Ka Nupepa Kuokoa, Volume LXI, Number 36, 7 September 1922 — E Hiki Anaina Wahine Maanei ke Paa Oihana Hooholo ka Aha Senate i ka Bila a ka Elele Baldwin no ka Paa Oihana o na Wahine O KE KAKAUINOA O KA PRES. KA MEA I KOE Manaoia e Lilo Ana ka Bila i Kanawai ma ka Manawa e Pau Ai ka Waiho Inoa Ana [ARTICLE]

E Hiki Anaina Wahine Maanei ke Paa Oihana

Hooholo ka Aha Senate i ka Bila a ka Elele Baldwin no ka Paa Oihana o na Wahine

O KE KAKAUINOA O KA PRES. KA MEA I KOE

Manaoia e Lilo Ana ka Bila i Kanawai ma ka Manawa e Pau Ai ka Waiho Inoa Ana

0 ka nuhou hauoli no na wahine o Hawaii nei, o ia no 'Ita loaa ana mai o ka lono i keia kulanakauhale, ma ka Poaha aku nei i hala, e hoakaka ana, no ka hooholo ana mai nei o ka ahaolelo lahui, i ka bila a ka Elele Baldwin, e haawi ana i na wahine o keia Teritore i ke kuleana e paa i na oihana aupuni, elike m,e ke kuleana paa oihana i loaa i na kane. Mahope koke iho o ka hooholoi.a ia ana o ka bila iloko o kr. aha senate ua lioounaia aku i ka Peresidena Harding, no kona kakauinoa ana mai, e lilo ai i kauawai, a ua manaoia e kakau mai ana oia i kona inoa mamua ae o ka paa ana o ka manawa no ka waiho ana i nā palapala noi holo moho, o na moho e holo nei no ka aliaolelo kuloko. Ma keia bila i hooholoia mai la, e haawi ana ia i ka mana i na makaainana wahine o keia Teritore, e paa ai i na kulana lunamakaainana a senatoa paha, noloko o ka ahaolelo o Hawaii nei, pela lioi ke kulana elelo lahui i Wakinekona, ame na kulana oihana iloko o na kalana, a mau hoa hoi no ka papa kiure. 1 ke Kiaaina W. K. Farrington ka hoike o ka hoounaia ana mai Wakinekona mai, a pela no hoi i ka Elele Baldwin, mai kana kakauolelo mai; a mahope iho o ka loaa ana mai o kela lohe i ka Elele Baldwin, i hoouna leoke aku ai oia i ka meahou i Kauai, Maui ame Ha-

*vaii, i hoopauia ae ai na manao kanalua, iloko o kekahi poo wahine e manao ana e holo moho no keia kau kolio wae moho e hoea mai ana. Ma ka hoololi kumukanawai o Amerika Huipuia, e pili ana i ke kuleana kolio baloka o na wahine o Amerika, a hoea loa mai i Hawaii nei ,aole ia e haawi pu ana ia lakou, i ke kuleana e paa ai i na kulana oihana kohoia e na makaainana; akahi nae a loaa ia lakou ia kuleana, ua hooholoia mai la ka bila a ka Elele Baldwin, ka mea a na Repubalika, ma o kekahi olelo hooholo la, i aponoia e ka Repuhalika i hala, i waiho aku ai maluna ona, no ka hooikaika ana aku e hana i na hooponopono ahaolelo, e hookoia ai ia iini. Oiai nae, ua weheia ae la ka ipuka a hamama, no ke kuleana o na wahine e holo i mau moho no ka ahaolelo, a no na kulana oihana iloko o na kalana, pela lioi i ka ahaolelo lahui, i ka nana aku, e oni mai ana na wahine ma keia mua aku, no ke paonioni ana me na kane, ma kekahi mau kulana ano nui, iloko o na aupuni kalana lehulehu.