Ka Nupepa Kuokoa, Volume LXI, Number 36, 7 September 1922 — Pakele Eha Mai Piholo Lakou Iloko o ke Kai Kahuli ko Lakou Waapa Mawaho Ae o Waikiki a Hoomaka Nui e Kahea i Kokua LOHEIA KO LAKOU MAU LEO KAHEA Hoea na Kokua i ka Manawa Kupono Loa a Hoopakeleia Ae ko Lakou Mau Ola [ARTICLE]

Pakele Eha Mai Piholo Lakou Iloko o ke Kai

Kahuli ko Lakou Waapa Mawaho Ae o Waikiki a Hoomaka Nui e Kahea i Kokua

LOHEIA KO LAKOU MAU LEO KAHEA

Hoea na Kokua i ka Manawa Kupono Loa a Hoopakeleia Ae ko Lakou Mau Ola

Mawaho ae nei o Waikiki, ma ka hora ewalu o ka po o ka Poaono aku nei i hala, i pakele mai ai ke ola o kekahi poe eha, mamuli o ke ana o ko lakou waapa, ma 0 ka hoea koke ana aku o na kokua 1 ka wa pono. O na kanaka no lakou na ola o ka hoopakeleia ana, oia o Joseph S. Meyer, A. T. Watson, G. Brown ame Don Gould, a o ka poe lioi na lakou i hoopakele, oia o J. A. Gillman, Kapena Kahanamoku, ame kona poe kanaka. Mai ke awa ae nei o Kalihi, ka holo ana o kela poe maluna o ko lakou wanpa, a i ka hoea ana ma Waikiki, mawaho pono aku o kahi o Gray, ua po'iia ko lakou waapa e kekahi nalu nui, o ka huli no ia. Ma ka manawa i kahuli ai o kela waapa, ua lana kela poe eha, iloko o ke kai, me ko lakou paa ana nae i ka waapa, a noke nui mai la i ke kahea i na kokua iuka nei o ka aina.

No ko lakou manno nae, aole paha i loheia ko lakou kahea, ua hoomaka nui mai la i ka au iuka, me ka haalele ana i ko lakou waapa. 0 kahi nae o ka laki, ua loheia ka leo kahea o kela poe poino, no na kokua e J. Atherton Gray, ka mea a'o kinipopo peku wawae o ke Kula McKinley, oiai oia ma kona home, ma ke alanui o Kaiia, a nana i kelepona aku i ke Kalapu Outrigger Canoe, il'o ka ia David Kahankmoku, amo kona mau keiki, e hele mai e hoopakele i kekahi poe poino. Me ke kakali ole aku nae, i na hoopakele ana a Kahanamoku ame kona mau hoa, ua kau iho la o Gillman ame kekahi mau opio e ae elua, maluna o ko lakou mau papa heenalu, a au aku la iwaho o ka hohonu, ma kahi o ka leo kokua, a lakou i lohe aku ai, a iloko no hoi o kela manawa hookahi, ua kau ao la o David Kahanamoku, ame kona poe keiki, maluna o na'waa, a liolo aku la nowaho o ka hohonu. Ua loaa e aku la na kanaka poino, i na waa, a hookauia ae la iluna, me ko lakou hoihoiia ana mai nouka o ka aina, a i ka hoea ana aku hoi o Gillman, ame kona mau hoa, no kahi o ka waapa e lana ana, ua kolo mai la lakou i ka waapa nouka. He hookahi kumu o ka maalahi, o ka hoopakeleia ana o kela poe, o ia no ka lohe koke ia ana o ko lakou leo kahea, ina paha i ke aumoe kela kahuli ana o ko lakou waapa he hana pohihihi, ka hoopakele ana ae ia lAkou.