Ka Nupepa Kuokoa, Volume LXI, Number 39, 28 September 1922 — HE HOOMANAO ALOHA NO MRS. HAINA KOLAE. [ARTICLE]

HE HOOMANAO ALOHA NO MRS. HAINA KOLAE.

He mea kaumaha a ehaeha ka mako ana o na hoaloha, a o na hoapaahana hoi iloko o ka Haku lesu, a kaawale ae la ka pili aloha ana o na hoa, a o ka laulima pu ana hoi, ma na hana iloko o ka Ekalesia Hawaii Mna o Kapaa nei, he ekalesia ahahuina kona Kula Saibati, na Ahahui C. E., ka Ahahui | Aloha Manawalea a Kokua o na Wahino, ame ka Ahahui Kaahumanu o Kapaa nei, elike me ia m'akuahine 0 keia kihapai, oia o Mrs. Kolae, 1 make aku me ke aloha nui ia ma ke kakahiaka Poakolu, Augate 9, 1022, ma ko laua home aloha me kana kane ame ko laua ohana ma Kapaa nei. He makuahine keia maluna mau ona na haawina o ka oluolu, ka lokomaikai ame na nanaina hauoli mau; he hoomanawanui a he makaala i* na hana no kona Haku aloha, a ua ku iho no hoi no kona Haku me ka oiaio, a moe aku la i ka moe kau a hoOilo, e hoomaha ana i ka luhi a ala hou mai no ma kela la nani a kamahao me ko ke ao nei apau. He hoahanau oia no keia Ekalesia, he haumana no ke Kula Babati, he lala no ka Ahahui C. E. makua, he lima kokua no na Ahahui C. E., Kuwaena ame Pokii, he lala no ka Ahahui Aloha Manawalea a Kokua o na Wahine, a no ka Ahahui Kaahumanu o kihapai, a no ke aloha ame ka nui ju nona ke huipu nei keia mau mahele hana apau o keia, Ekaleaia a ke hoike aku nei i ko lakou minamina pau ole no ka hoapaahana i I hala a ke komo pu nei me ke kane j wahine-make ame ka laua ohaua | epau iloko o ka noho homanao ana, ka luulu ame ke kanikau no ka mea i hala; ke hooholo pu nei e haawiia keahi kope o keia homanao i ka ohana o ka mea i piake; e hoopaaia keia mau olelo maloko o na Buke Moolelo o keia mahele ae la apau; a e haawiia aku hoi kekahi mau kope i na nupepa Hawaii, ke Kuokoa ame Ka Hoaloha no ka hoolahaia mai. Luakini o Moikeha, Kapaa, Sepatemaba 3, 1922. O makou iho'no na komite, I. K. KAAUWAI, J. B. C'UMMINGS, ABBIE KAAUWAI, MBS. E. K. HANO, J. MAHIAI KANEAKUA, ELAINE MAHIKOA, MRS. FLORA KAILIKEA,