Ka Nupepa Kuokoa, Volume LXI, Number 36, 7 September 1922 — KAUIA KA HOOPA'I MAKE MALUNA O MAHUKA. [ARTICLE]

KAUIA KA HOOPA'I MAKE MALUNA O MAHUKA.

Maloko alia a ka Lunakanawai Kaapuni Banks, ma ka Poaono aku nei i hala, i ae okoa ae ai o Thomas Mahuka, no kona pili i ka hewa pepehikanaka, no ia kumu, i kauia mai ai ka hoopa'i maluna ona, e noho oia maloko o ka halepaahao, no ka manawa i koe o kona ola ana ma ka honua nei. . Ma ka po o ka la 19 o ka mahina 0 lune aku nei i hala, i pepehi aku ai o ThomaB Mahuka, i kana wahine a inake, ma ke oki ana i kona puu me ka pahi umiumi, mahope iho o ka hoi ana mai o ka wahine, mai kana hana mai. No ke kukonukonu loa o kahi 1 moku ai i ka pahi umiumi, ua make koke o Mrs. Fannie Mahuka, mahope iho o ka hanaia ana aku o ke karaima maluna ona, e kana kane, a holo aku o Mahuka e pee ma kela po, aka ma kekahi la mai, i paa ai oia i ka hopuia. Ma ka noho ana o ke kiure kiekie, e ninaninau i kona hihia, i loaa ai i kela kiure ka hoopii hoahewa, e ku-e ana iaia, o ia no kona pili, ma ma ke degere ekahi o ke karaima pepehikanaka. Aia ka makuakane o Thomas Mahuka, oia o John Mahuka, maloko o'ka halepaahao kalii i noho hana ai, ma ke ano he kiai; nolaila ua ili aku ke ko'iko'i, o ke kiai ana mai i ke keiki, ma kona ano he paahao, na ke kanawai, maluna o kona makuakane ka mea e hooko mai i ke kānawai, me ka hana ole ia o ka pili ohana. — :—