Ka Nupepa Kuokoa, Volume LXI, Number 37, 14 September 1922 — KA OIAIO O NA OIAIO. [ARTICLE]

KA OIAIO O NA OIAIO.

I ka Lunahooponopono o ke Kuokoa: —E oluolu oe e hookomo iho i keia wahi manao malalo iho nei: Eia ka Moho Elele Laimana ma Oahu nei i keia mau la, a ua lohe au i kana mau haiolelo, a no ko'u ike, ua nui na mea ana i hoike mai ai i ku ole i ka pololei, ua makemake au e hoike aku i kekahi, i na mana koho baloka o ka aina. Ke olelo nei oia ma kana mau haiolelo, nana ka i wehe ka aina o Waiakea, a loaa ka j na makaainana he 282 ko lakou nui, e ole ka oia, loaa na home ame na aina kanu ko oia poe. \ Maikai ina nana io ia mea i liana a kohu la hoi ke kaena ana iho. Eia ka pololei ame ka oiaio. He palapala noi ka i hoouna ia mai i ke Kiaaina Pinkham ame na Komiaina 0 nai aina aupuni, i kulike me ke kanawai hookuonoono aina, a mamuli o kela palapala noi, i weheia ai o Waiakea, a loaa na home hookuonoono. Aohe kumu e ae, a ua Ike no ka lehulehu i keia. 0 ka moho e hoike mai ana nana 1 hana, Ho alakai hewaia. Nolaila 0 Nomana Laimana e, uwoki oe i kau alakai ano, na ke kanawai > hoamana ina makaainana he 25, o ne» i k« Ujwni, o mamuU o ka hahaiJft am e kg kanawoi « kekahi mau

makaainana o Hilo, pela i weheia ai kela mau aina; aole na ke kanaka hookahi. Eia nae hoi, o kou ano no ia i kamaaina ia, he pulapu kau hana ike, elike me ke olelo a kahi Pake o ka makeke i'a, too muehi fulu, poe koho baloka Hawaii," ke hoike e mai la no oe i kou ano i keia wa nolaila, he makehewa ko makou baIpka ia oe. Alakai hewa oe it ka lahui i keia wa, hiki i Wakinekona oi loa aku. Ke olelo pu nei oe e Laimana, no na senatoa ka hewa i loaa ole ai ka pono i ka poe ilihune o ka aina. Ina hoi ha ua ike olua me Hoopale, aia ka pono ole ilaila, ea, heaha ka mea o olua a elua e holo ole nei no ke kulana Senatoa? He makemake olua e loaa ka pomaikai i ka lahui, a ina aia ilaila ka pilikia e eleu mai hoi ha olua i pau ae keia pono ole, iloko o ia hale olua e ku paio aku ai me na Senatoa Laiki. Kauka, Luka, Haina, Tavares ame-Kealoha? He wiwoole hoi olua, ilaila e ku ai ka liki imua o na maka nunui. Ano ka wa e hoike ae i ka makemake io e hana i ka pono o ka lehulehu. "0 ke kanaka i ike ika pono, a hana ole, ua hewa ia," o ia ke a'o a na kupuna o Laimana i na Hawaii. Nolaila, e Laimana ame Hoopale e, uwoki, ka hoike ana i na mea pololei ole, a oiai, ke olelo nei olua, o olua na Mose o ka Lahui Hawaii, alualuia ke kulana senatoa. Ke hana olua ,i keia, hiki ia makou ke hilinai aku; a ina e hana ole ana olua, he hoike ana mai ia, o ke kukaliki wale no ka olua hana ike, o ka wahawai ka olua makemake, a he olelo kaulana ka na malihini e noho nei i Hawaii nei, oia hoi keia: "He lahui-hiki wale no ka Lahui Hawaii ke alakaiia, ke kamailio no oe i kekahi mea ia lakou, o ka manaoio ia mai la no ia." Owau no me ka oiaio, NAPOLEON K. PUKUI,