Ka Nupepa Kuokoa, Volume LXI, Number 40, 5 October 1922 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

 

Makalei, ka Laau Pii Ona a ka I’a Moaula-Nui-Akea i Kaulana

 

HE MOOLELO KAHIKO NO KA HULI KOOLAU O KAILUA AME WAIMANALO, KA NANEA O KE AU O KA MANAWA.

 

            I ke ala ana ae o Kahinihiniula aa ao, o kona oili aku la no ia ka mapuna loaa na i’a, hoi mai la, he-a ke ahi pulehu a aimaka; ai a maona o ka lilo aku la no ia no ke one o Kuhalilea kahi o kkona mau hoa.

            E waiho kaua i ka hueu o Makawao e nanea me kona mau hoa, a e aui ae hoi kaua i ke Konohiki ai aina o Kailua oiai, ua nele ae la no kahi ana i manao ai e loaa ana me ka maalahi; nolaila olelo aku la oia ia Paku’i:  “Hoi aku hoi oe a i na hoa o kaua, olelo aku oe, e pii mai lakou iuka nei i keia ahiahi, a paina mai kakou iuka nei.”

            “Ae,” wahi a Paku’i; “heaha hou keia hana au e ke’lii e noonoo nei?”

            “Hookahi no a’u hana nui e au nei o ka’u manao, o ke alahele e loaa ai keia keiki, anoai he wahi no koe i hiki ole ia e laua i lohe ole ai kolaila po’e, ke kumu i hiki ole mai ai o na makua o keia keiki, ame keia keiki pu, a hookahi no hana i koe o ka hele aku e huli ahiki i ka loaa ana.”

            I ka lohe ana o Paku’i i na olelo a ke Konohiki, pane mai la:

            “Heaha la hoi, na’u ia e hoi aku a ha’i ia laua a ahiahi makou pii mai.”

            Hoi aku la o Paku’i ahiki i ka hale, a kahea aku la ia Nuhi, me ka olelo aku; “E kahea aku oe i kela hoa o kaua e hele mai.”

            Hooko aku la o Nuhi i ka leo o ka luna aina, a lohe o Nihiole i ke kahea a Nuhi, olelo aku la oia i ka wahine:  “Eia no ua wahi kahu loko pauaka nei ke kahea hou mai nei, heaha la kana niu e huhilani hou mai ai?”

            Pane maila ka wahine:  “Heaha hoi ke kuhilani o ia, a loaa kahoi ia olua kekaheaia, o ia iho la kau mea e ke’uke’u ai; o oe ka hoi e ke kane, ua loaa kou inoa i kea lo o ke’lii, he hoa ikali no ka huakaihele, ke kaheaia mai la anei ka mea i manao ole ia?

            “O hele, anoai he manao no ko ka haku aina o kakou ia oe i kauoha mai la.”

            “U!” wahi a Nihiole, “o ua hoouna no paha i ka uka polikua o Kupou, e pili pu ai ka hanu, he naenae ka ma’i, e hooko aku hoi paha i ka leo a kuhi hou mai oia ia maua e pi ii ka lapa manu ole, aole au e ae i kana.”

            Noho iho la o Nohole a ahiahi, hooko aku la ia ka leo kauoha a ke Konohiki.

            Hele aku la oia a hou me Nuhi kona koolua, haele pu aku la laua a loaa o Paku’i e kali mai ana.

            A hui lakou, pane mai la o Paku’i:  “E pii ana kakou i kahi o ke’lii, a ai aku kakkou ilaila, aole au i ike heaha la ka manao o ke’lii.”

            Olelo mai la o Nuhi;  “Anoai paha he hana no ka ke alii i manao ai, aia hoi kakou ahiki aku, alaila loheia ka olelo.”

            Ia lakou ne ii hiki aku ai, pa no kahea a ke kamaaina puuwai oluolu, “he ma-i!  Maloko hele mai e ke hoa, ka, ma-ma mai la no koakai!”

            “Heaha la auanei hoi ka mea e noho aku a ii k oleo kahea,” wahi a Nihiole.

            “Maikai,” wahi a Ahiki, “aole no he hana nui o ka leo kahea, aia a piha ka houpo alaila,kamailio ana ia i ka olelo ua pohu oloko.”

            Makaukau ka papaaina a ke alii me na hoaai, noho iho la na mea apau e ai, a i ka maona ana, noho la o Ahiki me kona mau hoahele; olelo mai la o Ahiki:

            “I kauoha aku nei no au ia oukou kuu mau hoa ukali o ke ala, no ka mea a kakou i lohe like ai, i ka hoike a ke kahuna o kuu aikane.

            “Ua manao hoi au o ka hoouluulu ana in a kanaka o Kailua nei, me Waimanalo, o ia la hoi ka mea e loaa ai, aole nae, a no ia nele, kauoha aku nei au ia oukou, e noonoo pu mai kakou i ka alahele e hui ai a o kakou paha me keia keiki; o ia iki iho la no ko’u manao.”

            “Ua maikai hoi ha kou manao e ke alii, a eia no ko’u manao,” wahi a Paku’i, “e moe no kakou apu iuka nei, a kani ka moa alaila iho kakou i kai o Kailua, a mawaho o ka hale i kahakai malaila kakou e hoomaka ai e imi, a pau o Kailua nei, nee aku ana no Waimanalo, in a pela ka neepapa o ka huli ana, loaa koke no.”

            A holo keia manao iwaena o lakou, hoaumoe iho la lakou i kahi o ke Konohiki.

            I ke kani ana o ka moa mua, ala ae la lakou apau, makaukau no ka huakai imi i kahi i noho ai o ke keiki.  Iho aku la lakou ia wanaao ahiki in a hale kokoke i kahakai, alaila hoolulu ka huakai.

            I ka wa kakahiaka nui, ala mai la ko ka hale poe, a pua iwaho e hoopau pilikia, ike mai la i keia poe kanaka e noho aku ana aole i mamao main a kauhale mai e kuku ana.

            I ka ike ana o na mea i puka ai iwaho mailoko aku o ka hale, olelo aku la kekahi i kekahi, “poniponi hoi ka lawai’a a keia poe o kakahiaka nui, kai hanupa.”

            “Ae no hoi,” wahi a ke kokoolua.

            “No uka paha keia poe, o Mokulana i ike ole ai he mau kakahiaka kai nui keia?

            “Pela no hoi paha, ke ike pu ae kiwai i ka auwai a ka Menehune la no hoi kaua la.”

            Ia laua nei e pupue ne ii ke ki(hanawai) ia wa laua i ike aku a ii ke kuku ana ae o’ ae poe kanaka nei a laua i manao kuhihewa ai he poe lawai’a paouou o kakahiaka nui, a hele pololei mai la no ka hale.

            I ka ike ana o keia mau mea  mawaho o ka hale i ka hele mai o keia poe kanaka, kahea aku la laua i ka poe oloko o ka hale:

            “Auhea oukou e-a, e ala ei ae keia poe kanaka malihini ke hele pololei mai ne ii ka hale nei!”

            “Ia olua hoi paha,” wahi a kekahi leo mailoko mai o ka hale, “o ka olua wini ana aku nei owaho i ka wa poniponi, aole ka i lele ae ka uhini mai ka pua ae o ka mauu, kukuku ana olua iwaho.

            “He huakai hele loa no hoi paha kela, o ka ike ana mai la ia olua, kipa mai la.

            “Aole ka hoi i pau ae ka hoopulupulu ana i kahi pa-u i ka huihui o kakahiaka nui, eia ka hoi ka mea nanae hoala!”

            Oiai kela mea maloko mai e kukahala-ke nein a olelo, ia wa i lohe hou aku ai lakou i ke kahea ana mai o na mea mawaho:

            “E lakou nei e moe mai nei, e ala, ei a eke Alii Konokiki o kakou ke hele mai nei me na hoa hele ona i ka hale nei, ua kokoke loa! 55.

            I ka lohe ana o ka poe oloko i keia huaolelo alii Konohiki, he nakeke like ia o kahi kuina pa’upa’u o na mea apau, a keke ana iwaho, me ka helehelena hoihoi a me ka mahumahu pu.

            “He ma-i! hele ma ii ka hale nei, ma-i!”

            O u-ao noeo ula ka pua o ke aalii,

            Polenalena halena i ka waileia,

            I ke oho kalukalu nu’a o ke uki,

            Nonoho puukiuki i ka maka o ke Koolau,

            Kuu wahine pua Kaielulu olalo—e,

            Olalo hookikiwai a ka Naulu,

            I kahi mea iki huna a Makahuna,

            Me he hae la i ke pili o Huewa,

            Eia ua hewa la ke wawa ne-i!

            He mai-i-e!

            Ahiki lakou ne ii ka hale, haawi ke aloha, hooho mai la kamaaina:

            “Auwe no hoi oe e ke’lii e1 kakahiaka hoi keia huakai au?”

            “Maloko hale, hoomaha liilii, e hoomakaukau ae kamaaina i wahi mea paina!”

            “Aole,” wahi a Ahiki, “mai hookaumaha oukou, no ka mea, e hele aku ana no makou; i mai nei hoi au i ko oukou hale, olelo aku nei au ia lakou nei e kipa kauhale makou, o ia ia i kipa mai la, o noho auanei hoi oukou a lohe ma ii kekahi no’u nei, olelo iho oukou ia’u i ke Konohiki maua, a i ka hele kunihi me he kuku’e la.”

            “Aole pela e ke’lii,” wahi a kamaaina, “anoai paha he manao nui kou e ke alii e hele ne ii keia huakai au, a he mea paha kau i upu ai, anoai o loaa ianei, pokoke ao hoi ka huakai e ke alii.”

            Nana mai la o Ahiki me na maka oluolu o ke aloha hoakanaka, me ka huakaihele a pane mai la.

            “Aohe mea nui o keia huakai a’u, o kuu hele mai no e ike ia oukou na makaainana o kuu aikane; a ka’u kuhilani anei hoi, pupuu hooleiloa oukou noho ana, a i panai hoi ma ko’u aoao, o ia ia i hele mai la a pa’i no hoi kakou a pa’i.”

            Oiai lakou nei e wawa nei, in a olelo o kakahiakanui, lohe mai la kekahi mau hale, puka mai la kanaka iwaho, ike  mai la i keia kanaka ano kapukapu o ke kulana, a nana mai la i kona mau kahiko, e kau ana i kona poo na lei hulu iwi i o-aia me ka hulu weo o ka O-o, a he ahuula kau poohiwi kona e aahu ana.

            I ka maopopo ana ma ii keia poe o ko lakou Konohiki puuwai hamama no keia, apau a pau, muu ana i kea lo.

            “Auwe no ka hoi e! nui maoli no ka hoi na hoa aina o ke alii e noho nei i ke kahakai nei!”

            “Ae,” wahi a lakou ma. “Ke nana nei o Ahiki me kona mau hoa o ka hoailona ike aku la hoi in a mea nei a lakou e imi nei, aole nae o ka poe no a lakou i ike ai iuka, oia no keia a lakou e ike nei, a no ia nele, hoeu ae la ke alii i kona mau hoa, “ina kakou o i ma-u.”

            “Alia e hele ko huakai e ke’lii, apu alii iho, o ka makaukau mai no hoi koe o kahi mea paina, he la napoo wale iho anei hoi kekahi iwaena, aia no kona napoo ahik i kona wahi”

            Mamuli o ka maikai o na olelo a kaaina, ua ae aku la o Ahiki i ko lakou manao, a noho iho la, lakou nei, walea i ka haihai olelo me kamaaina

            Ke nana nei lakou ne ii ke olowalu mai o ka uwahi o kela ame keia hale, ke ka’ia’iia mai la ua kumau o ka poi amen a mea apau o ka papaaina a kekahi hale i kukuluia me he halau la; malaila i hoomakaukauia ai ka papaahina a ke alii

            Oiai nae o Ahiki e noho nei me kela manao e nalu ana iloko ona no kahi keiki i awa i ike mai ai kahi kamaaina e noho pu nei me lakou, i ke anoe o ke’lii a pane mai la oia:

            “E ka punahele nui a Olomana, heaha keia hiona anoe a’u e ike aku nei ia oe e ke alii, a o ia paha ke kumu o keia huakai au?”

            “Ke aha ia?” wahi a Ahiki.

            “Ke kau la hoi ka haulilele i ko kii onohi, e ke’lii.  Ina o kena hauli lele ou e ke lii, a he hauli ipo, alaila aole ianei e loaa a ii ke kahakai nei, he unupehi alamihi no ka lae iliili, anoai aia aku no i ka pilipiliula kahi in oho ai!”

            Mamuli o keia mau olelo a keia kamaaina ua ne-i ae la ka aka a na mea apau.

            “Auhea oe e kuu kamaaina, olelo ahiki?” wahi a Ahiki.

            “Heaha hoi ko’u apiki e ke’lii?”

            “I kou hoolilo hoi paha in a u’i kahapu’eone, o kou apaa, he pohaku nou holoholona no ka lae iliili.”

            “Ka,” wahi a ke kamaaina, “aole paha la he kawai, ua ike pu aku ia no hoi au ka malihini, o kulana ipu keia a Maaloha, i kaulana ai ka olelo, poi nui, a mamuli o ka hilahila i ka olelo ia ana pela, nolaila hahao oia i ka umeke ka huewai me ka nonolau apu iloko o ke ko-ko, a pane aku i ke kaikoeke i keia a o ia kulana ipu la, o ia keia au e ke alii e ike la.”

            Ke lo’ulo’u nei ka aka a ke alii ame kona mau hoahele, no neia mau olelo hookaau a ke kamaaina.

            Oiai nae lakou nei e lilo ne ii kike a ka olelo, i ke au a ke kamailio, hele mai la keia kaikamahine ehu nu’anu’a o ka lauoho, a ku iho la ma ka aoao o ka punahele a ke alii, hoopa iho la i kona lima ma ka poohiwi me ka olelo ana iho”

            “E ke alii e, leu ae a ku iluna me ou hoahele, haele ae kakou i kela halau e ku mai la, ua makaukau ka papaaina nau ame ou mau hoa!”

            Mamuli o ka palupalu o na olelo a keia ehu, ua hoalaia ae la ka hiamoe o Peekau iloko o ke Konohiki, hopu ae la oia i ka lima o keia ui ku ae la iluna me ka olelo ana aku i kona mau hoahele, “ina kakou i ka lokomaikai o kamaaina, hookahi no leo o kahi alii.”

            Huli hou mai la oia a olelo mai la i kona mau hoa olelo na kamaaina hoi:  “E hele pu no kakou, hookah ka ai ana, he ma-no ka meaai hookah, a na kumupali e nana; ai ana kamailio ana, ono ka ai ana, o ka nohona ia o kahi alii.”

            Na ke Konohiki ka olelo, ua maikai ia i kamaaina hookahi ka noho like ana.

            I ka nana ana iho o ke Konohiki in a mea apau e ai ana e kamailio ana, hene ana na aka i ka momona o na olelo hoonoonoai o kea lo alii, huli iho la o Ahiki a pane iho la i keia mau olelo hoomakeaka i kona hoa ai e noho ana ma kona aoao:

            “Eia nei e, ke ike nei au ua hoopilikia aku oe i kuu mau keiki.”

            “Iawai hoi au i hoopilikia aku ai e ke alii,” wahi a ka ehu nui o ke kaona.

            “I kuu mau hoahele, eia wale no na maka ianei e nana mai nei ia oe.”

            “Ka, ua apa no ka lakou nana ianei, he nana iho i ka poke uhu e waiho iho la i kea lo, ua hele ke kai a kuhuhua i ka momona o ke ake; apahu mai ka e’o o ke kala, ohono, ua hele ke kai a oliliko i ka momona; piha ka opu, kani ka ea, nana aku ana omua o ka huakaihele.”

            “Anoai paha ke awhi aku nei oe ilaila, ka i ko lakou la noke i ka aka ke ike mai ia oe!”

            “Auwe no ka hoi e!” wahi a ka ehu.  “Make naaupo wale no ka hoi ko-a-pka i ka lihilihi wale no.”

            “I keaha hoi?” wahi a Ahiki.

            “I ka maa ole no hoi paha i ka ai ana i ka i’a, no ko kaua hoonuu paha, paheneia mai nei au ia oe.”

            A maona na mea apau, hoomaha a kuu ka maona, hoeu ae ka huakai a ke’lii ke hele ae la ka la iluna.

            Oiai lakou nei e hoi nei i ke kula, haupu ae la ke Konohiki in a olelo a Nuhi i kamailio aku ai iaia, e pili ana ia Nihiole.

            Ninau mai la o Ahiki ia Nuhi me ka leo hawanawana:

            “Ihea kahi i loaa mai ai oia la ia oe e noho ana i ka la a olua i hele a ii Waimanalo?”

            “I kela mau hale e ku mai la i nae, a i kela ahua i kai, ilaila i loaa mai ai ia’u, a malaila oia i olelo mai a ii kona ike ana i ke akua heenalu.”

            “Ina hoi ha pela, malaila ka kakou huakai e hele ai, anoai aia ilaila ua keiki nei, a i ole ua hele no paha, o ka mau no o kamalii he hele i ka paani me na hoa.”

            Huli mai la o Ahiki a kamailio mai la ia Paku’u ma; “E hele kakou i kela mau hale e ku mai la, a i nele ilaila, hele loa kakou i Waimanalo.”

            A lohe o Nihiole i neia mau olelo a ke Konohiki, ano ioena ae la kona hiohiona, ulu mai la iloko ona ka hoomanao no kela poe heenalu a kokolo loa aku la kea a ulu o kona noonoo no ka leo kahea o ka uka polikua o Makawao, ano e-a-no!

            Eeu ae la ka lauoho o kona poo, a okakala ae la ka hulu mahamahao kona mau papalina, loli ae la kona mau ano, o ia no oe o ka lepo i kauia aku in a maka.

            “Heaha keia ou?” wahi a Paku’i, “ea, ua ma’i ia anei oe?”

            “Aole o’u ma’i, no ko’u lohe ana aku ne ii na olelo a ke alii, e hele ana kakou i Waimanalo, hoomanao ae la au i ke akua heenalu o ka la loa, o ia ia i lia ae la ko’u ili, anoai paha o ike hou aku au, o ka hanana aku ia moe i kauwewe.”

            “He mea hoolako auanei ia, e ke hoa, o hoi aku a hoi aku, elike me ka hula le’a; mai noonoo oe no ka mea i hala, he nui hoi kakou, aole paha ia akua e kiei hou mai kona poo.”

            Ia lakou nei e hookokoke aku e hiki i ka hale e ku mai ana, ike aku la o Ahiki i ka puka ana mai o keia kaikamahine u’i mailoko mai o ka hale a lakou nei e hele aku nei, a mahope o ka ui he keiki ehu pala o ka lauoho, a iluna o ke poo o ke kaikamahine e kau ana ka lei pua halapepe.

            Ia laua i mamao ai mai ka hale aku, huli like mai la laua a nana mai la ia Ahiki ma.

NA LUNANUI O KE K. S. AME C. E. O MOKULAU KAUPO.

 

 

            Mr. Lunahooponopono o ke Kuokoa; Aloha oe:--E oluolu mai i kekahi rumi kaawale o ke Kilohana, o ia iho keia malalo penei:

            K. S.—Henery Gibson, K. K. S. Apana; Joseph K. Kailieha, hope; Sam Apo, kakuolelo; M. K. Reuter, hope; Mrs. J. W. Kawaakoa, puuku; Mrs. E. S. Kalohelani Jr., alakai himeni; J. W. Kawaakoa, kakauleta; E. R. Keiki, hoakuka,

            C. E.---Sampson Kalohelani Jr., peresidena; Geo. M. Kanae Jr., hope; Jno Kawaiaea, kakauolelo; M. K. Reuter, hope; Mrs. J. P. Kalohelani Jr., alakai himeni; J. ahulii, hoakuka; Mrs. Martha Apo, komite haipule; Mrs. Jno. Kawaiaea, hope; Mrs. Geo. M. Kanae, hope.

                                    M. K. REUTER,

He Mea Ole ka Manawa Kupono i ke Kanaka me na Pakeke Alualu

 

            He nui ka poe i manaoio he hookahi wale no wa o ka Manawa Kupono e hoea mai ai iloko o keia ola ana.

            O ka mea oiaio nae, aole he hoea mai o ia mea iloko o ia manawa imua o ke kanaka i lako ole me ke dala no na Manawa Kupono nei.

            E hoolilo i kou mau manawa kaawale apau ma o ka hoahu ana i kekahi o kau mau wahi kenikeni liilii.

E HANA KOKE IKEIA WA.  MAI KALI.

E HOOMAKA KOKE I KEIA LA OIAI E LOAA ANA KAU

DALA.

            E Hoahu i Kau Kala ma Keia Banako ina he Hookahi Dala wale no kau e hoomaka ai.

            E hooholo i kekahi papa hana o kela ano i kela ame keia pule a mahina paha me ka hoomau ana.

            Elike me ka pii mahuahua mau o kau mau hoahu liilii, a i ka hoea ana mai o ka Manawa Kupono, ua hiki ia o eke apo mai iaia.

 

Chinese-American Bank

O KA

Liberty Bank of Honolulu, Ltd.

 

Ua hookumuia i Feveruari 18, 1922; ua pii mahuahua mau ae kona kulana holomua iloko o ia manawa pokole o kona ku ana, i aneane loa e hoea aku i ka papa o ka miliona dala.  O keia kulana holomua, he mea ia nana i hookahaha aku i ka lehulehu---he kulana holomua i hoea mai mamuli o na hookele noeau ana.

HE MEA NUI ANEI KE OLA IA OE?

Heaha ana na haawina e loaa ana ia oe ina e pau oe mai ka hana mai, a i ole, loa paha i ka ma’i?

E HOAHU I KAU DALA ME MAKOU.

He hookah wale no dala no ka hoomaka ana.  Eia ke hamama nei ko makou keena ma na ahiahi Poaono apau, mai ka hora 6:30 ahiki i ka 8:00.

The Liberty Bank of Honolulu, Ltd.

Kumupaa i Ukuia, $200,000.00.  Huina Kaululu, $16,000.00

Kihi o na Alanui Maunakea ame Moi.

E KUAI I KA PALAOA KALIMA I HOOMO’A IA MA KA LEE WO BAKERY

653 ALANUI KEAWE

O NA HAWAII

i makemake i ka pomaikai o ke Kanawai Hoopulapula o Molokai, e hoolako

 

ia lakou i ho no ka holomua ma ka loaa ana ia lakou o na Lako Mahiahi me Hanai Holoholona ma keia hui kamaaina.

 

Ke malama nei makou in a lako Hana Maikai Loa, pela hoi me ke PENA SHERWIN-WILLIAMS, ka mikini Umi Waiu DE LEVAL amen a lako pele i ka home o na ano apau.

 

Maloko o ko makou Keena o na Lako Paani e loaa no he ahua o na pu liilii amen a raifela maikai.

 

E Kuai i Kou Mau

Pono Hale

Ma ka

Hawaii Furniture Co.

Helu 469 Alanui Moi,

Kokoke i ke koho o ke Alanui Liliha

Kopa Moe Keokeo No Ka Mikini Holoi

 

He Kopa maikai-loa i hiki ke hoohanaia no na ano hana apau i pili i ka home.  Hiki ke holoi i na lole nahenahe loa me ka pilikia ole.  O kona oi loa aku o ka maikai no na mikini holoi---No ka holoi in a pa ame holoi hale.

 

 

KUAI I PUOLO MAI KOU HALEKUAI MEAAI MAI

 

T.H. Davies & Co., Ltd.

Hoao i ke Kope Kona Kamehameha

 

            Ke kipe maloko olaila kona mau ano maikai kumu apau, i hooma’aia me ke akahele loa, i wahi e moani ai ke ala, a hooko,oia aku iloko o na puolo amen a kini, e kono ole ai ke ea iloko olaila---o ke Kope Kona Kamehameha ia.  E nana i ka hoailona melemele.  He ono a miko,iko ka hoailona Kamehameha i kupono in a Hawaii.  Hiki ke loaa ia oe ma na puolo o 1-paona a i ole ma na kini o 5-paona.

 

O ke Kanaka Kuai in a Lako Hana Maikai ua Lanakila e no Oia i ka Hapa o ka Hakaka

 

Aole hiki ia o eke lawelawe in a hana maikai me na meahana inoino.  O ke kanaka e hoao ana e hava me na meahana inoino, e hoea mai ana i kona wa e kiola ai, a kuai in a mea kupono, ina he noonoo oia.  Aka nae ua poho wale ka manawa ame ke dala ma ka hana ana pela.  Ke kuai nei o Lewers & Cooke, Ltd., in a lako hana maikai wale no.

 

KE MALAMA NEI MAKOU HE AHUA PIHA PONO LAULA O NA

LAKO MAHIAI AME NA LAKO KUKULU HALE

 

He Makemake Paha Kou i

KO’I, KIPIKUA, KOPALA, HO, HAMARE, PAHIOLO, KO’I LIILII, NA LAKO KAMANA PIHA PONO, HOANA HOOKALA, PAKEKE.

 

Papa o Kela ame Keia Ano, na Lako Hao, Pena, Aniani

 

Kakau mai a i ole kipa mai no na hoakaka.  E hookoia no na kauoha apau ma ka leka me ke akahele ame ka hikiwawe loa.

 

LEWERS & COOKE, LIMITED

Na I’o Pipi Momona Waeia Mai na Aina Hanai Pipi Like Ole Mai o Hawaii Nei

 

            O keia i’o pipi momona, ka papa maikai hookah ma ka makeke, a ke kuai hoolilo nei makou, ma ke kumukuai haahaa, me ka hoopono maoli,

            Eia keia mau kumukuai malalo loa iho o ko na makeke e ae, a hui pu iho me na kulana maemae e hoohanaia nei e makou ma ka lawelawe ame ka hoahu ana in a i’o pipi, he mea pono e lilo ko makou makeke i makeke nou.

 

                        Pipi Ku Mokupuni…………………….         15c    o ka lb.

                        Kulana Aoao o ka Pipi………………….       15c      o ka lb.

                        Ku’eku’e Pipi…………………………          121/2c o ka lb.

                        Pipi Palai iwi Hoehoe……………………      15c      o ka lb.

                        Pipi Palai Uha…………………………….    15c      o ka lb.

                        Kulana Aoao Koala……………………..151/2c        o ka lb.

                        I’o Hipa Ku………………………………..10c         o ka lb.

                        I’o Umauma o ka Hipa……………………10c          o ka lb.

                        I’o Hoehoe Palupalu……………………..12 1/2c     o ka lb.

 

                        WAIUBAKA MAILE……………………..50C      o ka lb.

METROPOLITAN MEAT MARKEY

 

E ninau no LUI; he oluolu na kuka’i ana ma ka kaua olelo makuahine.