Ka Nupepa Kuokoa, Volume LXI, Number 38, 21 September 1922 — Makaukau na Repubalika no Ke Kahua Hakoko Kalaiaina Pau i ka Hoonohonohoia na Wahi e Malamaia Aku ai na Haiolelo a na Moho o ka Mokupuni o Oahu Nei—Ma Keia Poaono ka Mua [ARTICLE]

Makaukau na Repubalika no Ke Kahua Hakoko Kalaiaina

Pau i ka Hoonohonohoia na Wahi e Malamaia Aku ai na Haiolelo a na Moho o ka Mokupuni o Oahu Nei—Ma Keia Poaono ka Mua

Elike me ia i hooholoia ai e ke komite kuwaena o ka aoao Repubalika, ame na moho o kela aoao kalaiaina, ma keia Poaono, ka la 23 o keia mahina, e hoomaka aku ai ke komo kino ana o na moho e holo nei no ka ahaolelo kuloko, i ka hahana o na paio kalaiaina, no ke" kau wae moho e hoea mai ana iloko ae nei o ka la 7 o Okatoba. Ma ka hoakaka a Senatoa L. M. Judd, ka lunahoomalu o ke komite kuwaena, ua noiia mai na moho olele lahui, e holo aku no M*ui, no ka hui pu ana aku, me na moho o kela mokupuni, i hookahi ke kaahele like ana, ma na Mokupuni o Maui ame Molokai, no keia kumu i haalele iho ai o Scnatoa 0. E. King, ma ka Mauna Kea o nehinei no Maui, no ka apo ana aku i kela leo kono. Aole i maopopo ka hui pu mai o ka Hon. Nonnan K. Lyman ma kela huaka'i, oiai aia oia ma ka Mokupuni o Hawaii kahi i hooikaika baloka ai, aka ina no kona manao e kaahele pu me na moho ahaolelo o Maui, alaila mai Hawaii no oia e holo pololei ae ai no Maui. No ka moho elele lahui John H. Wise, eia no oia nialoko o ka Halema'i Moiwahine e noho mai nei i keia manawa, aole he ae o* kona kauka e hookuu iaia e hele e hooikaika kalaiaina, o ka mea hiki wale no iaia, elike me ke a'o a ke kauka, o ia kona hele ana aku e hookomo i kona baloka ma ka la koho; aka ina ao kona waeia i moho na ka aoao Repubalika, alaila e hookuuia nna oia e hele o hooikaika kalaiaina ma na wahi apau. No ka hooikaika ana nae iaia, na kona mau 'hoaloha e haiolelo aku ana nona ma kola ame keia wahi, a ua kohoia ae nei o Clar«nce L. Crabbe, i lunanui no ka hoonee ana aku i na hana hooikaika kalaiaina noha imua. Wahi nae a Mr. C. L. Crabbe, aohe ana hele ana aku i Maui e hooikaika ai no Senatoa J. H. Wiae, no ka mea ua loaa aku na hooia ana iaia, mai ia Senatoa Harold A. Rice aku, na na hoaloha no o Senatoa Wiae e hooikaika nona malaila, a ma Molokai. Ua hoakaka hou ae no hoi oia, me kela kulana nawaliwali no o Senatoa Wiae e noho mai nei maloko o ka halema'i, aole he wahi kanalua iki iloko ona, no ka waeia o kana moho, ma keia kau koho baloka wae moho ae. No na moho elele Demokarata hoi, ma ke ahiahi o ka Poakahi nei i huli hoi akji ai o Kauka Raymond no Maui, no ka hele kaapuni ana e haiolelo ma kela mokupuni a hala loa aku no Molokai. ' Aia o Wm. P. Jarrett i Hawaii kahi i hooikaika baloka ai, ua manao nae kona mau hoalolia, mamua o kona huli hoi loa ana mai no Honolulu nei, e kipa mua ae ana oia no Maui, no ka ukali ana aku mahope o kona mau hoa paio o ke kahua mokomoko kalaiaina. Ka Fapa Kuhlkuhi no Maul No ka hoomaka ana aku o na moho o Maui e hooikaika kalaiaina, i

haalele iho ai lakou ia Lnhaina ma ke ahiahi o ka Poakolu nei, no Kalaupapa, Molokai, a ma kria Poaha e huli hoi hou aku ai no Lahainn, rao ka hoohala ana maloko o ka apana o Lahaina, ma kc ahiahl o k* Poalima ame ka Ponono. Ma ke nWahi nae o ka Poaono ē haalele iho ai na moho no Molokoi, me ka malama ana he mau haiolelo kalaiaina, ma Pukoo ma ke Sabatl ne, oini he hoiko Kula Sabat.i nui ke malamaia ana malaila ia la. Ma ke ahiahi o kela Babati e haalele aku ai na moho ia Molokai & holo mai no Hana, Maui, me ke kaahele ana mauka a hoea no Wailuku, a ma ka po o keia Poakolu a« r malamaia ana he halawai makaainana akea e na moho malaila, alalla hull hoi mai na moho elele lahui no Honolulu nei, no na hana hooikaika kalaiaina hope loa, mamua ae o ka la koho baloka. Ka Papa Kuhlkuhi no Oahu Nei No na moho o ka Mokupuni o Oahu nei, no ka ahaolelo kuloko, ma ke ahiahi o keia Poaono ,e hoomaka aku ai na hana haiolelo, ma ka malama ana he mau halawai a na moho ma Wahiawa, Laie ame Walalua. No na manawa halawai ma kela ame keia mahele koho, no keia pul« ae, a hoea wale no i ka wa koho baloka, o keia malalo iho nei ka papa kuhikuhi no ka apaaa elima amt. ka apana eha: Apana Elima Poaono, Sept. 28—Wahiawa, 4:30 p.m.; Waialua, 7 p.m.; Laie, 7 p.m. Poakahi, Sept. 25—Kula o Kaulu* trela. ( Poalua, Bept. 26.—Paumawai a Kalihi. Poakolu, B«pt. 27—Kalihi-waena Park ame Kalihi-uka. Poaha, Bept 28—Kihi o na Alanul Muliwai me Vinia. Poalima, Sept. 29—Alanui Kamehameha IV, Kalihi. Poaono, Sept. 30—Pa o Wm. C. Aehi, Palama. Sabati, Oct. I.—Waianae, 1 p.m. Poakahi, Oct. 2—Aiea, 7 p.m.; Pearl City, 7 p.m. Poalua, Oct. 3—Kaneohe, 7 p.m. Ma ka Hale Miaiona MomoHala ma ka halawai a ka Ahahul Mahele o na Wahine no na moho o ka apnna elima. Poakolu, Oct. 4—Waipahu, 7 p.m Ewa, 7 p.m. Poaha, Oct. s—Alanui Mokauea, Kalihi. | Poalima, Oct. 6—Ma Aala Paka. Apana Eha Poakahi, Bept. 25.—Kilmaki Kuea ame kihi o na Alnui Lu»o me Miller. Poalua, Bept. 26—Emma Rue«. Pela ma ka halawai a ka Ahahui Koho Baloka o na Wahine ma ka Hale Miniona Memonala. Poakolu, Sept. 27—Waikiki ame Kaimuki. Poaha, Bept. 28—Kihi o na Alanui Metealf ame Wilder, Punahou. Pela na moho elele lahui ame «enatoa maloko o ka Hnle Memoriala. Poalima, Sept. 29—Kamamalu Paka. Poaono, Bept. 30—Kakaako ame Pauoa. Poalua, Oct. 3—Akoakoa na mo* ho apau ma ka Hale Memoriala. Poakolu, Oct. 4—Waikiki ama Kaimuki. Poaha, Oet. s—Kakaako ame k« kihi o na Alanui Luso me Miller. Poalima, Oct. 6—Ma Aala Paka.