Ka Nupepa Kuokoa, Volume LXI, Number 36, 7 September 1922 — Lawe i ke Ola no ka Nui o ke Aloha i ka Ipo Inu he Kaikamahine i ka Laaumake no ka Ae Ole o na Makua laia e Mare HOLO MAHUKA MUA OIA ME KANA IPO Ukali Nae ka Make Mahope o ka Hoi Hou Ana me na Makua Ae Ole i Kona Iini [ARTICLE]

Lawe i ke Ola no ka Nui o ke Aloha i ka Ipo

Inu he Kaikamahine i ka Laaumake no ka Ae Ole o na Makua laia e Mare

HOLO MAHUKA MUA OIA ME KANA IPO

Ukali Nae ka Make Mahope o ka Hoi Hou Ana me na Makua Ae Ole i Kona Iini

No ka nui loa o ke aloha o kekahi kaikamahine Kepani no kana ipo, a hui pu iho, me ka hoole o kona mau makua, aolo oia e mare me ka mea ana i aloha ai, i lawe okoa ae ai o Hatsuse Saiki, i kona ola iho, ma ka inu ana i ka laaumake ma ke kakahiaka o ka Poakolu o ka pule aku nei i hala. He kaikamahine Kepani kela nona na makahiki he 38, ke kaikamahine hookahi wale iho no a M. Saiki, he Kepani lawe aelike e noho ana ma ke alanui ololi Aala, a o kona wahi i lawe ae ai i kona ola, ma ka home no ia o na makua o kana ipo aloha, lie keiki Kepani nona na makahiki he 20, ma ke alanui Lisbon. I kulike ai me ka nioolelo e pili ana no kela mau Kepani opio, he eono mahina ae nei i hala, mamuli paha' o ka nui o ko laua aloha kekahi no kekahi, ua hooholo like iho la laua, e noi aku i 'eo laua mau makua, no ka hoohui ah., iloko o ka berita o ka mare, eia nae ua hooleia mai la ia makemake e ko laua mau makua. No kela kumu, ua haalele aku la laua i ko laua mau hoine pakahi, no kekahi mau la lehulehu, eia nae mamuli o na hooikaika ana a ka Makaikiu MeDuflie, ua loaa aku la ko laua ~w ahi e noho ana, a koiia aku la laua, e hoi no ka home o ko laua mau makua. Ma ka hora eono a oi o ke kakahiaka o kela Poakolu, ua haalele iho la ke kaikamahine opio i kona home, a hele aku la no ka home o kana ipo, me ka hui kamailio ana, me ka makuahine o ke kanaka opio no kekahi mau minuke, a mahope mai o ia manawa, i komo aku ai oia noloko o ka rumi auau, no ka inu ana i ka laaumake, alaila liemo hou mai la noloko o ka rumi hookipa.

Oiai, ua nui ka laaumake i komo iloko o kela kaikamahine, mc ka ike mua ole ia, ua hoiko okoa mai la kona helehelena, i ke kulana kupilikii, a i ka ike ana aku o ka makuahine o kana ipo aloha, i kela kulana, ua kelepona koke mai la oia i kekahi o na kauka Kepāni, eia nae aohe mea hiki ke hana aku, ua kikoo e mai la ka make iaia, a ua pau hoi kona auwe ana, i na liana hooluhi a ke aloha wela.