Ka Nupepa Kuokoa, Volume LXI, Number 39, 28 September 1922 — Ki ka Wahine i Kana Kane me ka Pu Panapana ma Wahiawa No ka Hoao ka o ke Kane e Hoeha Iaia Pela i Kupale Ai Kela Wahine Iaia Iho Mai Kona Pepehiia Aku e Kana Kane [ARTICLE]

Ki ka Wahine i Kana Kane me ka Pu Panapana ma Wahiawa

No ka Hoao ka o ke Kane e Hoeha Iaia Pela i Kupale Ai Kela Wahine Iaia Iho Mai Kona Pepehiia Aku e Kana Kane

Malalo ae nei o Wahiawa, nia ka auwina la o ke Sabati aku la i hala, i kiia ae ai he haole o Harry H. Hewitt ka inoa, e kana wahine me ka pu panapana, o kahi nae o ka laki, o ia no ka make ole ana o ke kane, aka nr.e he kulana kupilikii kona, a ke waiho mai nei oia maloko 0 ka halema'i o na koa ma Leilehua, malalo o na lapaau ana a na kauka malaila, me na manaolana, no kona pleakna mai ka poino mau Ua hopuia o Mrs. Hewitt e ka Hope Makai Nui H. H. Plamer o Waialua, a hoihoiia mai no Honolulu nei, no ka ninaninau pono ia aku, o ke kumu i ala mai ai o kela hana ki-pu. Ma ka oleloia, ua ala mai kela kipu a ka wahine i kana kane, mahope iho o ka hoao ana o ke kane, e hoelia i kana wahine. Ua lohe ka poe e noho kokoke mai ana i ka hom-e o kela mau mea, i ko laua hoopaapaa, me ka uwe ana o Mrs. Hewitt, mamua ae o ke kiia ana o ka pu panapana, me ko lakou hele ole mai nae, e nana i ke kumu o kela uwe ana. Aole ka kela o ka manawa mua loa o ka hoao ana o Mr. Hewitt e hoeha i kana wahine, aka he mau manawa lehulehu ka mamua aku, elike me ka hoakaka a Mrs. Hewitt 1 kona mau hoaloha, me ka hoike okoa ana aku ia lakou, no kona makemake, e hoi mai a noho ma Honolulu nei, o keia ka ke kumu nui i ala mai ai kela hoopaapaa, ahiki i

ka hoohana okoa ana o Mrs. Hewitt i ka pu panapana. Ma ka manawa a Mrs. Hewitt i ki aku ai i ka pu panapana, ua lele aku la ka poka, a ku ma ka a-i o ke kane, me ka holo ana o ka poka ilalo me ke komo ana ma k« akemania. Ua loheia mai ke kani ana o ka pu panapana, e ka poe e noho kokoke ana ma kela wahi, a ua hoikeia aku ka lohe ia Kopala Davis o na makai koa, ā oia ka i hele mai no ka hale o Mr. Hewitt. laia i komo aku ai iloko o ka hale, ua loaa mai la iaia o Mr. Hewitt, e waiho ana iluna o ka papahele, maloko o ka halekuke, a e ku ana hoi o Mrs. Hewitt, ma kahi kokoke mai, me ka paa ana no i ka pu panapana iloko o kona lima. Aole o Mrs. Hewitt i hoao ma kekahi ano e huna iho i kana mea i hana ai maluna o kana kane, aka iaia i iko mai ai i ka makai o ka oihana koa, ua haawi mai la oia i ka pu panapana iaia. * Ua hoike koke ia aku Ia ka loho i ka Hope Makai Nui Plamer o Waialua, a iaia i hoea mai ai, i waihoia aku ai o Mrs. Hewitt malalo o kona malu, a hoihoi loa ia aku hoi ka mea poino, noloko o ka halema'i o na koa ma Leilehua. He haole koa o Mr. Hewitt mamua, oia kekahi mea iloko o ka puali makai o na koa, ma ka Papu Kahauiki, a he eiwa mahina ae nei i hala, i kaawale mai ai oia mai ka oihana koa mai, mo ka hoi ana aku a noho ma Wahiawa, me kana wahine, a na keia pilikia, i hookau aku i ka poino maluna ona.