Ka Nupepa Kuokoa, Volume LXI, Number 39, 28 September 1922 — E MAKEE KAKOU I KA INOA MAEMAE O HAWAII [ARTICLE]

E MAKEE KAKOU I KA INOA MAEMAE O HAWAII

O kekahi o na ninau ko'iko'i loa e kamailio nui ia nei maloko o na nupepa namu o kakou iloko o keia mau la, o ia no kc ku-e ana i na hula o ke ano pelapela, a hoohaahaa i ka inoa maemae o Hawaii nei, ame na kanaka Hawali, ēlike me ia e hoikeikeia nei e kekahi poe ma Amerika, a ma kekahi mau wahi 0 kakou. ma ke ano he hana ume mai ia i na malihini makaikai, e holo mai no Hawaii nei. Eia kekahi poe makamaka haole, a mau hoaloha oiaio o na Hawaii, ke kupale nei i ka inoa maemae o Hawaii ame ka lahui Hawaii. mamuli o ka hoike ana i ko lakou mau manao ma ke rtkea. e ku-e loa ana i ka haawiia o na hula hoohaahaa, a hoohiiahila i kumu hoohoihoi i ke kipa ana mai o na malihini i o kakou nei: no ka mea, o ka makemake wale no o ka poe e hoolaha ana ina hula Hawaii, aole no ka hookaulana ana ae 1 keia lahui, ma ke ano e hanohano ai, a e haaheo ai kakou, aka no iee ake wale ana no ia e loaa nui na pomaikai ia lakou; ma ke ano nae e hoopilikia mai ana ia Hawaii ntfi, a i na kanaka Hawaii hoi. Xo ka imi ana i na pomaikai ma ka hoolaha ana iaku i na hula Hawaii, ame na pa-u hula mauu, ua kukuluia ae na wahine Hawaii, ma ke ano, he poe loea nla ia hana, a e hula ana hoi, me ka hapa olohelohe o ko lakou mau kino, e kono okoa aku ana i na malihini e hoea kino mai e ikemaka no lakou iho. O ka mea oiaio maoli, elike me na hula a kakou e ike nei. i ka hanaia ma kekahi mau home, ma na hoikeike akea, a maloko o na halekeaka, he mau hula kupono maoli ia a kakou a na Hawaii e haaheo ai, a pau pu*no me na kamaaina haole, ame na malihini i ka haawi ana i ka niahalo, no ka mea aoie loa he ano pelapela a hoohilahila paha iloko o ia mau hula; aka e hoike okoa mai ana na ano apau, i ke kilakila o ke kulana o ka poe hula. a i ka nani no hoi o ke ano o ka hula ana. Aole no nae i nele ka hoohanaia o ka hula e kekahi poe • > kakou, ma ke ano i kaokoa loa ae mai ke ano mai e hulaia nei ma na wahi akea, aole no ko kakou makemake maoli ilio, ka no ka makemake o ha'i, e haawi ana i na uku nunui i ka i'oe hula, no ka hooko ana aku i ko lakou mau makemake, no ka pono ame ka pomaikai. o ka lakou hana ilni loaa, o ke ano < hapala ana i ka inoa maikai o na Hawaii. Tle oi aku ke ino ame ka hoohilahila maoli o kekahi mau ano hula, a na haole, e hoikeikeia nei: mai lilo nae ko lakou hoikeike ana i kela ano hula, i kumu e puni wale aku ai kakou. i ke koikoi mai a ka poe imi waiwai, e ake wale ana *no ' kn ]>iha o ko lakou mau pakeke i ke elala, me ka noonoo ole mai. i ka hopena e kau aku ana maluna o ka poe hula, ame ko iakou lahui. Aole loa kakou na Hawaii i makemake, e hookaulanaia ae k' > kakou aina, he aina no na hula o ke ano hoohilahila, pela l.ui ka hoikeike o ko kakou poe wahine Hawaii. i kekahi hapa » ko lakou kino. no ka makaikaiia mai; aka e lilo kakou i poe ku-e aku, a kupale no ko kakou inoa maemae. L'a apono ae ke Kalapu Hoeueu Hawaii, i kekahi olelo hooholo, ma ka Poalima aku nei i hala, e ku-e loa ana, ma na r.ni) apau, i ka hapala wale ia inai o ka inoa maikai o Hawaii nei. ame ka lahui Hawaii, m?. o na hula o ke ano haahaa, i kapaia aku, o ke ano ia o ka hula Hawaii kahiko; he'olelo hooholo. a kela ame keia Hawaii, e kakoo aku ai, ma ke kinai ana aku i na hooikaika ana mai a na haole, e hoolilo i keia lahui ī mea paheneheneia mai e na lahui e ae. ma ka hooko ana aku i ka iini ame ka makemake o ka poe kolohe . Aole i ku-eia na hula Hawaii o ke ano maemae, a ku no hoi i ke kfclana o keia au malamalama, he mau hula ia a kakou e haaheo ai: a ina oia ano hula ke hoikeikeia ma Amenka, a maanei no hoi, ua oi pakela aku kona maemae imua o na hulahula haole i kamaaina ia kakou. N'olaila e na Hawaii, mai punihei wale ko oukou mau manao, i ka hookikina mai a ka poe kolohe, a i makee ole i k<« oukou inoa maikai. e hoololi ae i na huia Hawaii r iilo i mau hula ku i ka hoohilahila; mai lawe mai i na dala ki-pe a ka poe kolohe. i wahi e hookoia aku ai ko lakou mau inakemake, no ka mea aole no ka hula ka lakou i ake nui ai, ōka no ke ake e makaikai i na kino o ko kakou poe wahine. Eia kakou ke nee nei iloko o ke au o keia nohona malamai nna ana, e lawe mai i na hana o lee au malamalama, a mai K>ikc i ko kakou ano pouliuli, ma ka lawelawe ana aku, i na iuina e hapalaia mai ai ko kakou inoa maikai. E ku kakou iluna me ka maloeloe, a hoikeike aku i ko ke ao holookoa. aole na ano hula e lawelaweia mai nei ma Amerika. no Hawaii nei, aka he mau h'ula ia i hoikeikeia ae, e ka poe i hoolilo ia lakou he mau enemi no Hawaii nei, ame ka lahui Hawaii.