Ka Nupepa Kuokoa, Volume LXI, Number 40, 5 October 1922 — Page 8

Ka Nupepa Kuokoa

KE KILOHANA POOKELA NO KA LAHUI HAWAII.

 

AOAO NO NA MANAO PEPA SOLOMON HANOHANO, LUNAHOOPONOPONO

 

NA MOOLELO HOONANEA, NA HUHOU KALAIAINA ME NA NUHOU O KA MANAWA

 

E KOHO MA KE KUPONO O NA MOHO

 

            Ma keia Poaona e hoea mai ana, e hooholo ai na makaainana o keia Teritore i na kanaka kupono, no ko kakou ahaolelo kuloko, am eke kulana elele lahui i Wakinekona, ma ke koho ana o kela ame keia aoao kalaiaina kuloko, in a moho, no na kulana oihana, maiwaena mai o ka nui o na moho e holo nei, ma keia kau koho baloka wae moho.

            I ka nana aku iloko o keia mau pule i hooukaia ai na paio kalaiaina, e na moho ma ka lakou mau haiolelo, a ma na hooikaika ana a ko lakou mau kokua:  me he mea la, eia eiwaena o na moho elele lahui Repubalika, ka hahana maoli o ka paio ana, e lilo ai no ka hopena e oili ae ana ma keia Poaono, i kumu e oili mai ai na manao maikai ole, iwaena o na makaainana, i haule ka lakou mau moho.

            He poe Hawaii wale n ona moho elele lahui Repubalika apau e alualu nei, e loaa ia lakou pakahi ka waeia ae, i mea paahae na ka aoao Repubalika; he poe no hoi in oho iloko o ko kakou ahaolelo kuloko, a i kamaaina in a hana kaukanawai; o ka waeia ae o kekahi o lakou i moho na ka aoao Repubalika, aole ia he mea na ka aoao e hilahila ai; ina no kona lilo aku, i elele na hHawaii ne ii ka ahaolelo lahui.

            Ma na hiohiona maopopo loa, o keia paio kalaiaina mawaena o na moho, ua kikooia aku na hana o ka wa i hala, i lawelaweia e lakou pakahi, a kukuluia mai imua o ke akea, ma kea no, pela iho la e hookomoia aku ai na manao hoowahawaha o na makaainana koho baloka, no ka hoa paio; a iloko no hoi o ia manawa hookah, e haawiia mai ai na kakoo ana a na makaainana, i kekahi moho, mamuli o kana mau hana maikai, a mau hooponopono ahaolelo paha i hana ai, iloko o ka ahaolelo kuloko.

            Aole nae kakou i malihini i kea no o na hana kalaiaina, pela mau iho la ke ano o na hana a na moho e alualu ana in a kulana kohoia e ka lehulehu, aole wale no ma Hawaii nei, aka ma Amerika Huipuia kekahi; o na hopena nae i oili mai; ma kahi o ka loaa aku o ka huluna baloka kiekie, in a moho e hoao ana e kipehi aku i kona mau loa paio, he heluna baloka haahaa ke loaa ana iaia; he hoike ana mai keia, i ko na makainana makemake ole i kela ano o ka paio kalaiaina ana.

            I ke koho ana in a moho elele ma keia Poanon e hoea mai ana, he mea pono i kela ame keia makaainana koho  baloka, e noonoo me ke akahele loa, a e kaupaona in a moho ma ko lakou mau aoao apu, me ka puni ole aku in a hookikina ana mai, a ka poe e ake mai nei, e loaa ka lanakila i ka lakou mau moho, me na kumu kupono ole.

            He kulana ko’iko’i maoli ke kulana elele iahui, o ke kanaka e pono ai ia kakou ke koho aku i elele nan ka aoao Repubalika, he kanaka oia i ikeia kona makaukau ame kona kupono; he kanaka i kamaaina in a kulana oiaio o Hawaii nei, elike me ka nee ana mai, amen a loli ano nui iloko o ko kakou hooponopono aupuni kuloko ana.

            Ina kakkou e lawe mai ana in a olelo a ke Keikialii Kalanianaole, no kana mau mea i ike ai maloko o ka ahaolelo lahui, iloko o na makahiki i aneane e piha ka iwakalua, o kona paa ana i ke kulana elele lahui mai Hawaii aku nei, i kahua na kakou e koho aku a ii ka kakou moho elele, alaila ua kupono o Senatoa John H. Wise no kela kulana.

            O ka meahuna i pili i ka holomua o na hana a ka elele mai Hawaii aku ne ii ka ahaolelo ma Wakinekkona, elike me ka ike am eke kamaaina, i loaa i ko kakou elele alii i moe aku nei, o ia no ka nui o na hoaloha iwaena o na komite, a ewaena pu o na hoa kaukanawai, o na hale a elua o ka ahaolelo; ma ia mahele i oi aku ai ke kupono o Senatoa John H. Wise, mamua o kona mau hoa moho; mamuli o kana mau huakai i ka ahaholelo ma Wakinekona.

            Ma na hoike i hoihoiia ma ii Hawaii nei, e na hoa o Senatoa John H. Wise o ka holo pu ana i Wakinekona, a ma ka moolelo o na hana ninaninau, imua o ke komite o na Teritore, o ka Hale o na Lunamakaainana, o ka ahaolelo lahui, ua nanaia mai oia e na hoa kaukanawai o kela ahaolelo, ma kea no he kanaka oia i makaukau maoli ma na ninau apau i pili ia Hawaii nei.

            Malia paha, elike ana no ka makukau ame ke kupono o na moho e ae e  holo pu nei ma ka aoao kalaiaina hookah me kona, ke loaa ia laua he manawa e hoea ai no Wakinekona, aole he kanalua ana no ia mea; aka nae, e hala ana kekahi manawa nui kupono, no laua e hookamaaina aku ai me na hoa o ka ahaolelo lahui; a e hoo-hoaloha aku ai; a ma kekahi olelo ana ae apaha, elilo ana kekahi manawa nui no laua e hookamaaina pono a ii na hana o ka ahaolelo, mamua o ka hiki ana ke holopono, kekahi mau hooponopono ahaolelo i manaoia no Hawaii nei.

            O na hemahema pilikino o na moho, e kapae loa ko kakou moomoo ana no ia mau mea; oiai, ua pipili mau aku na ano honua in a moho elele apau e holo nei; he hookahi mea ano nui, o ka loaa ia kakou he elele kupono, a he kanaka Hawaii hoi, nana e paa kela kulana me ka hanohano, elike me ia i paaia ai e ke Keikialii Kalanianaole, no na makahiki loihi.

            E maopopo maoli in a makaainana kea no o ka lakou koho ana in a moho elele ma keia Poaono ae, o ia hoi, e koho me ka manaoio, he kanaka oia i hiki ke hana aku no ko Hawaii nei pono kaulike, aole mamuli o ka hooko wale ana aku no, elike me na koikoiia mai, e mamuli paha o kea no hoaloha, a mau ano e ae, aka mamuli o ke alakai ana a ka lunaikehala, o ke koho ana o kela ano, he koho ana ia o kea no kuokoa, a i make hoi, e oili mai ka moho i kauia aku ai na hilinai ana, no kona mau ano kupono a makaukau.

            Aoli he mau kumu ku-e a keia pepa no Senatoa Chas. E. King, a pela no hoi no ka Hon. Norman K. Lyman, o oukou e na mana koho apuni keia Teritore, na lunakanawai na lakou e haawi ma ii ka olelo hooholo no ka mea oi ae o ke kupono, o keia mau moho ekolu, a owai la o lakou ka pono e lilo i elele no Hawaii nei?

HE MAU HOONAAUAO I NA MANA KOHO BALOKA

 

            Ma keia Poaono, e malama ana kakou i ke koho baloka wae moho apuni keia Teritore, no na moho elele lahui, na hoa o ke senate amae ko ka hale o na lunamakaainana, o ko kakou ahaolelo kuloko.

            I ka noonoo o kekahi poe, he mea liilii wale no keia koho baloka, o na moho e waeia ae ana, me ka nana ole owai la lakou, o na moho iho la no ia e koho aku ai, ma ke koho baloka, iloko ae nei o Novemaba; o kekahi keia o na manao lalau.  He koho baloka ano nui loa keia, ma keia koho ana, e pono ai e laa na kanaka kupono, e lilo i poe kaukanawai, malalo iho la o ia kumu, aole he hana maikai na kekahi poe o kakou ka hoohemahema ana i keia koho baloka wae moho, ma ka hele ole ana ae e koho i ko lakou mau baloka.

            Ina no paha he mau hana ka kekahi poe ma ia la i manao ai e lawelawe aku, ua nui loa ka manawa no lakou e hele ae ai e koho i ko lakou baloka, me ka lilo ole o ia mau hana i kumu e noho a ii ka hale, a e hele aku ai paha no kekahi mau wahi okoa.

            O kekahi poe paha ma keia Poaono ae, he la ia no lakou e hoohala ai iloko o na anaina hoohauoli; me ka inu ana i ka waiona; aole no i papaya kela mau hana; o ka mea mua nae e noonooia ma kela la, o ia no ka hele mua ana ae e hookomo in a baloka, ma na wahi koho, a o ke koena aku o kela la, no lakou aku ia kuleana, e hana ai elike me ka lakou i ike ae he kupono.

            Mai manao kakou, he mea liilii wale no ka pono koho baloka; he pono nui ia, e hiki ole ai ke loaa me ke kala; a na lahui e e noho mai nei, me ka hoomakaleho ia pono; molaila o ke a’o a ke Kuokoa, e lilo kakou apau, na makaainana, i loaa ka pono koho baloka, i poe hoohana ia pono ma keia kau koho wae moho, ma ka hele kino ana ae ma na wahi koho baloka, a koho in a moho a oukou i manaoio ai, iloko o ko lakou mau lima, e hanaia ai na hoop0onopono ahaolelo kaulike.

            I ke koho ana no hoi i ka baloka, mai pupuahulu wale, aka e heluhelu in a hoakaka i kauia maluna o ke poo o kela ame keia papa o na kulana oihana pakahi, a e koho elike me ka heluna o na moho i makemakeia, aole e koho a oi aku mamua o ia huina.

            Ma keia koho baloka wae moho, he hookahi no baloka, i pa’iia, no na mohoapau, main a moho elele i ka ahaolelo lahui, a na moho senatoa amen a lunamakaainana o ko kakou ahaolelo kuloko; me ka maheleheleia nae o na moho elele; na moho senatoa amen a moho lunamakaainana; a ua kau pu ia no na aoao kalaiaina o na moho apau e hoohewahewa ole ai ka mea koho baloka, ma ke koho ana i kana mau moho, elike me kona aoao kalaiaina.

            I ke kau ana no hoi i ke kahape’a, no na moho i makemakeia, e kau iloko o ke kuea, i hookaawaleia, mamua aku o ka inoa a mau inoa paha, aole ma kekahi mau wahi e ae, o kiolaia auanei ka hapa o ka baloka i hewa.

E MAKAALA I NA BILA DALA APUKA.

 

            Eia ke laha nei iloko o ke kulanakauhale ne ii keia mau la he mau bila dala apuka, o iwakalua ame kanalima dala, he heluna o kela mau bila i hea aku in a hale banako o kakou, main a kanaka kalepa aku; nolaila i wahi e komo ole mai ai kekahi o kela mau bila dala, iloko o ko oukou mau lima, e na Hawaii, e makaala loa, ma ka nanan pono ana in a bila dala o kela heluna ae la, o lilo auanei oukou i mau pio naka poe apuka ame ka poe kolohe.

            Eia iwaena o na halekuai o na Pake amen a Kepani, ka hapanui o kela ano bila dala apuka e pahola nei, mamuli paha o ka ike o ka poe kolohe, o na wahi wale no kela e nalowale ai ka lakou mau hana kolohe; nolaila i ko oukou hele ana ma na halekuai o na Pake amen a Kepani, mai poina i ka nana mua ana in a bila dala, e haawiia mai ana ia oukou, mahope iho o ke kuai ana i kekahi mau waiwai ma ia mau halekuai.

            He elua mau hoailona maopopo loa, e ikeia ai kela mau bila dala apuka, o ka mua, o ia no kea no o ka pepa o na bila dala apuka, ua kaokoa ae ia, mai ka pepa o ka bila dala aupuni; a o ka lua, o ia no ke kulike ole o na huapalapala, me na huahelu maluna o ka bila.

            Ma kekahi mau bila apuka, o ka huahelu 5 ka i hoomahuahuaia ae kona waiwaiio, mai ka elima ae a i ke kanalima dala, ma ka hoopiliia ana aku o ka ole, mahope mai o ka huahelu 5; oiai no nae, ke mau la no ka huapalapala, e hoakaka ana he elima dala ka waiwaiio o kela bila, aole hoi he kanalima.

            Eia na makaikiu ma ka meheu o ka poe na lakou keia mau bila dala apuka, e hoolaha nei ma keia kulanakauhale; i wahi e uhukiia ae ai keia kikania i kupu ae nei iwaena o kakou, ina ia main a aina mamao mai nei, a maiwaena ponoi ae nei no paha o kakou, e pono kela ame keia mea, e lilo i makai, no ka makaala ana i keia anoano ino, a e paa hoi ka mea, a i ole, ka puulu paha na lakou kela mau bila apuka, i ka hopuia, a hahao aku noloko o ka halepaahao.

 

 

NA MARE.

 

            Samuel Kaupu ia Pale Papaiku, Sept. 28.

NA HANAU

 

            Na Mr. ame Mrs. William Makanui, he kaikamahine, Sept. 18.

            Na Thos K. Wills ame Helen Kaaiohelo, he kaikamahine, Sept. 25.

            Na Harry Armitage jr., ame Hilda Diamond, he keikikane, Sept. 27.

            Na Wm. N. Saffrey ame Martha C. Lane, he kaikamahine, Sept. 28.

NA MAKE.

 

            Angeline Cooper ma ke alanui Moi, Sept. 27.

            Lono, ma ka Halema’i Moiwahine, Sept. 27.

            Aima H. Akiu, ma ke alanui Bannister, Sept. 29.

NA LEKA KII OLE IA MAI AHIKI I SEPT. 30, 1922.

 

Kailiponi, Abraham

Kaimi, Manuel

Kaiwiaea, Mrs. Raachel

Kahakauila, M.

Kamalani, Mrs. Jonah

Kamalolo, J.

Kaneapua, Joseph

Kealoha, E. P.

Kealoha, Lot

Kekaula, Mrs. M. P.

Kekipi, Wm.

Keloka, Miss Evelyn

Naauao, Mrs. Sarah

Nakea, R. K.

Nawae, Mrs. A.

Pomaikai, Mr.

Pua, Dan

            E ninau mai ma na leta i hoolahaia ke kii mai.

 

Nuhou Kuwaho

 

            VANCOUWER B. C., Oct. 2—Mahope o ka haalele ana iho o ka Mokuahi Empress o Australia ia nei no na la ekolu mai Vanekowa nei aku ma kona alahele no ka Hikina Loa, ua hoouna mai ia he lono kelekalapa uweaole e hoakaka ana ke huli hoi mai nei ia no ka poino o kona mikini.

 

            MOSCOW, Oct. 2.—Ua hoounaia aku e ke aupuni Soviet ia Beritania Nui, Italia, ame Palani i keia la he palapala e ku-e ana i ke paniku ia o ke kowa Dardanelles e na mokukaua.

 

            LADANA, Oct. 2.---Ua lilo ka palapala a ke aupuni Soviet o ka hoouna ana mai e ku-e ana i ke paniku ia o ke Kowa Dardanelles i mea hookahaha i na luna aupuni onei.  Ua hoakakaia ai ka manaoio o kekahi mau luna aupuni no ka hiki ole ke aponoia aku kela hoohalahala.

 

            MONTGOMERY, Ala., Oct. 2.—He Paele ka i liia e kekahi ahakanaka i piha i ka inaina i keia la maanei a hookahi i pepehiia a make iloko o ka manawa o ka hakaka ana, a iloko o ia hakaka ana i kiia ai he haole ilikeokeo a make.  He iwakalua mau Paele i pepehiia iloko o ka uluaoa i ala ae mahope iho.

 

Nuhou Kuloko

 

            Ma keia Poaha ae, e malamaia ae ai ka hoikeike fea ma Maui, pela nohoi ma ka Poalima ame ka Poaono aku.

 

            E hoea kino ae ana o Senatoa John. H. Wise malalo o Aala Paka, ma ka haiolelo hope loa a na moho, ma ka po o keia Poalima iho.

 

            Ma nehinei, i noho ae ai ka halawai a ka Ahahui Eueanelio Ahahuina o ka Mokupuni o Oahu nei, maloko o ka luakini o Kawaiahao.

 

            Ma ke awakea o ka Poakahi iho nei, i weheia ae ai na hana haiolelo kalaiaina ma ka pahu kope, ma ke kihi o na alanui Betela ame Moi, me ka piha mau o kela kihi i na kanaka ma na awakea apau.

 

            Ma ka halawai a na wahine Hawaii, o ka malama ana ae maloko o ka Hale Misiona Memoriala, ma ka po o ka Poalua iho nei, i hoike ae ai o Kiaaina Farrington i kona manao kakoo no John H. Wise, i moho elele lahui.

 

            No ka nui loa o na palapala a na makamaka i hoopaneeneeia ka hoopukaia ana aku, a hui pu iho no hoi me ka nui o na hoolaha e puka aku nei, pela i kapaeia ae ai ka hoopuka ana aku i kekahi mau mmoolelo i keia pule.

 

            Ma ka po o ka Poalua iho nei, i ku ae ai ka lima o M. M. Pedro Jr., i ka poka ma ke ano ulia, oiai oia e noho ana maluna o ka pa ma ke alanui Kawaiahao, me ka maopopo ole o kahi i lele mai ai o ka poka.

 

            Mahope iho o ke kaama’i ana no kekahi manawa loihi ae nei i hala, i pauaho mai ai o Kapena W. K. Freeman, i kamaaina i na mea apau, ma ke kakahiaka o ke Sabati i hala, maloko o kona home ma ke alanui Moi.

 

            Ina he poe kekahi i makemake e hooponopono i ko lakou mau inoa, ame na wahi koho, ma ka Mokupuni o Oahu nei, e hele ae imua o ka Papa Hoopaainoa, ma keia la, ahiki i ka Poaono, maloko o ke keena o ke kakauolelo ka Kalana, ma ka Hale Kapiolani.

 

            No ka hoea ole ana ae o kekahi mau wahine opio, he mau hoike ma ka aoao o ke aupuni ma ke kakahiaka o ka Poakahi nei, imua o ka aha a ka Lunakanawai Andrade, i kauia mai ai ka hoopa’i o iwakalua-kumamalima dala, no ka hewa hoowahawaha i ka aha.

 

            Mamuli o kekahi mau ninau i waihoia ae e na wahine, imua o na moho e holo nei noloko o ka ahaolelo kuloko, i hoike okoa ae ai na wahine, i ko lakou makee i na hooponopono ahaolelo kaulike, e hoea mai ai ka manawa e holo moho ai kekahi poe kupono o lakou, no na kulana kohoia e ka lehulehu, ma keia mua aku.

 

HE 50 POE I HOPUIA E NA MAKAI HOOKAPU WAIONA.

 

            Iloko o ka mahina o Sepatemaba i hala aku la he 50 ka nui o ka poe i hopuia maloko iho o Honolulu a ma ka Mokupuni o Oahu e na makai hookapu waiona, no ke ku-e kanawai waiona,  He 43 o ia poe i ae i ko lakou hewa a kauia mai ka hoopa’i e ka Lunakanawai John De Bolt e hoomaka ana mai ka $10 aku a ka $500.  O kekahi poe i hoopaiia ma ka hoopa’i dala a ma ka hoopa’i paahao.  elua Kepani i hoopa’iia ekolu mahina paahao o hookahi eono mahina.  eona mau hihia i koe aole i hooloheia a puka mai ka olelo hooholo a ka aha.

            Iloko o ia mahina he 56 galani okolehao ame sake i hopuia me 35oo galani rama i hoawaawaia. O ka huina o na dala i loaa no na hoopa’i i ukuia $4060. aneane ma kahi o $13.50ka averike no na koina o ka aha no kela ame keia hihia, aohe i hoohuiia me ka huina dala no na hoopa’i i hoike mua ia ai la.  Iloko o ka heluna nui o ka poe i hopuia 5 maloko o na hale inu wai momona, he 50 poe puhi rama a he 11 kuai liilii.  Mawaho ae o keia he 14 poe e ae i hopuia.

EKALESIA O KA MOKUPUNI O KA HOOMANA NAAUAO O OAHU NEI.

 

            Ma ka Poalima, la 27 o keia malama o Okatoba, e noho mai ai ka aha ekalesia Mokupuni, no na hana maamau, ma Kealaula o ka Malamalama, ma Koula, Honolulu, Oahu nei.

            Ke kauohaia aku nei na lala apau o ia aha, e akoakoa ae ma ka hora 100:00 a. m., o ia la.

            E hele mai me ka makaukau.

                        KALA KAAIHUE,

                                                Kakauolelo E. M.

 

HOOLAHA KUAI O NA HOOLIMALIMA LAULA AUPUNI.

 

            Ke haawiia aku nei ka hoolaha akea ma keia, ma ka hora 10 a. m. Poaha, Novemaba 2, 1922, ma ka puka ma ke alo o ke keena o ka Hope-Akena Aina, Mr. F. K. Kalua, Wailuku, Maui, T. H., malaila e kuaiia aku ai ma ke kudala akea i ka poe koho kiekie loa malalo o na manao o ka Pauku 73 o ke Kanawai Kumu o Hawaii ame ka Pauku 380 o na Kanawai i Hooponopono Hou ia o Hawaii o ka 1915, ka Hoolimalima Laula o na aina Aupuni i hoikeia malalo nei, no laua na hoolimalima laula e kuaiia aku ana, malalo nae o na kumu aelike ame na ano o ka Hoolimalima Laula Aupuni i hoopukaia e ke keena o ke Komisina o na Aina Aupuni, a i kulike pu hoi me ka manawa ame ke ano o ka uku ana, elike me ia i hoakakaia malalo nei, a e hoohuiia ma ke ano he mau olelo hoopaa maloko o na hoolimalima e hookoia aku ana.

            1—Ka hapa o ka Aina Aupuni o Haleakala, Makawao, Hamakuapoko, Maui, mawaena o ka aina hookuonoono o Haleakala ame ka Hale ma Olina, he mau apana pa-ale, nona ka iliaina o 100 eka, oi aku a emi mai paha; manawa o ka hoolimlima, 10 makahiki mai ka la 2 aku o Novemaba, 1922; uku hoolimalima haahaa, $75 no ka makahiki, a e uku hapa-makahiki mua ia.

            Ua koe me ke Teritore na alanui e moe nei i nei manawa ame na ala liilii e moe la maluna o keia apana.

            Ke hookoe pu nei ke Teritore i ka pono o ka lawe ana mai ma kekahi manawa e makemakeia ana i mau iliaina no ke kukulu halenoho ana, a i ole kekahi mau hana e ae i hoakakaia e ke kanawai a ina no ka hanaia nei o ia lawe ana, e hoemiia mai ana ka uku hoolimalima i kulike me ka nui o kahi i laweia.

            2---Ka hapa o ka aina aupuni o Haleakala, Makawao, Hamakuapoko, Maui, Mawaena o na apana pa-hale ma ka Hale Olinda, ka aina o Kalialinui ame ka Aina Ululaau i hookoeia ma Makawao, nona ka iliaina o 145 eka, oi aku a emi mai paha, manawa o ka hoolimalima, 15 maba, 1922; uku hoolimlima haahaa $100 no ka makahiki, a e uku hapa-makahiki mua ia.

            Ke hookoe nei ke teritore i ka pono o ke alawai no ka laina paipuwai o Kula, ame na alanui apau e moe nei i nei manawa, ame na ala liilii e moe la maluna o keia apana aina.

            O ka mea e kuai ana i kekahi o na hoolimalima i hoikeia ae la maluna, e kukulu koke ma ka manawa o ka hooko ana, ma kona mau lilo ponoi, a e malama mau hoi iloko o ka manawa o ka hoolimalima i oleloia, ma ke ano e paa ai na holoholona, i kekahi pa-laau ma na wahi apau o na palena o na aina i hoolimalimaia, e komo pu ana na palena o ka Aina Ululaau i hookoeia o Makawao, a ma kahi hoi o ka pa e ku nei i keia manawa, na ka mea e kuai ana e hana hou, a e malama mau i ka paa o ia pa, ma ke ano e komo ole ai na holoholona, iloko o ka manawa o ka hoolimalima i oleloia.

            Na ka poe e kuai mai ana, mahope koke iho o ke kuai ana, e uku i ka hoolimalima o na mahina mua eono (6), hui pu me na lilo no ka hoolaha ana ame na lilo e ae e pili ana me ka hoomakaukau ana i na palapala hoolimalima i oleloia.

            O na palapala aina no na aina e hoolimalimaia aku ana ame ke ano o ka palapala Hoolimalima Laula Aupuni, e ikeia no ma kahi waiho o na palapala ma ke keena o ka Hope-Akena Aina ma Wailuku Maui, a i ole ma ke keena o ke Komisina o na Aina Aupuni, ma ka Hale Kapitala, Honolulu, T. H.

            No na hoakaka laula aku i koe e noi ae ma ke keena o ka Hope-Akena Aina, Mr. F. K. Kalua, Wailuku, Maui, a i ole ma ke keena o ke Komisina o na Aina Aupuni, ma ka Hale Kapitala, Honolulu, T. H.  A. A. DUNN,

 

            Hope Komisina o na Aina Aupuni.  Hanaia ma Honolulu, T. H., Sepatemaba 28, 1922.

HOOLAHA I NA MANA KOHO BALOKA.

 

            E noho ana ka Papa Nana o ka poe koho baloka o ka Apana 4 ame 5 o Oahu, ma ke keena o ke Kakauolelo o ke Kulanakauhale a Kalana, ma ka Hale Kapiolani, Alanui alakea, ma na la i hoikeia malalo iho nei panei.  Poaha, Okatoba 5, Poalima Okatoba 6 mai ka hora ewalu a.m., ahiki i ka hora 2:00 p.m. o kela mae keia la, a ma ka la 7 o Okatoba, mai ka hora 8:00 a.m., ahiki i ka hora 5:00 p.m., no ka hooponopono ana ika papainoa o ka poe koho baloka, no na inoa i haule a i ole kekahi mau hemahema e ae paha i pili aku ia mau papainoa.

 

SAM F. CHILLINGWORTH,

Lunahoomalu o ka Papa Nana Koho Baloka o ka Apana4, ame 5, Mokupuni o Oahu.

6524---Oct. 5., 1922.

TERITORE O HAWAII.

 

Keena o ka Puuku, Honolulu, Oahu.

 

            Ma ka hana e hoopau ana i ka MAUI LAND COMPANU, LIMITED.

            OIAI, o ka MAUI LAND COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoea mai iloko okea keena he palapala noi no ka hoopau ana i ka hui i oleloia, hui pu me kekahi palapala i hooiaoia i hoohui pu ia meia, elike me ia i koiia ai ma ke kanawai.

            NOLAIALA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa, ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena mamua ae o ka la 14 o Dekemaba, 1992, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, ina he kumu kekahi i wahi e ae ole ia aku ai ka palapala noi i oleloia.

HENRTY C. HAPAI,

Puuku, Teritore o Hawaii.

Honolulu, Okatova 3, 1922.

TERITORE O HAWAII.

 

Keena o ka Puuku, Honolulu, Oahu.

 

            Ma ka hana e hoopau ana i ke KEWALO MARINE RAILWAY & LAND CO., LTD.

            OIAI, o ke KEWALO MARINE RAILWAY & LAND CO., LTD., he nui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai make kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa, ma kekahi ano iloko o ka hui i oleloia, e waiho mai i na ku-e ana no ka aeia aku o ka palapala noi i oleloia maloko o keia keena mamua ae o ka la 9 o Dekemaba, 1922, a o kela ame keia mea e makemake ana e hooloheia aku maluuna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, ina he kumu kekahi i wahi e ae ole ia aku ai ka palapala noi i oleloia.

HENRY C. HAPAI, Puuku, Teritore o Hawaii. Honolulu, Okatoba 3, 1922.

He Mau Kaukani e Hoohana Mai Nei ia Laau

B.B.C.

 

            (Body Building compaound) oea ke kino o na Aa laau i hanaia i laau lapaau i hulia me na launahele ame ka hao e hana pu ana me na mea i hanaia e ke Akua, e hoomaemae a e hooikaika ae ana i na mea paahana holookea maloko o ke kino, e pale aku ana i ka ma’i maloko a mawaho o ke kino a e hooilio ana hoi i ke kino imea ikaika elike me ka ikaika o ka wa opio me ka hookoe i ka ikaika.  O ka poe kino nawaliwali, omali, hapauea a haaluhi e hoopomaikaiia aku ana lakou ma hope iho o ka inu ana i keia laau no kekahi mau pule kakaikahi wale no iloko o na manawa lehulehu i ikeia.  Ua kuaiia ma na halekuai laau ame na halekuai apau o na mahiko.  Kumukuai $1.00.  Kuikawa 6 no $5.00.

            Na makou e uku aku na lilo no na puolo ma ka haleleka no na kauoha laau o $5.oo kuike.

JOHN K. NAIWI

 

Ka Pila GRAFONOLA COLUMBIA

Maopopo da Wa e Pau Ai

 

            Na ka mea hoopaa nona iho e makaala ia ea nou.  Ua hiki ia oe ke hulahula ahiki i ka huaolelo pe loa.

Uku Liilii ke Makemakeia

Thayer Piano Co., LIMITED.

LIBERTY THEATER

Ukukomo:  25, 40 Keneka; Noho i hookaawaleia, 60c.

EMPIRE THEATER

Ukukomo: 15, 25, 40 Keneka; Ukuia ka auhau kaua.

STRAND THEATER

Ukukomo: 15, 25, 40 Keneka; ukuia ka auhau kaua.

NEW PALAMA THEATER