Ka Nupepa Kuokoa, Volume LXI, Number 34, 24 August 1922 — HE HOLONUI ME KA NANA OLE I KO HAI PONO. [ARTICLE]

HE HOLONUI ME KA NANA OLE I KO HAI PONO.

He keiki hapa-Pukiki o Joseph Dias ka inoa, ka mea i hoopiiia ae ma ka po o ka Poakahi nei no ka holonui i kona kaa otomobile me ka nana ole i ko hai pono. laia i hoohuli ie ai i kona kaa i ke alanui Weaver mai ke alanui Beritania aku, ma ia kihi me ka noonoo ole ae he poe kekahi e helewawae mai ana. Ua hookuiia aku la o Mrs. Joseph Keola e ke kaa a hina ilalo a eha kona lima ke kuli, o kona wahi i laki ai aohe mau eha kuko* nukonu loa i loaa iaia mawaho a maloko o kona kino. E helewawae mai ana oia ma ke alanui ololi Weaver me ke kane a e paa ana ke kane i kekahi bebe ma kona mau lima ia manawa. Ua hoopiiia ae o Dias, a ua hookuuia aku nae no kona hoea ana ae mamua o ka aha hoomalu a ka Lunaknwai O. P. Soares ma ke kakahiaka Poalua nei, no ka pane ana ae no.kona hihia i hoopiiia ae ai. •+*