Ka Nupepa Kuokoa, Volume LXI, Number 37, 14 September 1922 — E A'OIA KA POE OLOHANI E PONO AI [ARTICLE]

E A'OIA KA POE OLOHANI E PONO AI

Ua manao na limahana uniona olohani ma Amerika f i keia la, e hiki ana ia lakou ke noho mana maluna o na oihana i lilo ai'lakou he mau limahana. He manao kuhihewa loa ia, no ka mea aia he mau miliona o na miliona mau makaainana Amenka, i apono ole loa i kela mau hana olohani a na limahana uniona; o ka oi aku o na hana i ku-e loa ia aku ai lakou, o ia no na hana karaima, ku i ka pepehikanaka maoli, me ka manao, pela iho la e hookoia ai ka lakou mau koi i na haku hana. Ua ku maoli na limahana uniona i ka pepehikanaka ,no kela kumu, i lawe ae ai ke aupuni o Amenka i ka mana iloko 0 kona lima, a hookau aku i na hoahewa ana maluna o ka poe 1 pili i'o i ka hewa, he hana hoi kela e hoike mai ana, ī ka hiki ole i na limahana uniona, ke hoolilo aku ia Amerika i mea paani wale no na lakou. Mai hoohalike e na uniona o Hawaii nei me kela poe, o ukali mai no auanei na hopena awahia, mahope o na hana hakihaki kanawai apau!

Eia n oo Senatoa John H. Wise ke noho mai nei maloko o ka Halema'i Moiwahine, me ka manaolana nae e hookuuia mai 'ana oia mamua ae o ka la koho baloka wae moho, a e loaa aku ana no iaia he wa maikai, e hoea aku ai imua o na mana koho baloka, ma Oahu nei, ke ole e loli ae kona kulana maikai e ikeia aku nei o keia mau la. E lilo kela pilikia i loaa ia Scnatoa Wise i kumu e komohia ai na manao aloha iloko o na mana koho nona; aole hoi o na manao mako-na, e hailuku aku ai iaia me na olelo kipehi, o ke ano ku ole i ka hoihoi.