Ka Nupepa Kuokoa, Volume LXI, Number 38, 21 September 1922 — AHAHUI EUANELIO AHAHUINA O NA MOKUPUNI O KAUAI AME NIIHAU. [ARTICLE]

AHAHUI EUANELIO AHAHUINA O NA MOKUPUNI O KAUAI AME NIIHAU.

E noho mai ana ka Ahahui Euanelio Ahahuina o na Mokupuni o Kauai ame Niihau, ma ke Snbati eha o ka mahina o Okatoba, maka hora 9:30, maloko o ka . luakini Hawaii ma Koloa. Oluolu na kahu ekalesia Hawaii, haole, Pake, lapana ame Pilipino, ame na komite, na haiolelo ame ko oukou niau elele pakahi, e hele nui mai me ka oukou mau mea hou, e hoeueuia ai na ekaleaia, no ka hana 0 ke aupuni o ko kakou Makua Lani. E na Kahu Kula Sabati nui me ko olua mau hope, ame na Kahu Kula Babati apana ame ko oukou | mau hope kupono me na hanahou ho-1 £ueu, a hooulu i na mea e hooholo- 1 mua ai i ko kakou mau Kula Sabati. I Pela no i jia peresidena nui o keia aha o na C. E., ame na hope peresidena, na pereeidenft apana o kela ame keia C. E., me ko oukou mau elele pakahi, me ka makaukau mau me na meahou hooulu noonoo hoeu ' eu i na hana C. E. iwaena o na hui C. E., o keia aha. A oiai, he ahs mokupuni keia, e I noho aku ana kakou ma Koloa, a e weheia ana na hona o keia aha ma ke kakahiaka o ke Sabati, ka la 22 o OKatoba, a e malamaia ana he hoike Kula Sabati nui ma ia kakahiaka, & ma ka auwina )a, he ka'i huakai na na Ahahui Hooika ika Kristiano, mai ka luakini aku apuni o Koloa, a Jioi hou i ka luakini, he mau himeni me na haiolelo pokopoko e haawiia ana. Eleu mai na Kula Sabati ame C. E., no ka hana nui, ka oukou mau "malama ola", hoouna pololei i ke komite ola ma Koloa, Hon. James K. Kula, ame kona mau hope, a Ike Kahu Rev. K. Kaulill, a i ole ia i ke kakauolelo o ka aha. ! Ka oukou kauwa a hoapaahana pu. JAMES H. K. KAIWĪ, Kakāuolelo o na Aha.