kumu o ka helewai ana o ka laua waiu, a ma ka laua pane imua o ke komisina o kela holowai ana o ka waiu mamuli no ka ia o ka ulia. O Matis Salado kekahi i hoopii pu ia ae no ia hewa like, o ia ka ka makamua loa o na kanaka hoohuihui i ka waiu a i ku-e i na rula, elike me ia a Mr. Batros o ka hoakaka ana ae. Ma ke kakahiaka o ka Poalua nei ka hoea ana e o nei mu kanaka imua o ka aha hoomalu a Lunakanawai O. P. Soares no ka pane ana i na kumu hoopii e ku-e ana ia lakou o ka hookomoia ana ae i ka aha @ ke komisina o na meaai. O keia poe apau ekolu aia ma Kapahulu ko lakou mau halehana waiu apau. He mau halehana waiu hou aku no kekahi i ikeia ka holowai o ka waiu, no ka Mr. Bairos mea e hana aku ana no lakou na ke au o ka manawa ia e hoike mai.
HE LEO UWALO!
Ke nonoi nei au me ka haahaa i na mana koho baloka o Hawii Hikina, Kalana a Teritore o Hawaii, no ka oukou mau kakoo ana ia'u, oiai eia au ke holo nei ma ke kulana lunamakaaianana ma ka aoao Repubalika, mai ka apana koho ekahi aku, no ka waeia, ma ke kau, koho wae moho i Oct. la 7, o keia makahiki e hiki mai ana.
Aole au he malihini ia oukou, a ua kamaaiana oukou ia'u he kup, he ewe, a ke keiki hanau no ka aina, a nou e Hawaii Hikina.
Nolaila ke holo nei au malalo o ke alakai ana a keia mau manao nui ekolu.
Ekahi:-Ka manaoio hana, a e kokua ana i na mea maikai no ka pono kaulike o ka lehulehu o keia Teritore.
Elua:-Ka manaolana, no ka huli ana i na alanui hele like ole, e loaa ai ka maha ame ka palekana, i ikeia o ke Kalana o Hawaii, ame ka lehulehu, a pela pu me na kalana e ae.
Ekolu:-Ke aloha oiai o ke aloha ka mea i oi, ka huli a imi ana e hoopakeleia ae ai ke ola o ka lehulehu o keia Teritore, a pela me na kama a kakou, mai na wahi like ole, e ikeia nei i keia mau la.
Eia hou no au ke maalo aku nei imua o oukou, no ka ekolu o ka manawa, a o ka rula maamau mai na kupuna mai, o ia no keia, a maalo kekahi ma kou mau ipuka hale, pa ana kahea, e komo e kamau, a piha aku ka houpo, alaila, hele ana kamahele ma ke ala; malia o pa mai kahea, hookipa iho hoi i ko'u wahi inoa, ma ka pahu baloka, no ka la 7 o Okatoba e hiki mai ana, i kamau iho kamahele, alaila hele aku e hookolo i ka nui manu, no ka pono kaulike o Hawaii aina ame Hawaii lahui.
Eia hou, aole au he paahana no ke Kalana o Hawaii, a ke holo nei hoi e hilinai ana hoi ia oukou e na mana koho o Hawaii Hikina.
Eia ke@@@i, ke wawaia nei ma na pepa namu, e waiho ana au, o ka'u nae e hoike nei, mai puni ia mau manao hoolaha, a no ka mea aole he oiaio, o ia mau mea, aia no oukou a ike e hoopili pu ana me ko'u inoa me kekahi hoolaha, o ia ano, alaila ike iho oukou he oiaio ia.
O na kumu o keia mau hoakaka manao ana ma ka pepa, maloko no ia o ka manao ana penei: Malia paha hoi, o loaa ole ka wa no'u e hele aku ai e hui me oukou, a ua ike mua hoi oukou i ko'u mau manao, a na oukou ia e koho iho, i ka la e hiki mai ana.
Nolaila me keia mau manaolana ae la maluna, ke nonoi nei me ka oluolu ia oukou e na Demokarata o Hawaii Hikina, in a ho aole a oukou moho no keia kau ea, alaila haawi mai hoi i ka oukou kakoo ana ia'u a maluna ae hoi o na mea apau, aole au e poina ia oukou e na makuahine oiai ua haaheo oukou i keia la, a ke ku pu nei ma ke ano kaulike me makou na kane, e oluolu pu hoi no'u kauwahi baloka, a e lilo pu hoi oukou apa, mai na Repubalika, na Demakarata ame na wahine, i mau luna hooikaika no'u.
Owau iho no me ka oiaio.
W. M. KEOLANUI,
MA KA LA 1 AE NEI E WAIHO MAI AI I KA OIHANA LOIO.
I kulike me ia o ka hoike @@@@@a ae m@ ka Poaha aku nei i hala ka waiho ana ae o ka hope loio kuhina Joseph Lightfoot i kona hokohu i kona poo ma ka oihan, ka Loio Kuhina Harry Irwin, a e mana ana ia hoihoi a waiho oihana ana ma ka la 1 ae nei o ka mahina o Sepatemaba, ka la like e pau ai ko Harry Irwin manawa o kona hookohu.
No ka hookohu hou ana ae ia Harry Irwin ma kona kulana hana mua a hoakaka ae ke Kiaaina Farrington aole oia e hana ae ana ia hana, aole no oia e noi okoa ae ana @ ka loio kuhina e hoihoi ae i kona hookohu. O ka ke kiaaina mea o ka hoakaka ana ae oia keia, aohe kumu iki a kekahi luna aupuni D@mok@rata e noho poo ana ma kekahi oihana e manao i@o ai e paa ia oihana i ka manawa e rulain ana ke Terit@re e kekahi kiaaina Repubalika, aohe no he kohu a kupono o ka noho ana o kekahi kiaaina Demokarata ma ka hoeuli o ke Teritore o Hawaii malalo o kekahi Peresidena Repubalika o na Mokuaina Huiia@o Amerika. He mea keia i apon@ia @ ka lehulehu mai o a o.
Ma ka mea hoi e pili ana i ko ka Puuku Teritore A. Lewis Jr. waiho ana ae i kona kulana puuku, elik@ me ia i hoolahaia @e ma ka Poahe o ka pule aku la i hala, ua noi ae ka ke kiaaina @ole oia e ninauia aku no ka mea e pili ana i kana kanaka e hookohu mai ana i pani ma kahi o A. Lewis Jr. i waiho ae la.
Ke k@ ma@una, ke kahua hale kahiko e malamaia ai na hana hula ma Moanalua maloko o na hale pili, malalo iho ma ka hema o J. K. Mokumaia e kuhi ana i ka have Hawaii ma ka ilina o Puuomao, Moanalua, ma ka akau ae, o Mr. J. K. Mokumaia me Wm Hoopii o Maui.
LIBERTY THEATER
Ma Keia Po
HAROLD LLOYD iloko o
NOW OR NEVER
IS MATRIMONY A FAILURE?
Ukukomo: 25, 40 Keneka; Noho i hookaawaleia, 60c.
EMPIRE THEATER
Ma Keia Po
DUSTIN FARNUM
me kekahi o kana mau kii maikai loa.
"THE PRIMAL LAW."
MIRACLES OF THE JUNGLES.
Ukukomo: 15, 25, 40 Keneka; Ukuia ka auhau kaua.
STRAND THEATER
Ma Keia Po
A COUNTRY STORE
He paani hana keaka hoomakeaka maoli keia, e noke ai i ka aka a mamae ka iwiaoao.
Ukukomo: 15, 25, 40 Keneka; ukuia ka auhau kaua.
NEW PALAMA THEATER
Ma Keia Sabati Iho
AFTER YOUR OWN HEART
ame
MIRACLE OF THE JUNGLE
Hoikeike ao: 5, 10, 20, Keneka; Po. 10, 15, 20, 30 Keneka.
For comfort and cleanliness burn STAR OIL
No ka Oluolu me ka Maemae Ho-a i ka AILA STAR
Ma kahi o ka "hanai" ana i kekahi kapuahi, maloko o ka halekuke wela i piha, ma keia kau wela, e maalahi loa ana kau hana ma ke kuke ana me kekahi kapuahi aila maikai.
Aohe lanahu a wahie paha e halihali ai ,aohe lehu e kapala ai. I halekuke oluolu, a maemae, me ke kapuahi wela, i hoomaemae hou ia, a i hoomaemae hou ia aku, ma o kekahi alahele kaokoa loa. Ke kuaiia nei e ka poe kuai aila ma na wahi apau ma ke kini a ma na oahu. E ninau no ia mea ma ka inoa-Star Oil.
STANDARD OIL COMPANY
(California)