Ka Nupepa Kuokoa, Volume LXI, Number 39, 28 September 1922 — LEHULEHU NA MEA KAHIKO I KAUIA NO KA HOIKEIKE ANA. [ARTICLE]

LEHULEHU NA MEA KAHIKO I KAUIA NO KA HOIKEIKE ANA.

Lehulehu na' mea kahiko o ke au moi i malamaia i mau meā hoomanao i kou ia ae ma ka puka aniani o ka halekuai o ka Hawaiian News Co., i noho pooia e John H. Sop«M". ke J£enera]a mua o ka Pualikoa Kiai Lahui Hawaii, no ka hoikei'ee ana a mawaena o ia mau mea kahiko o ka pahikaua a ka Moi Kalakaua kekahi, na mea hoomanao no ke aupuni P. G., ame kekahi mau palapala lehulehu like ole. He likilei i kakauinoaia <5 G. E. Smithies o ke keena waiwai kekahi malaila, no ka loaa ana aku iaia o ke kalaunu ame ka pahikaua a Kalakaua ame kekahi mau mea lehulehu e ae -e waiho ana iloko o ka halealii o lolani ia manawa, a o ka Hale Mana Hooko hoi i keia wa. Ma kahi kokoke i ka pahikaua kekahi palapala i kakauia e hoakaka ana makanaia i ke Konela Soper, 0 ia ko Soper kulana ia manawa, mai ia James W. Bobertson aku, ka puuku mua o ka moi, mamuli o k<j kauoha a Sanford B. Dole a ma ka la 18 o lanuari 1893 i kakauia ai, ka la mahope iho o ke kipakuia ana o ka Moiwahine Liliuokalani mai ka nohoalii aku. He mau palapala kuahaua kekahi 1 kakauinoaia e ka Peresidcna Dole ame na kuhina o ke aupuni P G., e hoamana ana ia John H. Soper ka rrvea i hookohuia i ilamuku no ka repubalika o Hawaii, no ke kukala ana ae i ke kanawai koa. He mau palapala pu kekahi i hoounaia ae i ka Ilamuku Soper mai ka Percsidena Dole ae e kauoha ana ia Soper < hoolaha ae i na palapala kuahaua, ina nei no ka hoala kaua ia mai o na pualikoa o ke aupuni kuikawa (P. G.) He palapala kauolia pu kekahi e haawi ana i ka mana i ka Ilamuku Soper e hopu i kekahi mau kanaka ma Honolulu nei, ina no ko lakou ala ku-e mai ike aupuni. Maloko o ka ~papainoa no ua poe la oia o Chas. J. McCarthv, kiaaina o Hawaii i pau kona manawa kekahi C. B. Wilson, ka ilamuku o ke aupuni moi malalo o ka MoiwahiM Liliuokalani, Samuel Parker ame kekahi mau kuhina mua me kekahi poe koikoi e ae ia manawa mawaena o na Hawaii. Aia pu ma ia puka aniani he kii i penaia o ka Peresidena Dol-e a pela ko ke Kenerala Soper iloko o kona kahiko piha, ma ke ano he kenerala no ka Repubalika o Hawaii, a pela me ko kekahi poe koikoi e ae i ka manawa o ka hookahūli aupuni o ka 1893 O na palapala hookohu apau o ke Kenerala Soper ma ke anō he ilamuku no ke aupuni moi a i kakauinoaia e ka Moi Kalakaua mai ka 1884 a 1886, a pela me ka hookohu ilamuku mai ka Peresidena Dole ae no ka repubalika o Hawaii, na hookohu ma ke ano he konela a he beri-gedia-kenerala no ka Puali Kiai Lahui, ua ike pu ia ma ia puka aniani.