Ka Nupepa Kuokoa, Volume LXI, Number 35, 31 August 1922 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

HE HOOPOLOLEI ANA IKE KUAUHAU LALAU.

___________

            E Mr. Lunahooponopon o ke Kuokoa, e oluolu mai i rumi o kau papa no keia:--

            Eia ke kuko ka halia i ka manawa

He hiamoe ko’u hoala ana oe

O oe o ka laulani o Hoalani

Ke hoe manuae la i ke kuahiwi

I ka maha lehua o Kumohokiekie la iluna!

E ke kiai, heaha ko ka po!

He ni a he ninau keia na Hiiaka i ka poliopele.

Nohea mai nei keia Keanumaeeleolelapulikoliko Kekapuwohi Kekapulikoliko Keahikuni Aalapalapa! No Kauai mai lakou, no na pali o Kalalau, ahiki i Waiolani noho o Kekuko (k) ia Kaepa (w) loaa o Piikoi (k) noho ia Alapahi (w) loaa keia poe malalo iho nei:

Ohi hapuku ka makapehu o Kaunu. e hoolale ana i ahi no ka ia, no ua ia hoomalu la o Kaukini.

Kauoha ae la ia Kauahoa, i ka Meeui o Hanalei. I noho oe a ike, ua uhi kapa eleele a kau ka puaa i ka nuku, alaila hoolaha aku oe maloko o ka nupepa, i ike mai na makaainana, mai ka lulu a ka makani, owau keia, o ka mua a me ka lua o ka piikoi.

E hoopaipai ana elike me Kaunuoaua e hoole mai auanei, o Jaihala eia iho no kou hoa like la, o Malelewaa.

He mau makahiki lehulehu i hala ae nei, na hoolahaia mai kekahi mokuauhau i oiaio ole, ma ka Pacific Commercial Advertiser, Feb. 18, 1907.

Ua paneia kela kauhau e ku-e ana no ka pololei ole, o kana mau mea i hoolaha ai maloko o ka nupepa, e hoololi ana i na papa kuauhau pololei o na’lii, ma-o, a maanei, elike me kana i makemake ai, malaila oia e hookoino iho ai i kona kuauhau apowale, ana ponoi no paha i haku ai. a lawe ae la i na inoa o na lii o ka papa kiekie, a laene ae la me ka haakei nui, o kon mau kupuna lakou, me ka manao paha, he hiki iaiai ke pulapa i na poe apau..

Aka he mea keia e alakai hewa ana i ka poe i maopopo ole i ka mea oiaio. I keia makahiki no, ua hoopuku hou ia mai, ma ke Kuokoa o Mei 4, 1922, he kuauhau, na ka mea no nana kela kuauhau i ku-e ia ai mamua, no ka pololei ole.

Ua hoolahaia mai keia e na Lunahooponopono a hookokauoha o ka mea i hala. i like aku no kona oiaio ole me ko kela mamua. A ke ku-e hou ia aku nei no ma keia, no ia kumu hookahi no.

Kauakahiakua (k) ia Umiaemoku (w) o Kanekapoleikauila (w) pio ia Kaleiopuu (k ) o Keouakuahuula (k) ua Hiiaka Kaiolani (w) o Keaonakuahuiu (k) ia Kamakekahikuli (k) o Keaouakuaiwa (k). Hu ka aka, i ka poe ihepa o Waolani, he kane no he kane hanau mai. O ka makaeheikuli he wahine oia. Eia ka pololei. O kaneiheilani (w) ia Kaakoalonoapii (k) o Kalelemauli (w) ia Haae (k) o Kamakaehikuli (w) ia Keoua Nui (k) o Kaleimamahu (k).

Eia hou no keia mookuauhau lalau o Keanumaeele. O umahapuuleiohua (w) ia Kihapiilani (k) o Kupuioholani (w) pio ia Kauhiokalani (k) Makakuikalani (k) ia Ikeakaponoole (w) o Kaoao-a-Makakuikalani (k) ia Pueopokii (w) o Lonoikamakahiki (k). Aohe pololei o keia. Eia ka pololei. Kihapiilani (k) ia Koleamoku (w) o Kauhiokalani (k) ia Kauamanu (w) o Makakuikalani (k) ia Keakaponoole (w) o Kaoao (k) ia Pueopokii (w) o Lonoikamakahiki-a-Kaoao (k) Wahi no ana.

O keia lonoikamakahiki (k) no, ia Kaiuliakea (w) o Kookuinuaulani (k) ia Kahoowahaokalani (w) o Kainahopukahi (k) ia Kauokuuikanuumealani (w) o Ahiakalanikumaaikiekie (k).

Ea! Hoohu ka ua i ka moana la, pilipili aina ole mai la, olelo mai o Mika Paka. Pehea kela! Lalau ana no, punipuni ana no.

O Ahia Kalanikumaikiekie, aole oia he kane. Eia ka mea pololei. O Keliiokalani (w) ia Umikekaulanahonuaiai (k). Ahia Ahia Kalanikumaikiekie (w) noho ia Kalaninui-iamamao (k) i Kekunuialaimoku (k) ia Kaniniuokalani (w) o Kalikokalani (w). Ua poina paha ua o Keanumaeele i ko ka Buke Nui kuauhau.

He Hoopololei.

Kauakahiakua (k) ia Umiaemoku (w). o Kanekapolei (w) ia Kalaiopuu (k) o Keouakuahuula (k). (Aole ia Kanekapoleikauila). Aole no hoi he wahi i pio ai. A aole no ma ko Kaleiopuu aoao. Na Kalaninuiimamao a me Kamakaimoku mai oia, a mahea la kahi i pio ai, ana e apowale nei ma na ano apau, a onou iho la i kona mau wahi kupuna. i lohe ole ia a i ike ole ia no hoi. ma na papa kuauhau o na’lii ana e piikoi nei. Aia ka pono o ke kau pu iluna o kahi kiekie.

I kuhi ka malihini he wai o Mana

 Aohe wai he hoopunipuni,

He alapahi na ke kanaka o Limaloa

He ake hale wale no i Papiohuli.

Eia hou no kea papa kuauhau o Keonumaeele. Kekelaokalani (w) ia Haaeokalani (k) o Kekuiapoiwa (w) ia Kamanawa mahoe kapu o Keahikuni Aalapalapa (w) ia Keawemauhili. o Kamehameha Kauakoa (k) ia Kahekili Kalaninui (w) o Keanumaeele. AUwe! Hele ma kapuahi e olala ai i ko anu haukeke o ka piikoi. Hookahi no Keahikuni i ikeia, i ke au o na;lii oia hoi o Kakauonohi Makaokahilani, ke kaikamahine a Kinau’heananui-o-Hikiau, keiki a ka Na’i Aupuni. Eia na’e o Kapiialii, ke keha nei o kona kupuna ka ia, i noho aku ka ia Keawemauhili. Auwe! O ka makuakane hanauna ia o Kamehameha ka mea nana kela moopuna o Keahikuni, e piikoi ia nei e Keanumaeele. He mau wahine no ka Keawemauhili i noho aku ia a he mau keiki no hoi. Aole nae hookahi iwaena o lakou i oleloi, a Keahikuni Aalapalapala ke kahi oia poe. Ua pupule paha, no ke kuko nui loa e ike ia mai, oia kekahi pua a na’lii kahiko i hala, “The Lost Tribe,” wahi i ka haole. Eia kekahi o na wahine a Keawemauhili i noho ai. Noho ia Ululani o Kapiolani ke keiki, ia Kalamananamana o Kekuialona ke keiki, ia Kalaniwahineuli o Kuaiolaloa ke keiki, ia Piipii o Kamehamehakauokoa ke keiki. Eia ka mea oiaio la. Ke hoike mai nei ka papa kuauhau o na’lii i ko Kamehamehakauokoa makuahine ponoi, oia o Piipii.

Huhewa ka ike o Kapena Kini,

A he ike holoholo pili aina,

Koe aku na kai hanupanupa.

Olelo mai ka Buke Nui. Hilihewa na manao ke ole ke kukakuka ana, pela keia, hilihewa na kukakuka ana, pela keia, hilihewa na kuauhau lalau a apowale, ina aole i ike i ka mea oiaio.

Hoopololei ma kahi e olelo ana, ma kahi e olelo ana, Kekelaokalani (w) ia Haaeokalani (k) o Kekuiapoiwa (w) ia Kamanawa (k). Mahoe kapu. Aohe pololei oia. Eia ka pololei. Kekuiapoiwanui (w) ia Kauakahiakua o Kekelaokalani (w) pio ia Kamanawe (k) o Peleuli (w) pio ia Kamehameha Kanai Aupuni o Kapulikoliko (w) aohe pua, o Lunalino Nui (k) aohe pua o Kinauheananui-o-Hikiau (k) ia Kahakuhaakoi (w) o Keahikuni Kekauonohi Makaokahilani, nona Keahikuni Aalapalapa. Malalo iho nei.

O ka onohi o ke ahi, ahi kilokilo

O ka puoko o ke ahi, aalapalapa

I huila ma ke kuemaka o na Lani la

Ia kalani ma iho nei lapalapa

He lapalapa ke ahi, he momoku ka a

He pohina eleele kauahialii

I hi-a ia iloko o Kauea.

O ke ahikuni oiaio loa keia, o ke ahi a Lonomakua, he ahi na ka wahine i hi-a a a i ka papa o Papalauahi, o kana a iho la no ia, aohe mea e pio ai. Hele i Hilea kauwahi kukaepele pio wale i ka makani, i piha i ka lalau. Eia no o Keanumaeele ke oni nei e kau i ka wekiu. Kekuiapoiwa ia Kalanikuihonoikamoku o Kalolawaiakua (w) pio ia Keoua Nui (k) o Lilihakekuiapoiwa (w) ia Kiwalao (k) o Kaikilanikuauli (w). Auwe! owai keia opala a ohikui e hapuku mai nei, a kau ma ka papa o na’lii nui, e make ai ke kanaka ke a-e u ko lakou a-ka! Hookahi wale no a Liliha Kekuiapoiwa 3 (w) me kona kaikunane Kiwalao, oia o Keopuolani. Ei ae nei ka o Kaikilanikauauli kekahi keiki. A pehea la i nalowale ai keia alii nui! He hiki no ia kakou apau ke ike iho i ka pololei ole.

Hilahile ole makau kiu u kauna nei,

Aohe ke kohu o Hanunanuna,

Puiwa ka manu eena i ke kanaka,

Aohe wahi hopohopo iki o Hopoileeu.

O keia papa alii a Keanumaeele, i apukau mai nei e kau malaila, o na’lii keia. i olelo ia he akua, i nana aku ai hoi na’lii nui apau me ka haahaa, e kapa ana i keia mau alii, he Haku no lakou no ka makolukolu o ke koko alii iloko o lakou, a pela hoi me na kapu alii i kau iho maluna o lakou, mai na kupuna alii mai o Maui ame Hawaii. Eia ka pololei.

Kekuiapoiwa Nui ia Kalanikuihonoikamoku Kekaulike (k) loaa mai:

1.       O Kamehameha nui (k) ai luau,

2.       O Kalolawaiakua (w) i kapaia Kalolapupuja-o-Honokawailani.

3.       O kahekili (k).

Kalolawaiakua (w) pio ia Kaluiopuu (k) o Kiwalao Kauikeaouli Nui (k). O Kalolawaiakua no, pio ia Kalanikupuapaikalani, o Keoua nui; o Liliha Kekuiapoiwa 3 (w) pio ia Kiwalao (k) o Kalanikauikaalaneokeopuolani. Noho ia Kamehameha ka Na’i Aupuni hanau o Kalaninuikualiholihoikekapu (k) II, hanau o Kanikeaouli (k) III, a me Nahienaenaikekapu (w).

            Iloko o keia papa alii i hoakoakoa ia ai na koko alii ame na kapu o ko lakou mau kupuna, a i lilo ai hoi kekahi oia mau kapu, i mea hooniua i ka manao kekahi o na kaikamahine alii. I ka wa i hoao ai o Kekaulike alii o Maui me Kekuiapoiwa nui, haawi aku la o Kalanikauliluaiwi i ke kapu moe nona. Hehe aku nei hoi o Kekelaokalani nui me Kauwe, imua o ke Kupunawahine Keakealani wahine, ike mai la oia i ka uwe, ninau mai la, heaha keia waimaka e ka moopuna! Ua haawi aku nei ko kaikamahine, i ke kapu moe ia Kekuiapoiwa, ina paha e hele mai ko mau moopuna o Maui, moe iho ka maua mau keiki me kuu kaikunane, i ke kapu o ko mau moopuna. I mai la ke kupunawahine, holoi ka waimaka, aole olua a me ka olua aku e moe. Eiake kapu, he ohia’eku, aohe kapu e moe ai. Ke olelo nei nae kekahi poe o keia au, kokolo aku la o Kamehameha a moe iho la kona mau maka. Nonoi aku la ia Keopuolani i wahine nana. Ua ike ae nei kakou. he kapu moe ko Kekuiapoiwa nui, nana mai ka moopuna o Kiwalao, ke makuakane o Keopuolani. He wohi-a’eku hoi ko Kekelaokalani nui, nana mai o Kekuipoiwa 2 (w), i pio ia Keoua nui, keiki a Keeaumoku nui. He wohi-a’eku a pehea iho la e kolo ai, a e moe ai na maka o Kamehameha ka wohi-a’eku a pehea iho la e kolo ai, a e moe ai na maka o Kamehameha ka wohi-a’eku! Aohe kapu e moe ai, wahi a ko lakou kupuna. Aia ma ka hoopaipai o Kauhi alii o Maui ame Keaka alii wahine o Hawaii, e ikeia ai ka nui o na kapu. Ke kuhihewa nei kekahi poe, o ka naha ka pio ame ka niaupio he mau kapu ia. He mea ia e akaaka ai ka papa hanau o na’lii. Ina he niaupio ke alii, ua maopopo ia i na mea apau. Na ke kaikunane ame ke kaikamahine ponoi mai oia. Ina he pio ke’lii e hoike mai ma ia, he noho hoahanau kona mau makua, a pela hoi me ke’lii naha, o ka hoina no ia e ike ia ai, he noho makua a keiki, kona mau makua.

 Aole no he akahakai o lakou

E mananalo ai o na;lii nui

He lolo no he lolo pa’i wale.

Ua like no a like ke kiekie o keia mau alii. Koe wale no kela, o ke’lii naha, elua ona pili i na’lii pio a Niaupio. He hoahanau, kahi olelo ana. A he makua hoi ma kekahi olelo ana.

KAMAKEE ALII,

NA HUNAHUNA MEAHOU HALEPAAHAO O KE TERITORE.

___________

            Mai ka hoomaka ana o ka Makai Kiekie John C. Lane e noho mana, maluna o ke aupuni hooko kanawai ahiki i ka wa o keia mau wahi hunahuna meahou e oili aku nei, me na hoohialaai, he ohohia mau kona kulana me ka hoihoi, no kona mau hookele ame kana mau wahi hoewaa, o ia hoi, he ka-liu, he wahi kela hoi, he huki kauka nomua.

            Aole oia iloko o na halukuluku ame na ooloku, kupikipiki-o, elike me ka makani kualau, makani hooweliweli o ka moana, a na aliimoku hoi e maka’u nei, aka, aia mau no oia iloko o ke aheahe malie, iloko o kona au hookele aupuni ana, no ka hooko ana i na kanawai kakauha o ka aina; e pili mau ai ke kanaka u’i me ia, hoa heihei o ka wahine u’i i hoopili pu ia me ka mahina, o ka hooheno hoi i na wahi hookele eepa, ia Hookelepuna ame Hookeleihilo, i pakele wale iho no i kahi hueu, kalohe ia Kaikipaananea, kahi lopaiki hele wale o Kauai. Auwe, nani hoi kau, kaomi malie!

            I iho la, ua wahi kalohe nei o Kauai. Nani a maemae ka noho lokahi pu ana o ka haku me kana mau kauwa, aole loa o lakou wa e kaawale ai, no ka mea, ua piha ka honua i kona nani nui, aohe rumi kaawale i koe. Hoohenoia e ke kilokilo wahine o Poinikia.

            He ulumahiehie mau ke kulana o na makai apau, e lawelawe nei i ka hana, malalo o ka makai Kiekie John C. Lane, mai na wele iana ahiki loa aku i na wahi olofala, poe hoi i kahiko a kolopupu ma ka oihana. Hooheno ia hoi, e aloha au i ko maka.

            Ke hoolaumaniaia nei, na wahi apuupuu, kapakahi, nukee, kekee o ke kahua o ka halepaahao o ke Teritore nei, a iliwai like e na kieki hookama a kanawai, hoapili hoi o ka makaikiu Wela, akua lapu o ka poe ha’iha’i i na kanawai o ka aina; malalo o na hoohana eleu mikion ana a Kapena Robert Parker Waipa; kekahi hoi o na kapena koa kaulana loa, nana i hoole aku i ka mana o na koa kipi, imua o ka oi o ka pahikaua, ame ka wana pouliuli o ka pu raifela, iloko o ke au hookahuli aupuni moi o Hawaii nei.

            He oiaio, ua lu’alu’a a kuli’uli’u no na la o ua kapena kaulana nei, i like aku no kona kiekie me ka omepera Napoliona, ke ahikanana hoi nana i hoohaalulu aku i na kuli o na poo kalaunu apau o Europa, iloko o ko lakou mau kamaa buki loloa; eia nae, ina oe e hakilo pono aku maluna o ua kapena koa kahiko nei o ka pualikoa Kulesia, auwe! he o ia mau no ke konekonea, makalapua o ke kanaka, aia mau no na pua o Kukaniloko iluna i hoalii mau ai, o ke ku no a ke kanaka u’i, aohe puu, aohe kee.

            He eleu hikiwawe kana mau lawelawe hana ana apau, i hui pu ia hoi me kona hope i piha me ka makaala, elike me ka hana a kona poo ma ka oihana Henry Espinder, ka ilamuku Ne hoi, o na pualikoa kaulio kahiko o Farani; o keia hoi, ka Ne o Hawaii nei, a ke nana aku oe i na wahi i hoolaumaniaia e na pualikoa Kulesia, malalo o na alakai ana a keia mau Aliikoa kaulana, e hewa ole ai kou meakakau ke olelo ae; o ka moena pawehe o Mokuleia, he hapa mai ia , no ka mea, ke apuupuu la no kekahi e waiho la, he oi ae no keia, o ka makou o Kama ka mea e kohu ai, boba ba hoohialaai ana, Maui no e ka oi, ao ke moena Niihau ka mea e kohu ai, he pahee i ka ili o ka ipo ke pili mai.

            O keia nani a maemae e hanaia nei, ua like a like me ka ua nahunahi; na hoau’iu’i hoi, o wa noho hookele aupuni ana a Haalilio Demo-Hemo, ame ka hookele aupuni ana hoi a Lane, Rep-Likealike, kuhina kaua o Amerika. Kaomi malie iho hoi oe e kuu Sol. He ua Noe no ka aina, a mao a’e no. Hoohenoia e ka wiwoole o na wiwoole.

            O na hana maamau no, i ke au hookele o na Demokarata ma lalo o Haalilio, o ia mau no ia me ka ewaewa ole, e laa me na hana kinipopo hooikaika kino, elike me na manawa i kaupalena a haawiia ai no na keiki hookama a ke kanawai, a pela pu hoi me ko lakou mau ola kino, he kulana maikai ko lakou, a o kekahi no hoi o keia poe keiki, he ano hiena, o kela au kahiko loa no, ia Haumea ame Wakea, aole no nae i na pua o Hawaii nei, aia no i na pua awiliwili o na aina e, he ano like me Kauahoa, ke kama hueu o Hanalei. Hoohenoia hoi e Hamohamo.

            He poe keiki apiki keia, na kuia hoi o ka manawa, ka hoao ana e hamare i ka lae, a e punuku i ka ihu o ke kanawai me he ekake hoounauna la no na Kona, eia nae, nuha ka ekake, owala ka piula, kiki hoi ka miula, peku ka hoki. Hoohenoia e kahi eepa o Waolani, he u’i hoi kau, tomi tomi malie.

            He mea kamahao no, i ka noonoo o ka mea e noonoo iho ana, ua lilo maoli oloko o ka hale hooko kanawai nei i halekula kiekie nana e hoonaauao nei, a haawi aku i ka ike i na keiki hookama apau a ke kanawai, ma na hanalima ame kekahi mau ike e ae, oiai, he hemahema lakou mawaho, aole i a’o mua i kekahi mau hana o keia ano, eia nae, i ko lakou komo ana maloko nei, ua lilo lakou i poe makaukau loa, ma ka oihana kamana kumeka kamaa, kelalole, ame ka aiana lole, ame kekahi mau hanalima ike e ae he nui wale.

            O keia ike i loaa i ka poe maikai i a’oia iloko o keia halekula kiekie o hooko kanawai, a i ko lakou wa e lanakila ai mai na umiihao ae o ke kanawai e hoao ana lakou e hana, elike me ka lakou maikai i ike ai, o ka’u keia o ka Kaikipaananea, a no ka poe eepa ea, o kela kuahiwipiena nui wale o ka lio, a’u hoi i poina iho la i ka inoa, i ke kakau no hoi, a o ka poina iho la no hoi ia. Auwe! o Hale mano no ka hoi.

            Pololei hoi kela, aohe no he wa e maikai ai, e piena e peku owala mau ana keia poe eepa, kohu lio Halemano. E a’o wale no oe i ka lio o keia kuahiwi eepa nui wale, mai kona wa opiopio a elemakule, a kau aku no oe, o ka owala iho la no ia, aia no ka palena, he haule no ka mea e kau ana iluna. Hooniia e kahi kalohe o Nuuanu Waipuna a ke aloha. He uo hoi kau.

            He hu ka aka, i ko makou wahi kalaiwa, kahi hueu o Makaha, kii aku nei kela i kahi lio wawae buki, e hookomo iloko o kahi kaa, ua holo ua wahi lio wawae buki nei mawaho o ka pa, a loaa hoi ua wahi lio nei, hookomo aku nei kela iloko o ke kaa, o ka nuha iho la ia o ua wahi lio nei. Nolaila, hookau ae nei oia i ua wahi lio nei maluna o ke kaa, o ka hoomaka iho la no ia o ke kaa e puiwa, a nahaha ka lio. Ea, kupanaha a’u e ninau aku nei ia oe e Mr. ame Mrs. mea holuhelu. “He mea puiwa no ka ke kaa, a he mea nahaha mo ka lio.

            Sui hoi kela, wahi a kahi Home Rula kahiko loa no. Hoohenoia hoi penei : Otomobile.

            O ke kaa puiwa mau keia, a nahaha ka liom, no ka mea, o ka mama holo o keia ano kaa i keia manawa, he kanalima a haneri mile i ka hora hookahi, a ua hookauia maluna o keia ano kaa, he kanaha, kanalima a oi aku, ka nui o na lio ikaika o kona enekinia.

            O ka’u iho la keia, o ka kahi keiki o Mahaulepu, o kau iho hoi koe e kuu mea heluhelu, i hooheno pu ia ai hoi kaua me Waikiki, honi kaua wikiwiki. Auwe! no hoi ka u’i e, he nani hoi kau, kaomi a nihi malie, mai hoopa.

            O ka mea noonoo no la, loaa no ke kaona o ka olelo, a he mea nani no nae hoi i na alii ke imi aku.

            Ina e loaa mau ana i kou mea kakau ke aloha ame ke haonui ia, e hoopuka mau ia aku ana na hunahuna meahou, o ka hale hooko kanawai nei, ame na hoonanea o ka manawa, i kela ame keia mahina.

            Me ka Lunahooponopono opio mau ka’u mau hoohialaai ana, ame na keiki oniuhua merala hoi o kona papapa’i ko’u welina pau ole.

Owau iho no me ka haahaa.

KOAKIAI PUKA HELU 6.

E KOHO IA

SAM KUULA

He moho Lunamakaainana ma ka aoao Repubalika.

EIA KA

BORTHWICK UNDERTAKING CO.

i keia wa ma na Alanui Nuuanu me Kula

Kelepona 1325                                                                                                            Home 7883.

O NA HAWAII

i makemakei ka pomaikai o ka Kanawai Hoopulapula o Molokai, e hoolako ia lakou o na Lako Mahiai me Hanai Holoholona ma keia hui kamaaina.  Ke malama nei makou i na Lako Hana Maikai Loa, pela hoi me ke PENA SHERWIN-WILLIAMS, ka mikini Umi Waiu DE LEVAL ame na lako pili i ka home o na ano apau. Maloko o ko makou Keena o na Lako Paani e loaa no he ahua o na pu liilii ame na raifela maikai.

_________________

NA KANAKA KO’IKO’I I MAHALO I KA LAAU B.B.C.

Ma Kahi o ka Miliona a oi Poe ma ka Aina Makua i Hoohana ia Mea.

Hiki ole ke hele no 2 makahiki ua olei kela wa.

He mau Haneri o na Kanaka Koikoi o Honolulu i Hoike Mai i ka MAhalo Kiekie no ka B.B.C.

            Ua wae ae makou i kekahi poe kakaikahi no ka hoakaka ana aku:

            Wm. Kawohionalani, Waikiki.—Ma ko’u manao he laau kamahao maoli ka B.B.C. no ke koko hakuhku ino i nele ka holo ma na aakoko.

            Mr. Wm. Kalama, 509 Alanui Waikamilo- He maikai ka B.B.C. no ka opu ame ke aakoko-He laau Hoomaemae koko Maikaki.

            Mary Kalaukoa, Alanui Gulika- O ka B.B.C. ka laau hoonono ai- He maikai maoli no ka opu.

            George Pehu, Alanui Kapahulu me Waialae-He laau kamahao loa ka B.B.C.-Lawe ia mea a e ikeia ana ka maikai.

            Mr. J. K. Mokumaia-Ua inu au i ka laau B.B.C. a ua ike au i ka maikai o ka hana a ia laau.

            Capt. H. Blanchard, Alapai St. –No kekahi mau makahiki ko’u hoonawaliwaliia ana me ka ma’i piha o ka opu i ka makani, i nei manawa ua ole loa.

 

MR BEN BRUNS.

Loea hoolaha ka mea iaia ka hoolaha ana i ka B.B.C., a hoikeiki maloko o Honolulu

 

            Mr. Samuel Kind, Monsarrat Ave. – O ka B.B.C. ka lau maikai lao no ka nawaliwali holookoa mai o ke kino.

            Mr. S. Furukawa o ka Nippu Jiji- He laau maikai loa ka B.B.C. No ka ma’i o ka opu ame ka hooikaika ana ae i na mea paahana e ke kino.

            Mr. Jos. Amiel, Halekuai Store, Alanui Moi- He laau hooikaika ae i ke kino ka B.B.C. no na mea oaahana o ke kino nawaliwali.

A., Guinduin, Alanui 320 Mokauea- He maikai na laau B.B.C. – oia hoi na Laau Kunu no ka Hano ame ka ma’i maloko o ke kinia-i.

Mrs. J. Warboye, Beach Walk, Waikiki- Ma ko’u manao he laau maikai loa ka B.B.C. no ka hooikaika ana i ka opu ame na mea paahana o ke kino.

Mr.David Kakalia, Kihi o Alanui Beritania ame Kamika- He laau hoomaemae koko ka B.B.C.  me ka hooikaika i na mea paahana o ke kino- he maikai pu no ka rumatika.

Mr. John Daly- O ka mokuahi Matsonia- Na ka B.B.C. i hoola hou ia’u mai ka ma’i nawaliwali mai o na aalolo am ek ama’i o ka opu.

Mr. Manuel de Mello, Kona. Hawaii- He laau maikai loa ka B.B.C. mo ka ma’i iloko o ka opu me ka nawaliwali iloko o na mea paahana o ke kino.

Mrs. Chas. S. Wakita, Ainui Luso 1912- Ma ke nao he laau no ka opu a he laau hooikaika kino holookoa aohe lua e like me ka B.B.C.

Mr. Esmael Sebilia, Boston Store- O ka B.B.C. aohe laau e like ka lua me ia no ka ma’i o ka opu, ake paa ame na aalolo.

Mr. A. Williams, Alanui Ekahi, Kai muki—He laau hoehaa loa ka B.B.C. no ka opu ame ka hooikaika holokoa ana i ke kino.

Mr. Peter Pascal, Kama Lane, Palama-No kekahi manawa loihi ko’u loohia ana i ka ma’i a na ka B.B.C. i hoihoi hou mai i ke ola maikai ia’u.

Mr. W.L. Theone, Hokele Blaisdell- Ua pololei loa ke kapaia ana o ka B.B.C. he laau hooulu i  ke kino. Ua hana i’o ia ia hana.

Mrs. O.R. Lover, Allan St.-Ua kokua mai ka B.B.C. i ka wa i hiki ole ai na laau e ne ke hoola i ka ma’i o ka opu ame na ma’i e ae o ke kino.

Mr. K. Higasi, Makeke Kuai I’a- Mea kuai puaa e laau maikai loa ka B.B.C.no ka puupaa ame ka ma’i rumatika.

Mr. W. Legros, Alanui Gazette- Ke hooia aku nei au he laau maikai ka B.B.C. no ka opu, na aalolo ame ka nawaliwali holookoa o ke kino.

Mr. Chas. Akana, Liliha ame Moi- O ka B.B.C. ka laau maikai loa ma ke ao no na ma’i hoonawalilwali o kela mae keia nao i ke kino.

O ka B.B.C.( Body Building Copound)  he laau hooulu a hooikaika hou i aike kino. E hookomo ana ia i ka ikaika iloko o na mea paahana a pau o ke kino, kela ikaika o ka wa opio, a e hookou ana hoi i ka ikaika ma kekahi ana kiekie. e hooulu hou ae ana i ka ikaika iloko o ke kino a oi aku mamua o ka ma’i maloko a mawaho o ke kino, o ka hua maikai e oili mai ana, oia ka loaa o ke ola maikai i ke kino. Ina e loaa hou ka ikaika iloko o ke kino e like me ke ano mau mamua, a maikai no hoi ka hoohana ana a na mea paahana a pau. aole loa he ma’i e loaa ana i ke kino, ka hia a hiki ole ke hiamoe i ka po, ke emi pu wale mai no o ke kino. k ahaoa ame ka umauma naha, ka lepopaa, ka ma’i o ka opu hoowali ai, oia ka wali ole o ka ai. ke kapalili oka houpo, ka rumatika, ke koko hakuhaku a inoino. ka eha o ke poo. ka haalulu o ke kino, ka nawali mai o ke kino, ka hia-a hiki ole ke hiamoe i ka po, ke emi pu wale mai no o ke kino. ka haoa ame kaumauma naha, ka lepopaa, ka ma’i o ka puupaa ame ka puumimi, ma ka manawa e inu hoomau ai i ka B.B.C., pela pu me na ma’i hoomailo i ke kino no ka manawa loihi. e like me ia i hooiaioia mai e na kanaka lehulehu i ole maloko o Honolulu i ka B.B.C.

Ua kuaiia a ke kuaiia mai nei ka B.B.C. e ka poe kuai laau apau a ma na halekai a na mahiko. Pela pu me kahalekuai a Ah ki & Co, ma ka Makeke Kuai I’a.

Kumukuai $1.00 Kumukuai no kamanawa 6 no ka $5.00.

Na makou e uku na kaki o ka hoouna ana maluna o na kauoha kuike apau o $5.00. Hoouna mai i na kikoo hale leka ame ka hoouna ana aku ia.

Benson, Smith & Co., Ltd., Honolulu, ka poe kuai aku ma o a ma o no ka manawa.
______________________________________________________________________________

Papakuhikuhi o na Halawai a ka Mea Hanohano

Norman Kalanilehua Lyman

e malama ana maua ae o ka

hoea ana mai o na halawai maa

mau a ka Aoao Repubalika.

Augate 31- Po Poaha; kihi o na Alanui Moi me Waiakamilo 7:30., a mauka o ke Alanui Luso.

Sepatemaba 1-Po Poalima; ma Ohua Lane, Waikiki, hora 7:30., a ma ka halekula o Moiliili.

Sepatemaba 2- Po Poaono; Hale hulahula o Laie, Hora 7:30.

Sepatemaba 3- Sabati, ma ka Halepule o Makua.

Sepatemaba 4- Poakahi, ma ka Hale Wili o Waipahu, hora 7:30 p.m., a ma ka Hale Hookolokolo o Manana.

O ka Poe i Holopono ma ka Hoahu Ana

            He nui ka poe i hoomaka e hoahu, a ua haule pahu nae me ka nee ole aku miua.  O ko lakou hoomaka ana e Hoahu Liilii, aole ia he mea nana e hoolilo ia lakou i poe holomua ma ia hana. He hoomaka mua wale ana no ia.

            He alahele maikai nae ia a lakou i hoomaka ai, aka, o kekahi mea ano nui loa, o ia no ka hoomau ana i kekahi hunaguna liilii no ka hoomahuahua ana ae i ka huina mua i hoahuia.

            O ka papa kuhikuhi hoahu holomua loa i ka makou hoomaopopo ana iloko o keia manawa loihi, a makou i lawelawe ai i keia hana, o ia no ka hoohole ana i ka nui o ka mea e hoahu ai i ka pule a mahina paha. Alaila, hoomau i ka hoahu ana ma ia huina. He ano paakiki no i kinohi, aka, he hiki wale no nae oiai kela manao hoomakaulii e pii mahuahua ae ana i kela ame keia wa.

            Aole anei e hiki ia makou ke hoikeike aku ia oe i ke alahele e lilo ai oe i mea hoahu holomua!

            He 4% ukupanee a makou e uku nei no na hoahu liilii apau o ka makahiki.

            Hauoli loa makou i ka lawe ana mai i kau mau hoahu ana, ina no he uuku ia.

Chinese-American Bank

KIHI O NA ALANUI MOI AME NUUANU.

Perfection Home Bakery

Alanui Beritania ma ka aoaoa Waikiki o ke Alanui ea.

Maanei e loaa ai ia oe na Meaono ono loa no ke kumukuai haahaa loa. Na Pai hua, Apala a pela wale aku.

Ua hiki ke hoolawaia no kauoha mai na kuaaina mai.

 

Elua Ano o Ka Anai

Ua hooiaioia aia ma kahi o ka 20% o ka ikaika e haawiia ana i ka huila e poho ana ma o ka nai la mamuli o ka hoohana ana i ka aila pololei ole.

He elua mau ano o keia anai ana- ka anai ana o ka mekala i ka mekala, ma o ka hiki ole ana i ka aila e hookawale i ka aila mawaena o na wahi niniu, a i ole o ka aila i ka aila- o ka anai maloko o na meapaahana.

O ka ma-ku o ka aila, a i ole o ka aila i nele i ka “pakika”- kela ano e pipili aku ai i na wahi niniu, a iloko o ia manawa hookahi, e haawi aku ana i ka anai ana o ka aila- he mea hoopupu ia i ka mana hooholo o kou kaa.

Ke Kino Kupono no ka Hoohana Ana i na wa Apau

Ua hanaia mai na aila mai i waeia, me ka akahele, a i hoomaemaeia ma ke ano akeakamai, e ka makou ano hou loa o ke hoomaemae ana, pela i loaa ai i ke Zeroline ka “pakika”. E pipili ana i a ma na wahi niniu, a iloko o ia manawa hookahi, he uuku loa ka anai, e kokua ana i ka mana o ka enekini.

O ke Zeroline ka mea kupono loa ma na ano apau. I ka wa e wela ai ka enekini, e emi mai ana ka pilikia. Ma ke anaia ana i ke Zeroline, ua hoike mai ia, o ka loli ana iloko o kona kino, el ike me ka wela o ke enekini, e ukali aku ana, ke emi mai o ka pilikia.

Mamuli mai o ko lakou “pakika”, ka mau ame ka maemae, ua haawi mai ka aila Zaroline i ka aila hooma-u maemae, me ke kokua nui i ka haawi ana i ka mana kiekie, ka mama holo ame ka nui o na mile aila o ke kaa.

OI KA IKAIKA ME KA HOLO

EMI KA PILIKIA ME KA ANAI