Ka Nupepa Kuokoa, Volume LXI, Number 36, 7 September 1922 — HE AHA HOOKOLOKOLO ANO HOU LOA [ARTICLE]

HE AHA HOOKOLOKOLO ANO HOU LOA

E hoakaka ana kekahi meahou o na aina e, i ko kukuluia ana mai nei he aha hookolokolo ano e loa, i ike mua ole ia ma na wahi e ae o ka honua nei, ma Hammonton, Nu Jese, a ua kapaia aku ka inoa o kela aha hookolokolo, ka aha hookolokolo o ke aloha, maloko o kela aha e hoea

ae ai na kane amo na wahino, e makemake ana i kokoolua no lakou, no keia ola honua ana. He hookahi haneri m«iu kane a he haneri mau wahine, i hoea aku imua o kela aha, no ke noi nna i kokoolua no lakou pakahi, aka nae, iloko o ka la mua loa o ka noho ana o kela aha, he elima wale no mau kane i loaa ka lakou mau wahine. Elike no me na aha hookolokolo e ae, he lunakanawai ka mea nana e hoomalu, pela no kela aha, eia nae he wahine ka lunakanawai, a he aha kiure kekahi, o ehiku lala, he ekolu 0 kela mau lala, oia ke poo o ka oihana makai, he koa kahiko, he mea kelekalapa ame eha mau wahine. Iwaena o ka poe a kela aha i ae aku ai i ka lakou mau noi, e loaa he mau hoa no lakou, he kanaka o 62 makahiki, ka i haawiia aku i kano na kekahi makuahine o 43 makahiki; ua waeia ao hoi kekahi kanaka hana pahu kupapau i kane na kekahi kahu malama ma'i; he koa ikiai ka i waeia i kane na kekahi wahine i moku me kana kane mua; he wahine kane-make ka i kohoia i kokoolua no kekahi kanaka pena, a he kaikamahine opio, he u'i no na mauna, ka i kohoia i wahine na T. B. Delkner, ka mea nana i hookumu 1 kela aha hookolokolo. Ma ka moolelo o kela aha hookolokolo, he 1100 ka nui o na wahine i hoolakoia aku me na kane, o ka wahine opiopio loa, he 18 makahiki, a o ka mea kahiko loa, he 69 makahiki. O ke kane opiopio loa he 2o makahiki, a o ka mea kahiko loa he 79 makahiki. No kela mau wahine mua loa elima a ka aha i hooholo aku ai i ka lakou mau kane, ua a'oia aku lakou ina lakou e ike ana, aole i kupono kela mau kane, alaila iloko o na pule elua e waiho mai ai* i ka lakou mau palapala noi, no ka hoolohe hou ana i na mea i pili i ko lakou mau pilikia. HTEXARKANA, Aug. 31.—Ehiku mau alah&ka o ke alahao kaaahi Ba. Louia ame Southwestern i a ia e ke ahi.ma ka po aku la i hala, elike me na lono i loaa mai ianei.