Ka Nupepa Kuokoa, Volume LXI, Number 39, 28 September 1922 — KE KUAIIA NEI NA I'A MELUMELU MA KA MAKEKE [ARTICLE]

KE KUAIIA NEI NA I'A MELUMELU MA KA MAKEKE

Me he meā la, jna ka hoouiaopopo ana, aoho makaala o na lunanana i'a ma na makeke i ka lakou hana, mamuli keia o ka ikeia ana hookahi no kumukuai o na i'a kahiko melum«lu me na i'a hou, e kuaiia mai ana. Lehulehu na manawa i ikeia ai ke kuaiia mai o na i'a kahiko i hele ka opu a palahe, a hauna, o kupono ai e haawiia na ka holoholona, mawaena o na i'a hou, o ke kumu i ku ai keia hana a na kanaka kuai i'a pela no ka pakuia ana.ahiki ole i ka raea makemake ko kokoke aku aole e hiki ana ke ikeia iho ke kahiko a hauna o ka i'a ahiki i ka hoea ana i ka hale, a ia manawa e ikeia iho ai, "ua hewa ka i'a a Umiamaka he okea koloko. '* Aole no ka hookahi manawa wale ka ik«ia ana o nei pilikia, ua nui a lehulehu, aole no hokahi wule mea kuai l'a i hoopilikiaia mamuli 0 ka hana kolohe a ka poe kuai i'a, ma na pakaukau o ka makeke, ua nui a-lehulehu na nianawa i hala aku nei. Ua hoonohoia he mau lunanana ma na makeke no ka nana ana i ka i'a a no ka makaala ana hoi i ka pono o ka lehulehu, pehea la i nana ole ai keia mau lunanana i keia pilikia? E pono i ka papa ola e makaala pu ae ma na wahi o na makeke, aole 1 na kaa kalewa meaai wale no a na Pake mā na alanui, aole no hoi ma na halekuai meaai a. mau wahi e ae. īna o ke ola o ka lehulehu ka mea i makee nui ia, e pono hoi ha e makeeia na mea apau a m& na wahi apau.