Ka Nupepa Kuokoa, Volume LXI, Number 37, 14 September 1922 — E HOOLOHE I KA RULA ANA A KA OIHANA LEKA. [ARTICLE]

E HOOLOHE I KA RULA ANA A KA OIHANA LEKA.

Mamua o ka hoopau ana i ka lawe ana aku o na leka i na hale e hoolako ole ana i pahu leka ma ka puka a mahai paha o ke alanui mamua mai o ka hale ma kahi kokoke i ke alakauaoao, e hoike mua ia aku ana ia hoopau ana e ka oihana leka, elike me ka hoolaha malalo nei i hoopukaia mai e ke Kokua Lunaleka John H. Bartlett.

"Mamuli o ka hoohakaliaia o ka P°e lawe leka ma na hale i nele i ka pahuleka ma ka puka o ka hale, a i ole' kekahi wahi kupono i hoolakoia no ka hookomo ana aku i na leka, a he hapanui nae o na hale ua hoolakoia me ia mau pahuleka i nei manawa, he manawa keia i koiia aku ai ka poe ona hale apau e hoolako i mau pahuleka no lakou he uuku loa na hoolilo no ia mea. Ua kauohaia na lunaleka apau e ao aku pela. O ka loihi o ka manawa o ka hoolaha e ku ai eha mahina.

"Aole na ka oihana leka ka makemake e hooneleia ka lawe ana aku ' na leka, aka e īke iho ana no na mea -apau i ke kupono maoli no o ka hoolako ana i pahu o ia ano oiai, he pomaikai no ia no lakou a he hoomaalahi pu hoi i lea hana ma ka a°ao o ka poe lawo leka. Aka, ina e hoohemahema ana kekahi-poe i ka hooko ana i keia kauoha e hoopauia ana ka lawe ana aku i na leka i na hale i nele i na pahuleka ma ka puka o ka hale a i ole mamua aku paha o ke alo o ka hale." O ka manao o keia e kii maoli ae no ka poe pahuleka ole ma na home i ka lakou leka i ka haleleka ma kahi e haawiia ai na leka a i ole maloko o na pahu waiho leka lakaia. H§ hoolaha keia i hoopukaia mai me ka manao ma kekahi la ma nei mua aku i hoakaka ole ia, e hoōpau loa ia ana ka lawe ana aku i na leka a ka poe hoopalaleha maloko o Honolullu.