Ka Nupepa Kuokoa, Volume LXI, Number 35, 31 August 1922 — Hoomakaukau na Repubalika no ka Hoouka Kaua E Wehe Mua Ia Ana ka Halawai Akea a na Moho ma ka Poaono, Sept, 9, ma Aala E HOEA ANA NA MOHO APAU MA IA HALAWAI Makemake na Alakai Repubalika e Lawelaweia ka Hoouka Kalaiaina Maemae [ARTICLE]

Hoomakaukau na Repubalika no ka Hoouka Kaua

E Wehe Mua Ia Ana ka Halawai Akea a na Moho ma ka Poaono, Sept, 9, ma Aala

E HOEA ANA NA MOHO APAU MA IA HALAWAI

Makemake na Alakai Repubalika e Lawelaweia ka Hoouka Kalaiaina Maemae

No ke komo kino ana aku iloko o na hooukĀ kalaiaina, no keia kau koho baloka wae moho e hoea mai ana, e wehe mua ana na Eepubalika i ka lakou halawai makaainana akea, malalo ae nei o Aala Paka, ma ka Poaono, ka la 9 o Sepatemaba ae nei. Ma ia halawai akea i makemakeia ai na moho apau e holo nei no ka ahaolelo lahui, ame ka ahaolelo kuloko, e hoea ae, a haawi mai i ka lakou mau kunou ana imua o na mana koho baloka. • Ma ka hapalua o ka hora ehiku, o ka po Poalima, Sepatemaba 8, ua makemakeia na moho apau ,e akoakoa ae maloko o ke keena oihana o ka lunahoomalu o ke komite hooko o ka Aoao Repubalika, Lawrence M. Judd, no ke kukakuka ana, a no ka hooholo ana i na mea e pili ana i ke ano o kā hoouka ana aku i ke kalaiaina. Ma ka Poakahi iho nei ka hookomo ana aku o Senatoa Charles E. King i kona palapala noi holo moho ,no ke kulana elele lahui, a no kona mau hoa paonioni ,oia o John \Visc ame Norman Lyman, ua komo mua ko laua mau palapala, e kakali wale ana no i ka leo kukala o ka hoouka kalaiaina e hookokoke mau mai nei i kela ame keia la. No Wm. P. Jarrett ame Kauka Raymond, na moho elele Demokarata, ua hook<Jmo laua i ko lau,a mau palapala noi holo moho, nolaila i ka nana aku, o kela wale ae la no na moho e alualu ana no ke kulana elele lahui, ke ole e oili ae kekahi lio eleele, mamua ae o lgi paa ana o ka puka, no ka waiho ana i na palapala noi holo moho. Ma ka uiia. ana aku o Senatoa J. H. Wise, no kona hele e hooikaika kalaiaina, ua olelo ae oia, e hele pu aku ana oia me na moho e ae, a mailuna mai o kahi liookahi, me kona mau hoa moho, e ku mai ai oia e kamailio imua o na mana koho. Wahi ana, he mea maikai, ka hele like ana o na moho i ka wa hookahi, a i hookahi no o lakou manawa>e haiolelo ai, i ole ai e kamailioia na olelo hoinoino, a ina he mau olelo hoinoino kekahi, alaila o kela ka manawa kupono loa e kupale ai kekahi mea nona iho, a ina paha he niau kuhihewa, o kela no ka wa kupono loa e hooponopono aku ai. Ma ka Mokupuni o Kauai ka Hon. Nonnau K. Lyman ame Wm. P. Jarrett, kahi i hoohala ai i kela inau la aku nei ,no ka hooikaika baloka ana iwaena o na mana koho o ka Mokupuni Kaili La, a ia laua e huli hoi mai ai no Honolulu nei, e hoomaka aku ai ke kaahele ana, ma na wahi a laua i hele mua ole ai. ' . j