Ka Nupepa Kuokoa, Volume LXI, Number 39, 28 September 1922 — KI HE PILIPINO I KANA WAHINE I KA PU A MAKE. [ARTICLE]

KI HE PILIPINO I KANA WAHINE I KA PU A MAKE.

Ma ka Poaha, o ka pule aku nei i hala, i kulike ai me kekahi moahou o ka loaa ana mai i keia kulanakauhale mai llilo mai, i lawe okoa ae ai he Pilipino, nona ka inoa o Roman Reyes, a nona hoi na makahiki ho kanaono i ke ofa o kana wahino, mft ke ki ana iaia me ka pu panapana a make loa. O ke kumu nui o kie ala ana ae o kela hana ki pu, elike me kela lono meahou, mamuli mai no ia o ka manao lili, no ka hoolala'o o ka wahino, i kekahi Pilipino opiopio, fee koa no ka puali kiai lahui. Ma ka hoakaka a kekahi kaikamahine Pilipino, o umi-kumamaiwa makahiki, a he kaikamahine hanauna hoi, na ka wahine i make, ua hele pu oia me ka mea i make, ma kahi hoomoana o na koa, a i ko laua hoi ana aku i ka hale, ua huhu mai la ke kane no ka hele loihi loa o ka wahine, aol« he hoi koke aku i ka hale. Aole ka kela wahine, i hunahuna iho i ke kumu o kona hoi koke ole ana aku, aka, ua hoike nku la no oia, ua hele oia e ike i kana ipo aloha, ma kahi hoomoana o na koa. No kela pane a ka wahine, aole i hoohakalia iho kana kane i ka hooko ana aku i kona manao inaina ; me ke kii ana i kana pu panapann, a ki aku la iaia ahiki i ka make ana. Mawaho ae o kela kaikamahine, o 19 makahiki, he eha mau Pilipino e ae, i lilo he mau hoike no kela ki pu weliweli i hnnaia, a aole no hoi i lilo ke karaima, i hanaia, i kumu e kau ai ka weli, i ka Pilipino pepehikanaka, aka, ua noho no oia ma ka aoao o ka moe e waiho ana ke kino make o kana wahins, ahiki i ka hoea ana Au o na makai o Hilo.