Ka Nupepa Kuokoa, Volume LXI, Number 38, 21 September 1922 — Holo Makaikai ko Maui Poe E Iki ia Molokai Nui a Hina Nui na Hawaii Kamaaina ame na Haole o ka Moku o Kama o ka Holo Ana ma ka Huakai Makaikai a ka Mokuahi Kilauea [ARTICLE]

Holo Makaikai ko Maui Poe E Iki ia Molokai Nui a Hina

Nui na Hawaii Kamaaina ame na Haole o ka Moku o Kama o ka Holo Ana ma ka Huakai Makaikai a ka Mokuahi Kilauea

Mamuli o ka hooikaika ana a kekahi o na keiki lalawai o Maui, oia hoi o Mr. Lorrin K. Smith, i loaa ai ka aeia o ke Kilauea e holo no Molokai i ka Poaono iho nei, no ka lawe hoomakaikai ana i ko Maui poe, e ike i na Pali Koolau o ka Moku-o-Hina, ahiki loa i Kalaupapa. Aneane 200 poe makaikai i hoohauoliia i kela la, a iwaena oia poe he leliulehu o na Hawaii, mai ka poe oo a ka opiopio. O Mr. Jas. Kalani Smythe me Prof. _ Eddie Smythe, ko Hamakualoa mai, o Mr. Kalaina Kaholokula me kana keiki 0 Henry Kaholokula, ko Pauwela Imai, a no Waihee mai kekahi poe lehulehu. O ka hapanui i ikeia, he poe Hawaii. He poe Pukiki me na haole no hoi. Malie ka moana, a ua nani > no hoi ka aina. Ua hoohauoli nui ia ka poe makaikai mamuli o ka launa hou ana me ke Senatoa W. J. Coelho | ma keia huakai, oiai, oia ke pailaka ' a leamaaina hoi nana i kuhikuhi mai 1 na wahi like ole. I Ua haalele ke Kilauea ia Kahului i ka hora 9 o ke kakahiaka, hiki ' i Kalaupapa i ka hora 12. Aole i ku I ilaila, kalewa wale no mawaho a huli hoi hou. Ku hou i Kahului i ka hora 3 o ka auwina la. Ma" keia huakai, 'ua ukaliia ke Kilauea e na alii o ke kai, he mau mano nui. Mawaho ae o Kahakuloa, oiai he kumu nai'a nui e heihei ana me ke Kilauea, aia hoi, ikeia aku la he elua mau mano nui e alualu mai ana mahope. Aole no nae i lihi launa mai na mano i ka ua mea hq maoli o na naia i ka paukiki i ka holo. Oiai ke Kilauea e kaalo ana mawaho o Kalawao, a e holo ana hoi TIQ TCnn.rm fm' ikoia aku la O

Mr. John M. Medeiros o Paia, e haawi ana he dala ia Senatoa Coelho, me ko laua kamailio liilii ana no kekahi mau sekona. Mahope iho, ua hoike mai la o Mr. Ooelho i ka manao i noiia aku iaia, penei: "He $5.00 i haawiia mai nei ma ko'u lima nei, e Mr. John M. Medei* ros a oukou no hoi i ike mai la. Eia ka manao o keia dala ana i haawi mai nei. Ua makemake o Mr. Medeiros e lulu ka poe puuwai aloha i ko Kalaupapa poe, i kenikeni no ka panai ana aku i kolaila poe, no ko lakou wahi waihona hoolaulea, elike me ka mea e hana mau ia nei e ka poe holo makaikai i Kalaupapa. Nolaila, o ka poe i koino ke aloha i na makaainana me na hoaloha o ka aina o ka ehaeha, e haawi elike me ka mea hiki. O ke dala e luluia ana, na Mr. Raymond Smith o ka Hui Mokuahi Inter Island e ohi, a na Mr. Lorrin K. Smith hoi o Maui, e hoouna i Kalaupapa," ika lulu ana, ua loaa he $17.00 a oi iki. Piha hauoli ko Maui poe no keia huakai, a ke upuupu mau nei no ka holo makaikai hou ma keia mua aku i na moku e aku, ia Hawaii, Kauai me Oahu no hoi. Ke kali nei no ka mokuahi hou a hoea mai, a e noiia aku ana ka Hui Inter-Is-land, e hooholo mūa ia Haleakala i Maui, a mahope aku holo i Hawaii. Ke pono ia, alaila, e hoomakaukau no ko Maui poe i ahaaina nui, no ka hoau ana ia Haleakala, a i Maui no e ai ai. Eia» ko hoomakaukauia nei he kii pena nui o ke kuahiwi nani o Haleakala, malalo o na lilo o ka Oihana Kalepa o Maui, a i ka wa e hiki mai ai o ka Haleakala, alaila e kauia ana keia kii maloko o kona keena hoolaulea, ma ke ano he makana na Maui nei.