Ka Nupepa Kuokoa, Volume LXI, Number 37, 14 September 1922 — HOIKE I KA OIAIO. [ARTICLE]

HOIKE I KA OIAIO.

Mr. Solomon Hanoh.ino, Lunahooponopono o ka Nupepa Kuokoa; Anoai kaua:—Ke kakau nei au i keia mau wahi laina pokole, no haawi ana aku i ka'u mau manao hoomaikai i ka hoike a M. Waiakea. Ma kekahi o na kolamu o ke Kuokoa o ka la 24 o Augate, e hoakaka ana oia, ua hoiko ae na nupepa o ka Mokupuni o Hawaii, a pela me ka poe mana koho haloka, e ana ma na pipa alanui no Nomana Kalanilehua Laimana walo no ka baloka o Hawaii Hikina. Auhea oe, mai ha'oha'o oe ia mea,. ke lohe la oe, o ia iho la no ke keiki mea makua. Oka 'u wale no e nonoi nei ia oe, ina iini kaua no ke kaulike o kela hanohano, maluna o na mokupuni apau oiai hoi ua loaa ae nei i na mokupuni apau ia inoa hanohano, a koe hoi ka mokupuni o Hawaii, ke iini nei na mana koho haloka o ka Mokupuni o Hawaii, e loaa iaia ia hanohano, i keia kau, a o Nomana Laimana ka moho elele a ka Mokupuni o Hawal). Ke haawi hou aku nei au i ka'u mau lululima ana me oe e M. Waiakea, no kau mau olelo wanana no Chaa. E. King, a o ka'a leo uwalo hoi i ka poe e manao ana o Kale Kini ka lakou moho elele, ke ike mai la no oukou i na olelo wanana a ke kaula M. Waiakea no ka oukou moho elele. .Nolaila, aole hoi au e non akn ana i ka popo lepo i ka oukou moho, elike me M. Waiakea, aka, e 'nonoi haahaa aku ana ia oe e Kale Kini ame ka poe e manao ana e hapai ia oe no ke kulana Elele, ke ike pu ae la no kaua i ka wanana a M. Waiakea nou. Nolaila i mea hoi e ku ole ai ka M. Waiakea makai ame kana mau hana hoauwaepuu ia oe « hoohui mai i kou wahi ikaika me ko Nomana Laimana kulana maloeloe, alaila o ka hopena, e hoi ana no ke Akua kalaipahoa o M. Waiakea a nahu iaia.

He hana naaupo maoli i ka Mokupuni o Hawaii, ka haawi aku i kela kulana i ka mokupuni okoa mku, oiai hoi o kona manawa koia. Ua wanana hou iho no na kaula nei, penei: "He poe kanaka naauao wale nO keia po« Hawaii ē holo nei, aka, ua lawa ole ko lakou ikaika hana." He kaula kupanaha maoll no o M. Waiakea, ku ka liki o Nuuailu, no ka wiwoōle o ka moho ana, a pau pepehi hou iho la no ua kaula la, me kela mau olelo maopopo, "Ua lawa ole ko lakou ikaika." Ma nei kukulu manao a ua k<tula M. Waiakea nei, hoomanao ae la au, o ka mamo hope loa paha keia o kela auna eepa i koe o Waolani; no ia mea hooholo iho la au e hoOpau i ke kulu ana o ke kohu o ka'u peni maluna o ke aiai o keia ka|nana aka, ua lawa nae keia mau laina no ka haawi ana aku iaia i haawina a'o, mai puoho hou ao o makani auanei! Ke haawi aku nei i na hoomaikai nui ia oe e ka Lunihooponopono a nou e ke Kaula M. Waiakea ko'u aloha wehe papale, , HAWAII NUI O KEAWE,' Hilo, Hawaii.