Ka Nupepa Kuokoa, Volume LXI, Number 37, 14 September 1922 — $150 I AIHUEIA MAI KE KAPENA DOWER AKU. [ARTICLE]

$150 I AIHUEIA MAI KE KAPENA DOWER AKU.

O kanaka i komo iloko o ka rumi e moo ana ke Kapena James Dower maloko o ka Y. M. C. A. o ka oihana kaua inoana ame aina ma ka po o ka Poakahi nei a lawe aku la ma ke ano aihue i kekahi mau bila dala $140 ame $10 ilako 0 ke ekedala, me ka hoonele iho i ke kapena i kekahi keneka ole e loaa ai kona aina kakahiaka o ka Poalua nei, he aihue ia i nele loa 1 ke aloha i kekahi kanaka elemaleule makapo.

He leanaka o James Dower i kamaaina ia e ko Honolulu nei mau kini, no ka mea, no ka hapa kenekulia a oi kona noho ana ma Hawaii, ho kamana waapa kana hana i kamaainaia a ua makapo hoi kekahi maka a nana i hana he mau kookoo laau i hanaia me na laau like ole o Hawaii nei, a makanaia aku i kekahi poe koikoi, he hana akamai ana i hana ai nana i hookaulana iaia ma ke ao, a ma kela po Poakahi ma kekahi ka Y. M. C. A., kona wahi o ka hoaumoe ana.

O ka loaa ana mai no ka ia o ka $150 iaia ma ia la. He $10 ana o ka lawe ana ae mai ka nui ae o na bila a hookomo iloko o kana ekedala, o ke koena iho ua owiliia a paa, a iaia i moe ai ua hookomo ka oia ia mau bila $140 malalo o ka uluna me kana uwaki gula.

I kona ala ana ae ma ke kakahiaka Poalua nei o kana mea rn.ua loa o ka haha ana aku malalo o ka uluna, e waiho ana no ka uwaki o na. bila ka i imi kahu hou. Ia huli ana aku i kana ekedala o ka $10 ka i laweia koe no ke eke. Aole ka ana wahi keneka hookahi i koe ma kona poli e hiki ai ke uku aku i kona aina kakahiaka.

Ua hoike aku oia i keia pilikia nui ona i na hoaloha a ua hoaoia e huli aku i ka piko pau iole, a no ka nele i kekahi moali ike e hiki ai ke hookolo aku a loaa ka mea aihue, ua lilo ia he hana hua ole. He i ae auanei kekahi a ka mea kolohe he aloha, aia paha ka- pono a lilo aku iaia la kani ka aka.