Ka Nupepa Kuokoa, Volume LXI, Number 37, 14 September 1922 — LAWEIA KA OPIUMA ILOKO O KE KAA MA KA UWAPO [ARTICLE]

LAWEIA KA OPIUMA ILOKO O KE KAA MA KA UWAPO

Oiai ka mokuahi laweleka Nanking maloko o ke awa he kanawalu maukini opiuma i hunaia iloko o ke 'kini waiu nui i pau ka waiu i paa i na kanaka o ka oihana kukeawa i ka hopuia ma ka auwina la Poalua o ka pule i hala, ma ka manawa e aneane loa ana ke kaa waiu e haalēle aku i ka uwapo. Ua paaia ke kalaiwa o ke kaa waiu ame kekahi mau kanaka hana i kahiohio o na uwapo no ka ninan ana aku ia lakou i ka mea nana ka opiuma i lawe mai a hookomo iloko 0 ke kini waiu, ua hoole lakou i ko lakiu ike ana Ma ka olelo a ke kalaiwa o ka hoike ana ae aohe oia i ike i ka mea nana i lawe mai i ka opiuma a hookomo iloko o ke kini waiu. Ua laWeia ke kini waiu iluna o ka mokuahi, a ua manaoia i ka manawa i pau ai ka waiu i ka nininiia aku i kekahi mau kini okoa o ia ka manawa i hookomoia iho ai ka opiuma iloko. He kaumaha maoli ka kela kini opiuma i ka manawa i hapaiia ae ai mahope o ka loaa pono ana mamuli o ia kaumaha i manaoia ai he elua kanaka i hapai pu mai ia kini a kau iluna o ke kaa waiu. O ke kanaka nana ka opiuma aohe 1 maopopo. Ma ia la no he vaiolina i hoopihaia me ka lama ka i loaa aku ma ka hale hoopae o na limahana. he lama i manaoia na kekahi o ka poe hou i pae mai ai i lawe pu aku ilaila.