Ka Nupepa Kuokoa, Volume LXI, Number 36, 7 September 1922 — AKAHI AHIKI I NA WAHINE KE HOLO MOHO [ARTICLE]

AKAHI AHIKI I NA WAHINE KE HOLO MOHO

O ka nuhou nana i hoohauoli mai i ka manao o na wahine 0 keia Teritore, o ia no ka hoike, o ka loaa ana mai i ko kakou kiaaina, a i ka Elele Baldwin, i na la aku la o ka pule i hala, no ka hooholo ana mai nei o ka aha senate, i ka bila kanawai a ka Elele Baldwin, e haawi ana i ka mana ame ke kuleana 1 na wahine o keia Teritore e paa i na kulana oihana kohoia c ka lehulehu, a ma kekahi olelo ana ae, e hookau like ana i na wahine, me na kane, ma na kulana oihana aupuni apau. He bila kanawai keia, e hoololi ana i ke Kanawai Kumu o Hawaii nei, ma kahi i pili wale no, i na makaainana kane, ka mana e lawelawe aku i na kulana oihana kohoia, a hookohuia aku paha, e haawi like ana ia kuleana i na wahine e paa i na oihana iloko o ko kakou hooponopono aupuni kuloko ana. He hookahi wale no keehina i koe e kauka'iia aku nei, o ia no ke kakauinoa mai o ka Peresidena o Amerika Huipuia, o ka lilo no ia i kanawai; a kakou nae e hopohopo ole ai, no ke apono mai o ka Peresidena Harding, no ka mea, aole oia i noho pouliuli i na makemake o na makaainana o Hawaii nei, ia no ka ukali mai o ke kuleana paa oihana, me ke kuleana koho haloka. He mau moho wahine kekahi o kakou, e holo mai ana no na kulana oloko o ak hale o na lunamakaainana, o ka ahaolelo kuloko; īna nei no ko lakou waeia ae, ma ke kau koho haloka c hoea mai ana, a koho maoli ia aku hoi a puka, ma ke koho laubi o Novemaba ae nei, aole a lakou hopohopo ana ma na nno apau, aka ua malaelae ke alahele, a ua maloeloe hoi ke kahua, c hooko aku ai i nA hana, no ka pono o ka lehulehu, 0 na makaainana koho balbka, o keia Teritore. Mahope iho o ka hooholoia ana mai o ka hoololi kumukanav.*ai o Amerika Huipuia, e haawi ana i ka mana koho baloka i n.i wahine apau o Amenka a ma Hawaii nei, ua ku ae kekahi mau wahine o kakou, a holo he njau moho no ka ahaolelo kiiloko. a no ka ahaolelo lahui; ua hoakaka aku keia pepa, i kona manao, no ko lakou hiki ole ke holo moho; ua hookahuaia hoi ia ku-e ana a keia pepa, malalo o ka manao o ka hoololi kumukanawai; a ina ua manaoio ole na mana koho o keia Teritore i na manao hoakaka o keia pepa ia manawa, alaila ua hoea mai 1 ka i au loa ana o ko lakou hoomaloka,' mamuli o ka hoike i hoounaia mai i Hawaii nei, o ia hoi, akahi no ahiki i ria wahine ke holo moho, a ke paa aku i na kulanā oihana a lakou e alualu nei. ina no ka lilo mai o ka bila a ka Elele Baldwin, i kanawaiKe manaoio nei ke Kuokoa, aia iloko o kekahi poe wahine o kakou, he poe oi aku o ke kupono, e lilo i poe hana kanawai, mamna o kekahi poe kane, no ia kumu, # i ka-ua aku ai keia pepa, i ko kakou mau wahine, o na kau koho.wae moho ae nei i hala,e hoomanawanui, aohe nae wahi maliua mai, o ia leo uwalo; o na mea i lawe hele ia ku e haiolelo, ma na wahi e inalamaia ai o na halawai kalaiaina, o ia no ke a'o hewa o keia pepa; o ka mea nae nana i hookahaha mai i ka manao, o 5a no ka ike hou ole ia aku o kela mau wahine e holo moho ana, malia paha, ua ike i ka hopena o ko lakou mau manao ohohia uluahewa, a hoopau loa i ka hoikeike hou ana mai imua o ua mana koho baloka. Aole no he mea liilii ka holo moho ana no na kulana oloko 0 ko kakou ahaolelo kuloko, ua alualu wale aku no kekahi poe e kakou, no ka hanohano o kela oihana; ua alualu aku hoi kekahi poe, no ka imi ana i ko lakou mau pomaikai iho; aka nae aia no he poe, i alualu aku, me ka manaoio, e hana mai i na hooponopono ahaolelo kaulike, ma na mea a lakou i ike maoli ilio ai no i ka hemahema, a kupono ole o na kanawai e ku nei 1 keia manawa, no ka hana mai, a lilo i mau kanawai, e pono ai. na mea apau. Oiai nae, akahi a wehe hamama ia ae ka puka, no na wahine e paa aku ai i na kulana oihana maloko o ko kakou ahaolelo . : <uloko, a ma na papa kiure paha o kakou, ke iini nui nei ke Kuokoa, e loaa maoli ka naauao ai#e ka makaukau i ko kakou jrau makaainana wahine, ma na hana kalaiaina, me ia kau auanei e kokua nui ia mai ai ka lakou mau lawelawe hana ana maloko o ka ahaolelo, a ma na kulana oihana e ae, a lakou t alualu aku ana. Eia ka Ahahui o na Wahine Koho Baloka, ke ku nei ma keia kulanakauhale, a ua makemake kela ahahui i na wahine apau. e lilo i mau lala no ia ahaliui, aole no ka lealea wale no, e komo aku iloko olaila, aka no ka hoonaauaoia mai, i na makaukau apau, i pili i ka hana kalaiaina; nolaila he mea pono i na wahine, e manao ana e alualu i na kulana oihana, e loaa ia lakou na hoonaauao mua ana, ma na ninau kuloko apau, a i ko lakou lilo i'o ana aku i mau hoa noloko o ka ahaolelo, aole lakou e noho mumule wale aka, e lilo ana lakou i poe noonoo. i ka lakou mau mea apau e hana aku ai, e haaheo ai na wahine, no ka hiki, i ko lakou poe kupono, ke paa i kela mau kulana. me ka hanohano, ame ka mahaloia. l"a kamailio nui ia na wahine, i ka poe ikaika wale iho no ma ka walaau, he oki loa ma ka hana; e kapae loa oukou ika «.iaio o kela mau olelo, ma ko oukou hoonaauao mua ana ia oukou iho. i na loina apau o ke kalaiaina, a e loaa aku hoi na ike laula ia oukou, no ka hookele aupi'mi Teritore aole .. ka pono noho wale iho no, elike me kekahi poe kane, ka < kuu wale iho no iloko o ka ahaolelo, a kauka'i aku na ha'i t hnawi mai i na bila, alaila hookomo aku iloko o ka ahaolelo, me ka hiki ole ke kokua, a ku-e paha i ka hpoholoia o kela bila, mamuli o ko lakou noho pouliuli.