Ka Nupepa Kuokoa, Volume LXI, Number 39, 28 September 1922 — HE HAWAII KUPONO O JOSEPH (KEO) ORDENSTEIN. [ARTICLE]

HE HAWAII KUPONO O JOSEPH (KEO) ORDENSTEIN.

0 kekahi o na moho ma ka aoao Repubalika, mai lfa ppana eha mai, e holo nei, no ke kulana lunamakaainana, oia o Joseph (Keo) Ordenst«in, he opio Hawaii oia, i kamaaina i kekahi heluna nui o ko ke kulanakauhale nei poe. Oia hookahi wale no ka Hawaii e holo nei iwa#na o na moho Repubalika apau, no ke kulana lunamakaainana, mai kela apana mai, a ua makemake oia, « lilo oia kekahi o na lunamakaainana o ka ahaolelo kuloko, mamuli o kona iini, e hanaia kekahi mau hoopoonpono ahaolelo, no ka pono holomua, o na oihana iloko nei o ka aina. No na kau ekolu ae nei i hala o ka ahaolelo, ua noho kakauolelo oia na ke komite waiwai o ka hale o na lunamakaainana; mamuli o kela kulana, ua ike oia i na lawelawe hana ana oloko o ka ahaolelo, ame ke kulana pili dala, no ke Teritore nei. Ma kana mau oihana ame na kulana lehulehu ana e paa nei, hoike mai oia, i kona ike ame ka makaukau pili lawelawe oihana. He peresidena oia no ka hui Liberty Investment Co. Ltd., he hui kuai aina a hoopukap'uka daīa, i kukuluia ae e na kanaka Hawaii o keia kulanakauhale. He puuku oia a he lala no ka papa hooko o ka hui Office Supply Co., e ku nei ma ke alanui Papu. 0 keia no kekahi hui, i onaia k'a hapanui o na mahele e na Hawaii. He puuku a he lala no ka papa hooko oia no ka Oahu Sporting Goods Co., Ltd., he kakauolelo oia a he lala no ka papa hooko, no ka hui kuai lole, Fa«hion Clothing Co. Ltd. Mamua o kona komo kino ana iloko o ka lawelawe oihana ana ma keia kulaniakauhale, ua noho hana mua oia maloko o ka oihana kukeawa, no na makahiki eiwa ma ke ano he kakauolelo, a he hope kukeawa. Maloko o na kula o kahehuna, ma Eamehameha ame Punahou kona wahi i hoonaauaoia ai. a he mau manawa lehulehu kona. i holo aku ai po Amerika, ma> ke ano he eleie no na hui ma-lu o Oahu nei; a he Inla oia no na ahahui like ole o keia kulanakauhale.