Ka Nupepa Kuokoa, Volume LXI, Number 39, 28 September 1922 — E MAKAALA I KE ANO O KE KOHO ANA I NA MOHO [ARTICLE]

E MAKAALA I KE ANO O KE KOHO ANA I NA MOHO

He hookahi pule okoa i koe, mai keia Poaono aku, alaila ht»ea mai kakou i ka pahu hopu o keia hakoko kalaiaina kuioko, o ka keia pepa e a'o aku nei i na mana koho, o ia ka makaala loa i ke ano o ka lakou koho ana i na moho, i ole ai e kiolaia ko laks>u mau haloka, a lilo i mea poho wale, me ka ivanvai ole. Xo ka hoonauao hou ana aku i na mana koho, i ke ano o ke kaha ana i na haloka. he mea pono, e heluhelu mua ia na olelo hoakaka maluna o ke poo o ka baloka, i maopopo ai ka mea e hana aku ai, aole o ka pono kaha wale aku no, me ka maopopo mua ole. ' Ma ke poo o ka baloka no na moho elele lahui, e hoakaka ana kekahi mau huaolelo moakaka loa i hookahi wale no moho, n ka mea niana koho e kahape'a ai, niaiwaena mai o ka nui o na moho e holo elele ana. E kauia ana na aoao kalaiaina ona moho. a i ke kaha ana i ka moho i makemakeia, e kau ia kaha ik>ko o ke kuea i hookaawaleia, mamua pono aku o ka inoa, .-iole ma kekahi wahi e ae. . O ke kau ana i ke kahape'a mawaho ae o ke kuea, a koho l>aha a oi aku mamua o hookahi moho, he kumu 'ia e kiolaia ni ka haloka. Ma ke ano hoohalike: He ekolu mau moho elele e holo nei ma ka aoao Repubalika. e kauia ana no ka aoāo kalaiaina o kela mau moho maloko o ka baloka, a he elua hoi mau moho elele Demokarata, me ke kauia o ko laua aoao kalaiaina; ua hke me elima ka nui o na moho elele, a ka mea mana koho, e wae ai nona iho, a maiwaena ae o kela mau moho elima, i hookahi wale no ana moho e kau ai i ke kahape'a, mamua aku 0 kona inoa. Ma keia ano hookahi no, e hana aku ai ka mea koho, no va moho senatoa ame na lunamakaainana, elike me keia ma ka hoohalike ana. Ma ka Mokupuni o Oahu nei, he eono mau moho senatoa ma ka aoao Rēpubalika, a he eha hoi mau moho Demokarata, ua like pu me umi mau moho maluna o ka baloka no na senatoa: maiwaena ae o kela mau inoa, e koho ka mana koho, i ekolu mau inoa, ma ke kahape'a ana, mamua o na inoa ana i makemake 'ai. Xo na moho lunamakaainana hoi, ua hookaawaleia na moho o ka apana eha mai ko ka apana elima mai. Ua oi wale aku ka heluna-x> na moho, mamua o ka heluna i makemakeia ai ka mea kau aku i kona kahape'a. o ia hoi, i eono wale no ana miali inoa e koho ai. O na hoakaka no ka heluna, ame kahi e kau ai i ke kahape'a. ua kauia no ia ma ke poo o ka baloka, nolaila aole he kumu e kaha hewa ai kekahi mea i ko'na baloka, koe wale no a he mea ike ole oia i ka heluhelu. a ua ona paha, aka, no ka poe noonoo maikai, aole loa he kumu kupono a keia pepa i ike ai, no ka hiki ole ana iaia ke kaha i kona baloka me ka pololei. Ina i manao ka mea koho i hookahi wale no ana meho e koho ai, no ke kulana senatoa. maiwaena mai o na moho he umi, ua hiki iaia ke hana pela, me ke kiola ole ia o kona baloka, o ka 01 waie aku no mamua o ka heluna o na moho i makemakeia, o

ke kumu ia e kiolaia ai; pela no ma kahi o na moho lunamakaainana. Aole loa he koho haloka ana ma o kakou nei, i nele ai ke kiolaia o kekahi heluna nui o na baloka, mamuli o ka oi loa 0 na moho "i kohoia, "mamua o ka heluna i makemakeia; pela hoi ke kauia o ke kahape'a, ma kahi i hoakaka ole ia, a ua kakau maoli ia hoi he huaolelo. Mamuli ih6 la o kela pilikia, ua imi ke kakauolelo o ke Teritore i ke alahele e .ola ai kela ma'i, me ka holopono ole no, a eia hoi kakou ke koho haloka hou nei, pehea mai ana la ke ano o ke koho ana ma keia kau? I ka nana aku, ua ili ke ko'iko'i o ka hoonaauao ana i na mana koho maluna o na aoao kalaiaina o kakou, ma o na iealapu la, a mau luna hooikaika paha, no ke ano o ka lakou _kau ana Ike kahape'a ame ka heluna ona moho e kahape'a ai. O ka maopopo, a maopopo ole i ka mea koho kana mea e hana mai ai, aole he kuleana o na lunanana koho haloka ia mea, koe wale no a uiia aku ia lakou, no kekahi mau hoakaka, e hoopauia ae ai na pohihihi, ma ia ano wale no i komo mai ai na lunanana e kokua, aole ma kekahi ano e ae. I wahi e nui-.ole ai na pilikia, i ike mau ia o na koho haloka ae nei i hala, He mea pono no i na moho o na' aoao kalaiaina kuloko o kakou e holo nei no ka ahaolelo kulokO; e a'o aku i na mana koho, ma ka lakou mau wahi haiolelo kālaiaina, i keia mau mea ano juii a ke Kuokoa e hoakaka nei, no ka mea, he minamina ka haloka kiola wale ia, mamuli mai o ka noho naaupo o kekahi mau hoa makaainana koho haloka o kakou.