Ka Nupepa Kuokoa, Volume LXI, Number 36, 7 September 1922 — Lawe na Luna Oihana i ka Laua Hoohiki Noho o Henry C. Hapai ma ke Kulana Puuku a o John Matthewman ma Kona Kulana KOHO AE LAUA I KO LAUA MAU KOKUA Hoounaia Aku na Inoa o na Kokua no ke Apono Ana Mai o ke Komite Kuwaena [ARTICLE]

Lawe na Luna Oihana i ka Laua Hoohiki

Noho o Henry C. Hapai ma ke Kulana Puuku a o John Matthewman ma Kona Kulana

KOHO AE LAUA I KO LAUA MAU KOKUA

Hoounaia Aku na Inoa o na Kokua no ke Apono Ana Mai o ke Komite Kuwaena

Ma ke kakahiaka o ka Poalima aku nei i hala i lawe ae ai ka Puuku Henry C. Hapai ame ka Loio Kuhina Matthewman i ka laua hoohiki oihana, no ka lawelawo ana aku i na hana oloko o ko laua mau keena pakahi. Na ke kakauolelo a ke kiaaina John Stone i hoohiki i ka Loio Kuhina Matthcwman a na kekaM hoi o na noteri maloko o kona keena i hoohiki i ka Puuku Hapai. No ka lawe ana ae i na kulana i hoohakahakaia iho ma o ka waiho ana mai o na hope, o ka loio kuhina mua, a pela hoi ko ke keena puuku i hoouna ae ai ka Loio Kuhina Matthewman i ka inoa o Harry K. Hewitt, ka hope loio kulanakauhale elua mamua, no ke aponoia mai i hope loio kuhina, imua o 'ke komite kuwaena Repubalika; me ke apono ana 0 ke komite i kela inoa ihe ka lokahi. Ma ka aoao hoi o ka Puuku Hapai ua hoouna ae oia i ka inOa o Edward S. Smith, ma ke ano, oia Ke pani ma ke kulana kahiko i paaia e ua o Hapai, a o William D. Holt ka mea 1 pani r.e i ke kulana i hoohakahakaia iho e Edward S. Smith. Mawaho ae o kela mau hookohu oihana, a ke komite kuwaena Eepubalika i apono aku ai, ua apono pu ia ae na inoa a. k(i Lunakanawai Apana Soares, i hoouna ae ai i mau limahana noloko o kana aha. Ua haawi pu aku kela komite 4 ke apono ana uo' ka nrāi x> Mrs. Lota o Hanalei, Kauai, i lunaleka no Hanalei, a ua hoounaia aku kela hoike i ke keena o ka oihana leka ma Wakinekona.