Ka Nupepa Kuokoa, Volume LXI, Number 36, 7 September 1922 — AHEWAIA NO KA HOOKOMO MAI I KA PU. [ARTICLE]

AHEWAIA NO KA HOOKOMO MAI I KA PU.

No ke ku-o i ke kanawai, o ia ka loaa ole iaia he laikini, i paa ae ai he Pilipino no Aiea i ka hopuia, a maloko o ka aha apana o Pearl City i ahewaia ai oia, ma ka Poalima nei, me ka hoopaneeia nae o kona hoopa'i, no ke kumu, o keia kona hewa mua loa i hopuia ai. Ua loaa ka hoohuoi i ka lunaleka o Aiea ae nei, no kekahi mau puolo 0 ka hoounaia ana mai maloko o na ekeleka, mai Amerika mai, no ia manao hoohuoi i hoiko mai ai oia i ka lohe, i na luna oihana o ke aupuni, a ma ka-weheia ana o kela mau puolo i hoohuoiia i loaa aku ai he umi-kumamakolu mau pu panapana. Ma ke kanawai o Hawaii nei, ma na mea e pili ana i ke kuai ana i na pu panapana, e koi ana ia e kii mua aku ka mea i makemake e malama i pu nana, i laikini nona, a aole hoi e hiki i ka mea malama pu ke kuai mai i kekahi pu i ka mea noi aku, ahiki i kona ike ana i ka palapala ae e kuai, mai ka mea makemake aku e loaa ka pu panapana iaia. Oiai nae, o kela ka manawa mua loa i ikeia ai o ka hookomoia ana mai o na pu panapana, ma o na kau- | oha la, maloko o ka haleleka, ua hoopaneeia ke kau ana mai a ka llunakanawai i ka hoopa'i maluna o 1 kela Pilipino. M&muli o ka nui o ka poe. malama i na pu panapana, me ka loaa mna ole ia lakou o na palapala ae, e malamai na pu, i hooholoia ai he kanawai o keia ano; a o kekahi kumu no hoi, o ka hooholoia ana o kela kanawai, i hiki ai i na makai, ke maopopo i ka poe kupono e ma-

laina i na pu panapana ame ka poe kupono ole. Mamuli nae o keia kanawai i hoomaalahiia ai ka hana a na makai, i kekahi manawa, ma o ka hiki ana ia lakou ke hookolo aku, ahiki i ka loaa pouo ana o ka poe na lakou kekahi mau pu panapana ma kekahi mau hihia pohihihi.