Ka Nupepa Kuokoa, Volume LXI, Number 39, 28 September 1922 — Page 5

 Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA HONOLULU, T. H. POAHA, SEPATEMABA 28, 1922.  ELIMA

 

KA HUAKA'I MAKA'IKA'I NO

KAUPO, MAUI

 

(Hoomauia mai)

 

            Ua hoomau aku no au i ka pii ki@ ana a kau iluna o kekahi wahi @pali.  I ko'u nana ana aku e @holo mai ana ke kao a koho iho @ au ua ikeia o Keneki.  Ua pee @ au ilalo me ko'u lohe aku no i ka haluku mai o ke kao iloko o ka nahelehele, no ka mea ke hookokoke @a mai nei lakou i o'u nei.

            He manawa nuku wale no ia pee @na iho, ua kani mai la ka pu a Keneki, iluna aku no a wawalo hele @ la ka leo wikani ma na paia uliuli o ke kuahiwi holookoa.  Aohe no @ loihi iho ua kani kupinai hou mai @ ka pu no elua manawa.  Ua koho no la au ua loaa paha ke kao hookahi i keia mau poka.

            I ka manawa no i kani ai ka pu i kinohi loa, i holo mama mai ai ke @ao ma na wahi apau, ahiki loa i @o'u wahi e hoomaha nei.  Ina paha @e pu ka'u aole nele ka loaa o ke @ao hookahi, no ka mea ua kokoke @oa ka holo ana o ke kao maanei, ua hiki no ia'u ke nou aku me ka pohaku.

            He nui maoli no ke kao iloko o na puulu liilii, a ma kahi a ka puulu mua e holo ai malaila aku no na pu@ kao apau.

            @oko o ka manawa pokole, ua mamao loa aku ke kao e holo ana iluna o ka pali nihinihi ame na wahi e ae o ke kuahiwi.

            No ko Keneki kahea ole mai ia'u nolaila ua manao iho la au, aole i @oaa kana kao; nolaila, ua hoomau aku no au ika pii huli ana iaia.

            Aole au i mamao loa mai ko'u wahi i hoomaka mai ai, ua kani mai @a ka leo ma keia aoao o ke kuahiwi no ekolu manawa, a poha kupinai a'e a ka leo ma keia aoao o ke kuahiwi kahi a'u e pii nei.

            He mau minuke mahope iho o ke kani ana mai o ka pu, ua ike aku au ma ka ohenana, he poe e hele mai ana maluna o na holoholona.  O keia poe a'u e ike nei, o ia no na keiki a von Tempsky o Makawao, kaikunane ame kaikuahine, ame Hector Munroe, hope lunanai o ka hui hanai bipi o Baluwina o Lanai.  Ua pii mai au ahiki i ko'u wahi i ike aku ai i kuu wahi hoa iluna pono o ka piko o ka mauna, e alualu ana i ke kao.

            Aia oia ke he@e la ma ka huli e nana la ia Kaupo i ka hikina, mai ke kahua Laie mai.  He ekolu mau ohuku nui o keia wahi o ke kuahiwi @ hoi, o Palaha, ka puu kiekie loa, @na hoi ke kiekie o 8110 kapuai, @una Kaluanui ame Kaluaiki, ilalo @ai, ahiki loa aku no hoi i Paliku, @e pali mania.

            I ko'u hiki ana iluna o keia mau wahi, ua ahuwale na wahi apau o ka huli Koolau, me na makalae e kuakea mai ana i ka hunakai ame kauhale e keokeo mai ana ma o a maanei o ka aina, me Hawaii moku o Keawe, e hiiia mai ana e ke ao naulu.

            Aole wale ma keia mau hiohiona ka u'i ame ka nani, aka, he u'i okoa no hoi ke nana aku i ke ao ilalo mai, me he mea la e olokaaia ana ilalo o ka aoao pali o ke kuahiwi me ka ohu, ka noe ame ka uhiwai e pili mau ana no ma na kualono o ke kuahiwi.

            O ka hora 4:30 keia o ka auwina la, eia no maua ke alualu nei i ke @ao maluna o keia mau kualapa mauna, aka, he kamoe wale no ka hele ana, aole hoi he piiku.  He nui no ke kao, aka, aia wale no i kahi nihinihi loa e loaa ole ai ia oe ke kii aku, in a e make ana i kau ki ana.  Ua hele mai maua a kahi i ike aku ai o Keneki he kao makuahine, me elua kao keiki iluna o ka pali kahi i ku ai.  Ua kokolo hele mai maua a kokoke i keia pali.  He 100 i-a paha mai ke pali mai, ua pee iho au iloko o ka pamakani, a o Keneki ka i kolo aku a kokoke loa, he 50 i-a paha ka mamao mai ke kao aku.  Eia mana malalo aku nei o ka pali, o ia wale no kahi kupono me ka ike ole mai o ke kao.  Ia Keneki e kau pololei ana i ka pu no ke ki ana aku, @ia au ke nana aku nei me ka ohe@ama no ka nana ana i ka hopena o ke kao iluna o ka pali.

            Kani ka pu, ua ike aku au i ka puehu ana ae o ka lepo i ke kumupali mahope aku o kahi a ke kao e ku mai ana.  Piena wale ae la no ke kao me ka lihilihi manuheu ole aku, no ka mea, ua hu aku la ka Keneki poka i na pali o Kalalau.  Ua kani hou aku ka pu a ua wahi @oa nei o'u, a no ka lua o ka manawa ua lalau hou no kana poka i kahi e.  No ke kolu o ka manawa i kani aku ai ka pu a i keia manawa ua loaa pono aku la ke kao makuahine ma ka umauma a walawala mai la a haule pahu ana ilalo o ke kumu o ka pali.

            Ua kani hou aku no ka pu a Keneki, a ku aku la ka wawae mua o ke kao keiki.  Iloko no o ia manawa hookahi i holo alala aku ai ia a nalowale aku la, ma kela aoao o ka pali iloko o ka nahelehele, me ko maua lohe aku no i ka leo alala.

 

T.O. MURATA FURNITURE STORE

(Na noho hoolimalima me lako pa maanei.)

Na Lako Hale Hou me Kahiko.

Hoolimalima me Kuai Hoolilo.

715 Alanui Hema, Honolulu, T.H.

Kelepona 1695

 

            Ua hele aku au ma kahi o ke kao i haule iho ai, a loaa aku e waiho ana iloko o ka laau.  He kao nui maoli no keia, ua piha paha he 50 paona a oi.  Ua hookomo i ho au iloko o ke eke mauu, a haawe mai la a kahi maikai waiho ilalo.  I keia manawa ua hiki mai o Keneki malaila, a hoomaka iho la maua e okioki.  Ua kiola mana i ke poo ame na wawae, koe ka pauku kino ame na uha@  Ua hookomo iho maua i keia i'o kao iloko o ke eke mauu, a kau i luna o kuu poohiwi, o ke maua iho mai la no ia ilalo o ka pali, no ke alahele huli hoi i ke kahua.  Ke iho kikekee nei maua ma o a maanei ma kahi maikai o ka pali.  Ua pau ka ho@a elima o ke ahiahi i keia manawa; eia ka noe ame ka ua liilii ke nee mai nei ilalo o ka pali.

            I ko maua kokoke loa ana mai ilalo o ka pali, ua ike aku maua i kekahi mea e ku mai ana me kona kahea ana mai ia Keneki.  Ua olelo mai kuu wahi hoa ia'u o Hector G. Munroe kela mea i kahea mai la ia maua, ka hope lunanui o ka hui hanai bipi o Baluwina o Lanai.  Ua holo mai oia i Maui nei a noho i Makawao me von Tempsky, a o lakou no ka i pii mai i keia auwina la a'u i ike ai ma ka ohenana.  Hiki mai maua ilalo, lululima aloha iho la me keia hoaloha a hookai ko makou hoi like ana mai no Laie kahua.

            Ua hiki makou i ke kahua i ka 6:30 o ia ahiahi, a haawi aku la ia Joseph Marciel kahi i'o kao no ke kupa ana i i'a no ia ahiahi.  E a ana ke ahi a ke kuke; ua mo'a ka laiki ame ke kope, a e kali wale ana no oia i kahi i'o kao.

            Waiho ka'u haawe ilalo, ua hele aku au iloko o ka halelole, a loaa kahi kapa hou, haalele iho la ia nei nouka aku o kahi ki'owai, no ka auau ana.  Hiki iluna olaila, hoomaka ke ka mai i ka wai ilalo iki mai o ka poho no ka auau ana.  I ka hemo ana ae no o kahi lole, ua lia e ka ili i kau a mea o ke anu hu'ihu'i o ke ea kuahiwi, aka, nana ae hoi o ka hohono koko kao, hoomanawanui wale iho la no e auau i ka wai hoeha ili hu'i anu o kuahiwi Haleakala.

            Ua maeele maoli no na wahi lima, na wawae ame ke kino holookoa, i kau a mea o ke anu o ka wai.  I ka pau ana o ka auau ana, a komo kahi kapa hou, ua maha a oluolu iho la kahi kino, no ka mea akahi no a auau wahi wai mai ko maua haalele ana ia Honolulu.  Ua hoi mai au ahiki i ke kahua; e liuliu ana ko'u mau hoa i na meaai.  No ka nui o ke anu ame ka hu'ihu'i aahu makou apau me na lole mehana, ame na kapaua.

            Ua pau no makou i kahi hookahi ma ka'e o kapuahi, me ke ahi e lalapa ana; e olala ana'i na lima ame na wawae i loaa iki mai hoi kahi mehana.

            Mamuli no hoi o ke anu e puka mai ana ka mahu mai ka waha mai i kela ame keia manawa, a makou e kamailio ai, ua like me ke paipu mahu.

            Makaukau na meaai noho iho la no makou ma kae o ke kapuahi, kahi mehana, a ai kahi aina ahiahi.  Eia na meaai o ka papaaina: Laiki mo'a kuahiwi, palena, i'o kao uaua me ke pini, kelehuaai, hua meaai kini ame ke kope ikaika hooala po o Kona.

            Ia makou e ai nei ke keaka nei o Joseph Marciel i ke ano o ka noho kuahiwi ana.  Pau ka ai ana ua hoi aku makou iloko o ka halelole.

            O Hecter G. Munroe me Keneki i ka halelole nui, a owau hoi me J. Marciel i kahi halelole uuku.  O ka hora ewalu paha keia o ka po a makou i hoi mai ai iloko o na halelole, aka, aole hiki e hiamoe koke iho.

            O ka hana mua i ko maua hiki ana iloko o ka halelole, o ia no ka hooponopono ana iho i kahi moe.  Ke moe pu nei no makou me ka lolewawae, kakini manoanoa, kueka huluhulu, elua a ekolu paa huluhulu manoanoa, a maluna loa iho o keia mau mea ke kapaua.  Komo na wawae iloko o ke eke mauu, a owili ke poo i kekahi mea mehana, no ka mea, o ia na wahi anuanu loa.  Me ka nui no o keia mau mea hoopumehana, eia no ke anu hu'ihu'i ke hooipoipo nei me makou.

            E oni ae oe e iniki anu mai ana kela.  I mea e hoopoina ae ai i ka hana hoouluhua a ke anu, ua haule iho makou i ka hana maalahi, he kole keaka hoonanea manawa.  No ka pili loa o keia mau halelole i kahi hookahi, he Iohe wale mai no o Keneki ma ia maua i ke kamailio.  O na hora kulipolipo aumoe paha ia o ka po, haule iho ai makou no ka hooluolu ana, a iloko o ka manawa pokole, ua poina loa ae la i ke anu, a lilo aku la i ka lalawe malie a ka hiamoe, i ka ohi ohelo kuahiwi o Haleakala.

(Aole i pau.)

 

HE HOOMAIKAI NUI.

 

            I ka Lunahooponopono Ahonui, Mr. Solomon Hanohano; Aloha ka ua:--E oluolu mai kou hanohano, e omou iho i keia wahi pine pua kiele e kau ae la maluna, ma ka umauma lahalaha o ka kaua elele ahailono hoomanawanui, ke kaupu hehi ale o na kai ewalu ahiki loa aku i na paepae kapu o Tahiti.

            Ma ke ahiahi Poalima, Aug 11, oiai kou meakakau e malama ana he halawai hoeueu iwaena o na hoahanau, ame na hoaloha, ame ko'u ohana, ma ka hale o ka hoaloha Mrs. Wm. Kaaololeo ma Kailua, Maui, ua haiia ae la he lono, he hoike Kula Sabati ko Wahinepee i ke Sabati la 13 o Aug. no, aole i hoomaopopoia aku ia mau lono.

            Pau ka makou halawai, hoi aku la ma kahi o kamaaina Tom Pahukoa moe ia po a ao kakahiaka Poaono, la 12 ui mai la ka'u aliiwahine ia'u, pehea e oni ana kakou no Wahinepee?  Ae, o ia ka pane pokole, nolaila hoi awiwi mai la a ko maua wahi e noho nei, ma ka Ekalesia o Huelo i ka iuiu, hiki i ka hale hoomakaukau na wahi opeope hora 10, a. m., peki wawae hou no Kailua ka pahu hopu, hiki aku ua makaukau ko maua kamaaina kali aku o ka laweleta, hora 12, hoea mai ka laweleta mai Haiku mai, lawe aku la na wahi paiki, kau ma ka Ekake ukana ole.

            O ko makou nui e hele nei ewalu penei; o ko'u aliiwahine, ka Tom Pahukoa ame a'u no hoi, a elima keiki.  Penei na hooponopono ana, eha keiki iluna o ka lio, koe hookahi, hele wawae no makou, a kahi i loaa ae ai makou i ka laweleka kau kahi keiki helewawae ma kona holoholona, hiki makou i Oopuola, he kahawai nui keia i kaulana ai, o Eleio ke kukini mama o Lahaina, i hana kolohe ai ia Aahualii, a ianei no hoi o Ben Kilikini i haule ai ilalo o ka pali me ka lio a make loa.

            Hora 1:30 p. m., i haalele ai na kamahele ia Kailua no Wahinepee, elima mile ka loihi o ke alahele, ame ka hapa, ke nou mai la ka makani mamua, he mea ole ia, oiai ua piha like makou me ka uwila e onou ana imua, he 15 minuke i koe koele ka hora 4, p. m., i hookuu iho ai ka anaka i ke awa lulu o Wahinepee, i hoopuniia e ka uluwehi o ke kuahiwi, e hamama pono mai ana ka luapele mamua, e waiho lakee mai ana ke kuahiwi o Koolau, ma ka hikina akau, a ma ka hema a kunihi ana ke kuahiwi o Haleakala i ka malie.

            He wahi ekalasia uuku keia, e ku nei, nona na hoahanau elima wale no, aka nae, ma ka hana, ua oi aku mamua o kekahi o na ekalesia nunui o ka mokupuni o Maui nei.

            Hora 5. p. m. hoea mai la ke komite o ua wahi ekalesia nei, oia o Rev. S. K. Kaailua, ua hele no hoi ua kauwa nei a ke Akua a onaona wale ia pua; lupalupa i ke ala, ua hele a nohenohea i ka pehia e ka noe.

            Lululima pu me ua kenerala nei o na pali Koolau.  Pau ka paina ahiahi, hoomaha liilii.  Hora 8 p. m. weheia ka halawai hoeueu o ke Kula Sabati ame C. E., i noho lunahoomalu ia e ke Komite Kahu Rev. S. K. Kaailua, mahope iho o ka himeni ame ka pule a ka lunahoomalu, ua hooneeia na hana imua, eia na mahele i hookaawaleia.

            Elua mea haiolelo, ka mua, i ka haiolelo o Huelo, olelo alakai, e hoopiha i ka lima o Iehova o ka elua o na haipule, D. K. Kahookele opio, hope Kahu Kula Sabati nui o Maui Hikina, mahele elua, he mau himeni pakahi, palua, pa ha.

            Mahale 3, na alakai like ole o na ahahui, mai Nahiku a hoea loa aku i Huelo i ka iuiu.  Mahele 4, na lunakahiko o na ekalesia; 5, ka poe opiopio, ka poe oo o na kane, ka poe oo o na wahine, ka lunahoomalu o ka aha, ka houluulu ana o na manu i pili wahi kepau, penei:

            Mai na Uhinu hulu ole ame na Uhini huluhulu, mai ke nui a ka liilii, he $30.00 ka nui me na huluhulali e anapa ana i ka malamalama o ke kukui.  Hookuu na hana o ia polea o Halalii i ka hora 10 p. m.

            Hooluolu ia koena po, a ao ae hora 6 a. m., malamaia ka halawai kakahiaka.  Poolelo, e wehe i na kamaa.  O kou meakakau nei ka i waihoia mai, no ka wehe ana ae i na kaula o ke kamaa, pau kana o ka lehulehu mai, o ka panina no hoi i ka Lunahoomalu S. K. Kaailua, elua manu nui i pili ia kakahiaka.

            Hora 7. a. m., paina kakahiaka.  Hora 9 a. m., weheia na hana o ka la e ka lunahoomalu komite ekalesia.  Hana mua, koho ana i na luna nui Kula Sabati ame C. E., pau ia, ka ahaaina a ka Haku, pau ia, hoomakaia na hana hoike, mai Nahiku a Huelo i ka houluulu ana i na mea apau, mai ka po a ao, he $64.00, na mea i puunaueia, penei.

            $40.00 no ka Ekalesia Kula Sabati, C. E., $24.00 no na hana makana i hooholoia.

            Nolaila; ke haawi aku nei keia makapeni ame ko'u mau hoahele o ka la wela o na Hamakua, mai Nahiku, Keanae, i ka waikau, a Wahinepee i ka uluwehi o ke kuahiwi, i na hoomaikai palena ole ia oukou apau loa, no ka oukou hookipa ana aku ia'u me ko'u ohana, ame ka oukou makana aloha i pahola mai ai me ka puuwai oiaio o ka lokomaikai.

            Nolaila ke noi nei ka'u leo pule i ka paepae kapu o ka mea mana loa e ninini mai i na pomaikai iloko o ka oukou mau waihona pakahi ame kona aloha ia kakou apau.  Amene.

            Ko oukou hoapaahana me ke aloha,

            O ke Akua ke kiai mawaena o kakou a hui hou aku.

JOS. H. I. KEALOHA,

 

 

Ma ka 3000@ F Heaha?

 

I ka hoomaka ana mai o kou ipu moto e "wela" heaha ana ka mea ikeia no ka aila?  E lahilahi mai ana ia.  Aka nae pehea ana kona lahilahi a pehea ana kona hana ana, ke hoea i kahi ikaika loa o ka wela?

Ma ke ano o ka pane i kela ninau ae la i nanaia aku ai ke ano o ka hooma-u ana i ka aila kou kaa.

Ua hanaia ke Zeroline mai na aila crude mai i waeia, a i hoomaemaeia e ka makou ano o ka hana ana i hoopaaia; e pale ana i ka wela o ka enekini, e hoomau ana i kona "kino" i ai@aia, ma na ana wela apau, aole on a pilikia a i ole "poino" paha.  E pipili ana ia ma na wahi niniu, me ka pahee mau i ka aila.

HE ANA HAAHAA O KE CABONA PALUPALU

Ina he loaa i ka moto ka ma-u maikai, e alo ana kekahi aila i na hao holoke, a e a ia ana ia e ka ulaahi o ka ipu aila.  I ka a ana, e hoahu ana na aila apau i ke cabona ma na paia o ka ipu aila ame ke poo.  O na aila maikai ole, e waiho ana ia he mau hakuhaku ma-ku.

O keia cabona paakiki i hoahuia, ka mea nana e hoopaapaaina i ka ipu aila, ka pau o ka ikaika hoonee, ame ka anaiia o na wahi mahu.

He hoahu ke Zeroline he ana haahaa o ke cabona palupalu, e hoopilikia ole mai ai, e pau wale ai no, ke pau ka holo ana.

E hooma-u me ke Zeroline wale no, e apo i na hooiaio no ka maikai, i komo maloko o ka pepa kuhikuhi Zeroline no ka maikai, e loaa auanei ia oe ka mana hoonee kiekie, ka mama holo ame na mile gesoline o kou kaa.

 

Board of Lubrication Engineers

STANDARD OIL COMPANY

(California)

 

OI KA IKAIKA ME KA HOLO

EMI KA PILIKIA ME KA ANAI

MA O KA PAHEE MAIKAI

 

 

Ke hoike nei makou i ko makou manaoio maoli no ke kumukuai i noiia mai, o ke Chesterfield ke haawi ana i ka waiwaiio kiekie loa no na kikalika Kawili Tureke i waihoia aku i ka poe puhipaka.

 

Liggett & Myers Tobacco Co.

 

Xanthi, Cavalla, Smyrna ame Samsoun-na paka Tureke kaulana i hoohanaia i ke Chesterfield Kawili Tureke--ua kuaiia ma na mala paka Tureke e ko makou poe kuai nohopaa.  Aohe o makou hoohemahema--ua ike makou i ke ano maikai loa o ka makou mau paka.

 

"They Satisfy"

 

 

START WITH THE LOT

 

$300 -- Lot 50x200, Henry St., off Laimi Rd., Nuuanu; $25 down, $15 per month.

 

$400 -- Lot 50x130, 9th Ave., Palolo; $20 down, $10 per month.

 

$350 -- Lot 46 1/2x60, Kalihi; $20 down, $10 per month.

 

$1500 -- Lot 50x200, 10th Ave., near Kaimuki Ave.; $75 down, $30 per month.

 

$550 -- Lot 50x150, 15th Ave., $30 down, $10 per month.

 

$925 -- Lots 55x100, Puunui, near car line; $50 down, $20 per month.

$550 -- Lot 50x100, Kalihi; $20 down, $10 per month.

 

$450 -- Lot 50x100, Claudine Ave.; $20 down, $10 per month.

 

$750 -- Lot 50x137 1/2, Palolo; $25 down, $15 per month.

 

Ask C. W. Carpenter, with

PAULO KALAUKA

(P. E. R. STRAUCH)

Alanui Moi, Helu 74, Mawaena o na Alanui Papu ame Betela.

 

 

E Kuai i Kou Mau

Pono Hale

-- ma ka --

Hawaii Furniture Co.

Helu 469 Alanui Moi,

kokoke i ke kihi o ke Alanui Liliha

 

He oluolu na kukai olelo ana

 

 

Kopa Moi Keokeo No Ka Mikini Holoi

 

He Kopa maikai loa i hiki ke hoohanaia no na ano hana apau i pili i ka home.  Hiki ke holoi i na lole nahenahe loa me ka pilikia ole.  O kona oi loa aku o ka maikai no na mikini holoi -- No ka holoi i na pa ame holoi hale.

 

KUAI I PUOLO MAI KOU HALEKUAI MEAAI MAI

 

T. H. Davies & Co., Ltd.

 

Na Akena Wale no no ka Paeaina Hawaii

 

 

Hoao i ke Kope Kona Kamehamehameha

 

Ke kope maloko olaila kona mau ano maikai kumu apau, i hoomo'aia me ke akahele loa, i wahi e moani ai ke ala, a hookomoia aku iloko o na puolo ame na kini, e komo ole ai ke ea iloko olaila -- o ke Kope Kona Kamehameha ia.

E nana i ka hoailona melemele.  He ono a mikomiko ka hoailona Kamehameha i kupono i na Hawaii.  Hiki ke loaa ia oe ma na puolo o 1-paona a i ole ma na kini o 5-paona.

 

AMERICAN FACTORS, LIMITED.

 

 

O ke Kanaka Kuai i na Lako Hana Maikai ua Lanakila e no Oia i ka Hapa o ka Hakaka

 

Aole hiki ia oe ke lawelawe i na hana maikai me na meahana inoino.  O ke kanaka e hoao ana e hana me na meahana inoino, e hoea mai ana i kona wa e kiola ai, a kuai i na mea kupono, ina he noonoo oia. Aka nae ua poho wale ka manawa ame ke dala ma ka hana ana pela.  Ke kuai nei o Lewers & Cooke, Ltd., i na lako hana maikai wale no.

 

KE MALAMA NEI MAKOU HE AHUA PIHA PONO LAULA O NA

 

LAKO MAHIAI AME NA LAKO KUKULU HALE

 

He Makemake Paha Kou i

 

KO'I, KIPIKUA, KOPALA, HO, HAMARE, PAHIOLO, KO'I LIILII, NA LAKO KAMANA PIHA PONO, HOANA HOOKALA, PAKEKE.

 

Papa o Kela ame Keia Ano, na Lako Hao, Pena, Aniani

 

Kakau mai a i ole kipa mai no na hoakaka.  E hookoia no na kauoha apau ma ka leka me ke akahele ame ka hikiwawe loa.

 

LEWERS & COOKE, LIMITED

HONOLULU

 

 

Lawa Pono ka Poe i na I'o Hipa ma ke

 

Kuai Hoemi a ka Makeke Metropolitan

 

ma ka Poakolu Aku Nei

 

Nui na ohana i hoolawa maikai ia me na i'o hipa hou a palupalu, ma ke kuai hoemi a ka Makeke Metropolitan ma ka Poakolu nei no ke kumukuai haahaa loa o 7 keneka o ka paona.  Eia na Makuahine o na Home ke komo mau nei malaila i kela ame keia la, no ka haawi ana i ka lakou mau hoomaikai ana i ka Lunanui, Mr. Lui, no kana mau hana kokua nui loa, ma o kela kuai hoemi ana e haawi mau nei malaila i kela ame keia pule.

 

He Kuai Hoemi Hou no ko Keia Poakolu Ae

 

Ina he makemake kou e hoolawa i kou Ohana Nui me na I'o Bipi Ku Momona, @ hele mai no keia Makeke, a e loaa no ia oe me ke Kumukuai Emi loa i loaa mua ole ia oe ma na Makeke e ae apau.

 

METROPOLITAN MEAT MARKET

 

E ninau no LUI; he oluolu na kuka'i ana ma ka kaua olelo makuahine.  Hele mai, mai hilahila!