Ka Nupepa Kuokoa, Volume LXI, Number 37, 14 September 1922 — Makaukau na Demokarata no ke Kahua Kaua Ma ka Po o ka Poaono, Sept 23, e Wehe Ai na Moho i Halawai Akea ma Aala Paka AKOAKOA KE KOMITE KUWAENA ME NA MOHO Kauia ka Auhau Maluna o Kela me Keia Moho no na Hoolilo Hakoko Kalaiaina [ARTICLE]

Makaukau na Demokarata no ke Kahua Kaua

Ma ka Po o ka Poaono, Sept 23, e Wehe Ai na Moho i Halawai Akea ma Aala Paka

AKOAKOA KE KOMITE KUWAENA ME NA MOHO

Kauia ka Auhau Maluna o Kela me Keia Moho no na Hoolilo Hakoko Kalaiaina

No ka ukali ana aku niahope o ke alahele o na Repubalika, i noho ae ai ka halawai a ke komite kuwaena Demokarata, me kekahi mau moho, ma ka hora eliiku a oi o ka po o ka Poalua nei, no ke kukakuka ana i ke ano o ka hoonee ana aku i na hana hakoko kalaiaina, iloko o keia mau la e hoea mai ana. O keia ka elua o ka manawa o ka noho ana o ke komite kuwaena Demokarata, ua hopaneeia ka noho mua ana, no ka loaa ole o ka liapanui o ke komite, a aolo no i loaa ka hapanui o ke komite, ma keia halawai elua ana, aka nae, no ka hiki ho.u ole ke hoopnnee, ua noho no na lala o ke komite i akoakoa ae, a hoonee i na hana imua. Ua hoea pu ae kekahi mau moho o ka ahaolelo kuloko, ma kela lialawai a ke komite, a ua aponoia, na mea apau i kukakukaia ma ia po. Mai* waena mai o na moho he umi, no ka hale o na lunamakaainana, mai ka apana elima mai, he eha mau moho i hoea ae, a he ekolu hoi mau moho lunamakaainana, mai ka apana elia mai, a ua akoakoa ae na moho senatoa eha, ma ia halawai, aole nae i hoea ae he moho no ke kulana elele lahui. Ua noho hoomalu ia kela halawai a ke komite e loela Kiakahi, a na George Kekoa Ah Nee, i hoakaka mai i ka manao nui o ke kaheaia ana' o kela halawai, o ia na ka noo ana, ina paha he mea. maikai ke koho ana i kekahi lunanui, a malalo o kana hooponopono ana, e lawelaweia ai na liana haiolelo a na moho. Ua hoakaka mai oia i kona manao maoli, no na hoolilo o na moho, o ia ka auhau ana i $10 no na moho lunamakaainana; i $25 pakahi no na moho senatoa, a i $50 pakahi no na moho elele lahui.

Ua hoolioloia kela manao o Mr. AK Noe, me ka lokalii, me ka hoohalahala nae o D. E. Metzger, kekahi o na moho senatoa, no ka nui loa o ka auhau i kauia no na maho se- : natoa, aka mahope o na hoakaka ana, i ke kumu o ka hoomahuahuaia ana o ka lakou mau dala c uku ai no na hoolilo, ua pau na kamailio ana, no kela ninau. Ua hooholoia no hoi ma kela halawai, e lilo ka Hope Makai Nui Julius ABch, i lunanui, nana o hookele i na hana haiolelo a na moho, me ke kohoia ana o kekahi komite, oia o (Jeorge Holt, Sr., ame A. E. Carter no ka hui kino ana aku m*? ka Hope Makai Nui Ash. Ua nui na kamailio mai na laiu mai o k» komito a mai na moho ae no hoi, no ka manawa e hoomak:! aku ai i na hana haiolelo a na mohu, aka nae o ka mea i hooholoia, o ia no ka malama ana he lialawai akon ma Aala Paka, ma ka po o ka Poaono, ka la 23 o keia mahina, o ka manawa ia e hoomaka aku ai na moho, i na hana haiolelo, ahiki i ka wa o malamaia ai ke kohq baloka wae moho. Ua koho pu ia nia kela halawai, he komite, no ke noi ana i na kokua, pili dala, no na hana kalaiaina; o na lala o kela komite oia na Lunakiai McClellan, ame Petrie, M. H. Santos, ka Meia Wilson ame $tephen Gump£er. O na moho i akoakoa ae ma kela halawai a ke komite; no ke senate:— Curtis P. laukea, Ingram M. Stainback Delbert E. Metzger ame A. S. Robertson. No ka hale o na lunamakaainana, mai ka apana eha mai:—Mrs. Annie K. Woolsey, D. Prinkle ame Chas. Lake. Mai ka apana elima mai:—Jesse Uluihi, George, George Holt, Jr., George Ah Nee ame Kim A. K. Ching.

Na lala o ke komite: —loela Kiakahi, A. E. Cartef, Edward Hanapi, George Holt, Sr., George Ah Nee, Albert C. Harris ame William P. Bt. Clair.

LOB ANGELES, Sept. 10.—O ka laina mokuahi hou mawaena o Los Angeles afne Honolulu e hoohanaia aku ana ia ma ka la apopo i ka manawa a ka mokuahi Los Angeles e holo aku &t no na awakumoku o Hawaii me 300 a oi aku mau ohua o Kaleponi Lalo, komo pu me ka Meia Cryer o Los Angeles ame kekahi mau makaainana koikoi e ae.