Ka Nupepa Kuokoa, Volume LXI, Number 37, 14 September 1922 — O MALIA LANAKILA MOKIHAHANA FERNANDEZ UA HALA. [ARTICLE]

O MALIA LANAKILA MOKIHAHANA FERNANDEZ UA HALA.

E' ka Lunahooponopouo o ke Kuokoa; Aloha nui:—E oluolu mai i kekahi kowa o kau pepa no kela moolelo walohia, i ike mai ai hoi ia o na makamaka ame na hoaloha o Mrs. Malia Lanakila Pokaakua Pemandez, ka wahine i aloha nui ia a Antone Pemandez (Akoni) kaikaina o Aberahama Fernandez ame Nagran Fernandez o keia kulanakauhale, ua hala oia ua moe aku i ka moe kau a moe hooilo, ua hele palanehe aku la ka ukane ma ke ala koikua a kane, a nona hoi makou e u na ole ae nei i ke ao ame ka po me ka minamina ame ke aloha poina ole. No na la he 15 koni- hoomailoia ana e ka ma 'i io ulu iloko o ka naau, ame kekahi ma'i e ae, elike me ka ike a na kauka, a oiai ua kukonukonu ka ma'i me ka ikaika loa e liiki ole ai ke kaohi nai i ke ola me ka mana o ka laau ame ka ike 0 ke kanaka, ua aili ae la kona hanu hope loa maloko o ka home o kana kaikamahine hanauna Mrs. B. H. Attwood o ke Alanui Moi Hema ma ka hora 5:30 o ka auwina la Poalua uku nei, Sepatemaba 5, 1922. Maloko o Honolulu nei i hoopu- v kaia mai a.i oia i keia ao inea mai ka puhaka mai o Mrs. Hana Lyman Kamaka o Hilo, o kona makuakane oia ke kueno nui a ka Moi Kalakaua, he barona Kelemania, o Von Oelho£fen, a o Robata hoi kona inoa 1 kamaaina loa ia e na mea apau i ike iaia, ma ka la 9 o lune, 1873, a iaia i moe aku la ua piha iaia na hooilo ame na kau he 49, 2 mahina me 26 la keu. I kona mau la opio ua-iilo oia ma ke ano he kaikamahine hanai na ka Moiwahine Kapiolani ame Pomaikalani, a v e lawe hele mau ia ana no hoi oia ma na wahi apau a na aliiwahine e hele ai ma na mokupuni; mai ka 6 mahina mai o kona hanau ana kona lilo ana i hanai na na aliiwahine ahiki i ka piha ana o ka 21 o kona mau makahiki, a mare aku i ke kane. I ka mahina o Feberuari o ka 1895 kona hoohuiia ana ma ka mare me Antone Fernandez. Iloko o kona mau la opio he punahele oia imua o ke alo alii o ka oi aku, na ka Moiwahine Kapiolani, a imua o ke alo alii i a'oia ai oia i ka himeni ame ka paani ana i na meakani like ole, a oia ka mea nana i haku i na mele kaulaAa Maunaloa ame Maunakea, e himeni mau ia mai nei. ,He mau pule kakaikahi i hala 'i hoomaka ai oia e haku i kekahi mele hou, a oiai oia e kakau ana i hoomaka ai oia e loaa i ka ma'i a o ia ma'i no a hala aku la.

Ua haalele iho oia ma keia ao he lehulehu o kana mau mea aloha, oia kana kane Antone Fernandez he kaikamphine o Hannali Fernandez, he kaikunane o George Ulukou Oelhoffen me na hoahanau a mau kaikunane hapa a pela lioi na hoaloha ame na makamaka he nui a lehulehu.

He lala oia no ka Aliahui Hale 0 na Alii o Hawaii a malalo o na hooponopono ana a ia ahahui kona anaina hoolewa. Maloko o ka halepule Katolika Koma i malamaia ai kona anaina hoolewa ma ka hora 3:45 auwina la Sabati Sept. 10. No ka ike ana iho i kona helehelena no ka manawa hope loa ua aeia na hoaloha na makamaka ame na mea apau e ike mai ka hora 5 auwina la Poaono, Sept. 9, ahiki i ka hora 3 o ka auwina la Sabati Sept. 10. Ua ku kiai na lala.o ka Ahahui Hale o na Alii mai ka hora 8 a ka hora 9 o ka po Poaono. Ke haawi aku nei ka ohana o Mrs. Malia Laaakila Pokaakua Fernandez i na hoomaikai piha i na hoaloha ame na makamaka apau i hawi mai 1 na pua nani no ka hoonani ana i ke kino wailua o ka makou mea aloha a pela pu hoi me ke komo ana mai e kumakena pu me makou iloko o na hora kupouli a ke aloha, a na na lani e kiai pakahi mai ia kakou apan. ANTONE FERNANDEZ, ame ka Ohana.