Ka Nupepa Kuokoa, Volume LXI, Number 38, 21 September 1922 — UA UPO'I IHO LA NA LIHILIHI MAKA O KUU MEA ALOHA HE KAIKUAHINE [ARTICLE]

UA UPO'I IHO LA NA LIHILIHI MAKA O KUU MEA ALOHA HE KAIKUAHINE

E Mr. Lunahooponopono o ka Nupepa Kuokoa, Aloha oe a nui loa:— Me ka maka i pohina i ka waimaka ame ka lima e haalulu nei, au e ka£au aku nei ia oe, e noi ana i kou oluolu piha, ina he wahi rumi kaawale kekahi o ka kaua hiwahiwa, no'u ka lioi ia wahi rumi, no ka'u puolo waimaka nunui o ke aloha kaikuahine, a nau hoi ia e uwila aku ma ka hikina, a malamalama aku i ka piko olu o Lehua, i ike mai ai na keiki, na moopuna ame na pokii, na ohana, na hoaloha o kuu kaikuahine aloha, Mrs. Nina Ohela Hose Paahana, ua hala. Auwe, luuluu wale hoi au i ke aloha, minamina wale au ia oe e kuahine e naue hookahi aku la ma ke alā polikua a Kane, a waiho iho la ia'u i kona kaikunane hookahi i ka aina nei, me na pokii o maua, ame na keiki ame kana kane alōha, Hose Paahana. Elike me ka hekili ku 'i pamalo , iloko o ka malama o Ikuwa, ka poha koeleele, e hoopili pu ana i kuu hanu, ame ka'u wahine, pela iho la maua ia wa i ka hana mao ole a ke aloha. Oiai au kona kaikunane e hana ana, hiki ana no ko'u hakuhana, a ha'i mai la ia 'u o Mrs. Nina Ohela Paahana ua hala. Ua like iho la au me kekahi ukana nui i kauia iho ma kuu kua, i ua mea he minamina, i ke aloha iaia. Ua hanauia kuu kaikuahine ma Honolulu, he elima ko makou nui i hanauia mai ai, he ekolu hoi i Kainaliu, Kona nei, ua like ia me 18 ko | makou nui. Ua puka mai makou mailoko mai o ko makou mama aloha, Mrs. Kaulahea ame ko makou papa Vikoliano i Ohela, a ua hala mua aku ko makou mau makua ma kela ao, a ua lawe aku la ka make i ka nui, koe makou eha e ola nei, ekolu keikikane ame hookahi kaikamahine. Ua pomaikai ko 'u mau pokii ame ka maua poe keiki a lehulehu i ka ike ana iho i kona aho hope loa, no'u kona kaikunane hookahi, aole au i ike i kona aho hope. I ka mahina o lulai 6, 1922, au j aku oia i ke kai, e imi i kona ola i ka ike o na kauka, ua imi kana mau keiki i ke olii ma Honolulu, aohe I nae manaolana o ke ola o ko lakou mama, aka ua kii mai na lima aloha o ka Haku mana loa, Nana no i hana mai a Nana no i lawe aku. E Kona e, i ke kai malino, aole oe e ike ana ia kuahine Nina. E Kona i ka waipuolo i ke ao opua, aole o kuahine e inu hou ana i kou wai ono. R Pulehua e, kahi hoi a kuu kaikuahine i holoholo ai i kona mau la opiopio, .aole oia e ike hou

ana i kou nani. E Kalnalia e, ao!e oe e ike hou ana ia kuahine Nina e maalo ae ana. £ kuahine e, aole au e poina ia oe, i kau mau olelo kauohn ia'u ame kou kaikoeke, a maua e hooko mau ai i kau kauoha, me ka manaolana e huli hoi hou mai ana la hoi oe i ka aina nei, eia ka aole, pela na mea mamua o kou alahele, o ka hele rto ka ia hele loa i ke ala hoi ole mai.. Auwe kuu minamina pan ole, n mahea la oe e loaa ai ia'u; aia paha oe e kuahine i na paia aala o Puna i nalowale iho neif Me keia mau olelo hoalohaloha no

oukou e na pokii, amp na koiki amo kau kane ame ku lohulehu o kuu liaikuahino heleloa, na hoomnikai palena ole, no na inaknna pua mnluna 0 kona kino wilua. Oluolu e lnwe 1 ka maua hoomnikai ana, a na ka Makua ame ke Keiki, ka l'hane Hemolele e haawi mai i na hoomaikai oi ae. Me oo pu kekahi e Mr, I,unahooponopouo ame nn keiki limahei o kou pnpapn'i, no kou nhonui nna mai i ka'u puolo wnimnkn. O maua iho no me ka huiluu. MHS. AWELA OHKI.A. AWKI.A OHKLA. Kealakekua, Koua, Hawaii.